الموضوع: صور من معرض اوتوماك 2013

المشاركة الأصلية كتبت بواسطة yasserelsayad

ما هو دا اللى انا بتكلم فيه ان العربيات فعلا كويسة لحد ما بس المشكلة ان التوكيل بتاعها مش بيدى ثقة للمستهلك انه يشترى عربية منه لان سمعته للاسف مش قد كدا بغض النظر هو عنده قطع غيار ليهم ولا لا

يعنى انا لو قلت لولدى انا عايز اشترى ds5 مش هيرضى ابدا مش عشان العربية وحشة لكن علشان عز العرب .. نفس الكلام مع الفولفو باردوا

وبعدين موضوع قلة انتشار العربية دا فى رأى ضعف من التوكيل باردوا لان العربيات مش ناقصها حاجة عشان يعرف يسوقها .. غيره بيسوقوا لعربيات اقل بكتير بس بتبيع احسن عشان المستهلك بيكون عارف ان لما يشترى العربية هيكون فيه خدمة ما بعد البيع قوية

لو على نقطة التسويق فـ معاك حق للاسف .. عز العرب فعلا فاشل فاشل بكل المقاييس فى التسويق و بحس ان الناس المسئولة عن الموضوع ده هناك واخدين الموضوع هواية مش شغل احترافى .. هو سمعته مش قد كده بس بيحسن من نفسه بصراحة .. و معظم السمعة جاية من مشاكل فى بروتون .. وفعلا المعاملة و الاداء فى التوكيل مختلف اختلاف كبير اوى بين بروتون و بين ستروين .. و اظن فولفو هتبقى احسن كمان و ده عيب بصراحة انه يصنف التعامل على حسب مستوى الماركة .. طبعا طبيعى ان عميل فولفو محتاج يدلع شوية عن ستروين و بروتون بس لازم يبقى فيه minimum للاداء و التعامل فى التوكيل .. و بعدين يا معلم اسأل حسام عن الـ DS و الله عربية محترمة جدا .. و لو بتفكر فى DS5 مترددش بصراحة عربية ممتازة و حاول تقنع الوالد ..

بصراحة قلة انتشار العربية ديه انا شايفه 70% يتحملها التوكيل و 30% يتحملها السوق الجاهل اللى معلى ماركات تعبانة على حساب ماركات نضيفة .. يعنى لو ستروين مثلا باعت كويس ما اكيد التجار هيجيبوا قطع غيارها و تبقى متوفرة فى كل مكان بس العيب على التوكيل فعلا اللى عنده عربيات ممتازة و مش عارف يسوقها

المشاركة الأصلية كتبت بواسطة yasserelsayad

على فكرة 30% اللى يتحملها السوق مش عشان جاهل بس لكن معظم الناس بتقلق تشترى سيتروين او فرنساوى عامة بسبب بعض المشاكل اللى كانت فيه زمان زى المشاكل الكهربائية للاسف وعشان كمان محدش بيفهم فيه برا التوكيل وساعات كمان جوا التوكيل

وكمان عشان المستهلك عندنا مش بيحب العربيات الهاتش باك اوى .. يعنى معظم المستهلكين بيتجهوا للسيدان وكمثال على كدا السيراتو الهاتش باك مش باشوفها غير كل فين وفين بالرغم من الانتشار الرهيب للسيدان والكوبيه

وبعدين متزعلش منى بس ستروين اللى رفعها اليومين دول فى رأى نزول الفئات الـ ds مصر غير كدا كانت هتفضل ملهاش حس باردوا ومحدش بيجيب سيرتها

وربنا يهدى عز العرب ويعرف يحسن من نفسه عشان بالسمعة دى بيخسر جزء كبير من السوق

هى العربيات فيها تكنولوجيا عالية فعلا بس و الله اعتمادية لو اتحافظ عليها و نقطة الهاتشباك عندك حق فيها .. الـ DS طبعا كلهم تحفة بس و الله Citroen عربياتها العادية زى الفل برضه هى ملهاش حظ فى مصر بس فعلا عربيات ممتازة .. و يا رب عز العرب يحسن من نفسه فعلا

و معلش خرجت برة سياق الموضوع