هي الناس بتمشي بالعرض؟؟

**AhMeD MeTwAlY** · 26-01-2013 12:25 AM

كنت في زياره للقاهره بعمل شوية فحوصات وتحاليل
والحمد لله تمام
بحب اتفرج علي العربيات وهيه ماشيه كدا بحس ان كل عربيه ليه طابع خاص في مشيتها زي البنات
يعني لو عربيه جامده وملك جمال جمب بعض هبص علي العربيه
الالماني بحب اتفرج عليه من الخلف
المرسيدس احب اتفرج عليها وهي طلعه المطب ونزله من عليه
يا عيني
بس لاحظت حاجه غريبه في القاهره ان اغلب الناس متخبطه عربيات لسه جديده ومخبوطه
يا سلام علي الجناب بجد معظمها مخبطه
لدرجة ان بدأت احس ان الناس بتمشي في القاهره بعرض العربيه مش بوشها
الي زعلني ان لقيت عربيه لسه بالورق الابيض ومفيش لوحات عليها وواخده مطوه في الباب كأن واحد بيفتح علبة سلمون
علي عكس عندنا نهائي واحد صحبي معاه عربيه جديده من 2008 مفيهاش خربوش عربيتي القديمه مش الجديده قعدت معايا 4 سنين مفيش خبطه واحده
بجد كان الله في عونكم

**EngAhmedSayed** · 26-01-2013 01:00 AM

طيب خلى الكلام ده فى سرك و امسك الخشب و اقعد ساكت
علشان المنتدى هنا فى شوية بركات لما بتحل على الواحد ممكن يركب بدل عربيه
يوصل بيه الحال يركب عجل
اسمع النصيحه
و صلى على النبى
ربك المستعان