أسعار حاجات اشتريتها ( ستروين ax )

**hany562000** · 25-01-2013 11:15 PM

دي أسعار حاجات اشتريتها من التوفيقية للستروين ax عشان الجميع يستفيد ان شاء الله
ريداتير جديد = 325
مرايات جانبية = 85 للواحدة
فانوس اشارة أمامي = 30
وش فانوس أمامي = 20
وش فانوس خلفي = 15
صباع حرارة = 30
فلتر زيت = 35
طبعا كل الحاجات دي جديدة و ياريت اللي معاه أسعار حاجات تانية يكتبها عشان الكل يستفيد

**atamim** · 26-01-2013 03:28 PM

شكرا جزيلا لك

و يا ريت تحكيلنا عن موديل عربيتك و كمالياتها و سعرها ايام ما اشترتها و سعرها المتوقع حاليا

و ايضا خبرتك فى اعطالها و اتصلحت ازاى

و شكرا جزيلا

**hany562000** · 26-01-2013 09:11 PM

العفو يا باشا..انا عربيتي موديل 97 جبتها من حوالي شهر ب 17000 دواخل فبريكة و دهان الشركة من بره ..تكييف شغال..زجاج كهربا أمامي ..سنتر لوك ..و كان فيها مشكلة الحرارة اللي خلتها جابت مني جوان وش سلندر و ابتدت الميه تخلط مع الزيت..و ده كان بسبب ان الريداتير فيه شرخ في القربة البلاستك بتاعته وهو نفسه كان بينقط...واحد بتاع ريداتير قالي ممكن اعملك القربة دي نحاس وهتكلف في حدود 150 جنيه بس انا بصراحة قلت اجيب واحد جديد و اريح دماغي..و رايح بعد بكرة اغيرلها الجوان بس لما الميكانيكي شافها شكرلي جدا في الموتور و بالمناسبة هو 1400 سي لكن غير كده مش شايف عيوب الحمد لله..العربية ناعمة جدا الحمد لله

**doctor11** · 26-01-2013 10:22 PM

مبروك عليك يا باشا الax وربنا يباركلك فيها .....انا برضو بفكر ف الستروين ياريت نتواصل عشان استفيد من تجربه حضرتك

**hany562000** · 26-01-2013 10:36 PM

الله يبارك فيك يا دكتور ...ربنا يكرمك و تلاقي حاجة كويسة بأذن الله...و يشرفني التواصل معاك طبعا في اي وقت

**S O P H O S** · 27-01-2013 04:45 PM

جزاك الله خيرا علي الافادة ..

**rotanamasoud** · 27-01-2013 06:55 PM

فلتر زيت = 35
انا بجيبه ب 10 جنيه بتاع البيجو

**hany562000** · 28-01-2013 04:53 AM

المشاركة الأصلية كتبت بواسطة rotanamasoud

فلتر زيت = 35
انا بجيبه ب 10 جنيه بتاع البيجو

طبعا فيه بدائل كتير و ارخص يعني بيركب عليها فلتر البيجو و السوزوكي و الشاهين كل ده شغال...بس انا قصدت اكتب اسعار حاجات الستروين تحديدا عشان الناس ساعات بتفتكر ان قطع غيارها مش موجودة ...بالعكس كله موجود و جديد حتي فلتر الزيت بتاعها موجود...ولو حضرتك عندك أسعار حاجات خاصة بالستروين ال ax ياريت تضيفها معانا و جزاك الله كل خير

**hany562000** · 28-01-2013 04:55 AM

المشاركة الأصلية كتبت بواسطة s o p h o s

جزاك الله خيرا علي الافادة ..

جزانا و اياكم ان شاء الله..أشكرك

**megoghanem** · 31-01-2013 02:49 PM

هل الراديتير ده كويس؟؟ أصل أنا شاري واحد من كام شهر كده فاليو كان بـ750 جنيه، ومن غير الغطاء ومن غير الترومستات، وكان ناقص كمان لصامولة لفتحة شلتها من القديم، مش عارف بقى نظام الأسعار دي إيه؟