بعد ما كنت ناوى ارمى العربية بتاعتى على قارعه الطريق
و بعد ما اخويا ركب عربية سيراتو 2012 عاملة 5000 كم و هى بتطير على سرعه 80 كم / ساعه
و بعد ما موضوع عربية ابن عمى اتفشكل ( عربية النترا 2006 فبريكة كنت هقرصها على 60000 جنية )
بعد كل دة العربية النهاردة و انا رايح البلد عاملة زى حته الغريبة اللى معموله بالسمنه البلدى
كانت فى قمة الجمال
اللى محتاجاه هو :
1 - طقم كاوتش ( دلوقتى فردتين و ممكن على دخلة شهر مايو و الصيف فردتين تانى )
2 - الهيد و عمود الكامه و ممكن اطنش لان الصوت عالى فى اوقات ما العربية بتكون سخنة و بركنها و ادورها بعدها بنص ساعه لكن طالما ماشية الصوت زى الفل
3 - مشكلة المشاكل و اللى جاى على الجرح بتاعنا و هو التكييف ( طنانى قالى على واحد فى الحرافيين بياخد 3500 جنية و يخلى التكييف تحفة بضمان 3 سنوات )
فبكدة العربية هتاكل منى 2000 كاوتش + 1000 عمود كامة + 3500 تكييف باجمالى 6500 جنية
انا راى ولا الهوا و تتلم و عربيتى و عارفها و خصوصا انها قمة الاصل معايا
فشكلها جوازة ابدية
و الله الموفق