اسعار ومواصفات السيراتو الشكل الجديد 2013 + جهل بالمواصفات المصرية كالعادة

بسم الله الرحمن الرحيم

يعني يا جماعة دايماً احب ابدأ اي مقال او اي موضوع اعمله بحاجة كويسة

ولكن النهاردة كنت في التوكيل عند صاحبي هناك بقعد معاه دايماً وقلت له ايه الاخبار للسيراتو الجديدة قال لي هتيجي عندنا التوكيل بعد اسبوعين قلت له وايه الاسعار شوفوا كده :

LX MT 132.000
LX AT 142.000
EX AT 149.000
EX FO AT 159.000
SX AT 165.000
SX SRF (S.KEY) 174.000
HI LINE 186.000

بسم الله ما شاء الله السيراتو كسرت حاجز الـ180 الف جنية يارجاله :embarrassed:

الغريب ايها الاخوه الكرام ان الهاي لاين مفيهاش الا ABS بس في وسائل امان الفرامل :untitled 1:
طيب يا اخي انا مش طالب منك كتير لكن ركب معاه EBD ده من باقة استكمال الـABS بيركب معاه EBD ومابالك في عربية بـ186 الف جنية

تتخيلوا 186 الف جنية علشان تاخد فرامل مزودة بـABS بس ده في شرع مين ؟

اترك الكلام ليكم انا بصراحة في قمة الانزعاج بعد ما شوفت المواصفات لانها سيئة وسعر مبالغ فيه على الهاي لاين انا عن نفسي وسائل الامان والفرامل رقم 1 في العربيات

بصراحه اظن اسعار العربيات بقت حاجه مستفزه دى بتزيد اسرع من العقارات يعنى الواحد لو تاجر ومخزن شويع عربيات والاسعار بقت بالشكل ده اظن يبقى دلع
بصراحه الحاج عايز يبيع عربيته ويجيب زيرو اقنعته يبيع ويجيب موديل حديث احسن
لنا الله

انا اطالب الاداره بالسماح لكل عضو ب٣ الفاظ ابيحه في كل موضوع :d ( محمود سعد ستايل )

ولسة يا كبير ده غير انك تلاقي المواصفات الخليجي اقوى من كده بكتيير ولا اكننا مش عارف اقول ايه بس

ارتفاع سعر الدولار له تأثير مباشر علي ارتفاع اي سلعه في مصر سواء كانت مستورده بالكامل او مصنعه بمصر و فيها اجزاء مستورده...كله سعره بيرتفع .

عربيه سعرها مبالغ فيه جدا و دخلت فى فئه مش بتاعتها

اقتباس:

---

المشاركة الأصلية كتبت بواسطة mero100

ارتفاع سعر الدولار له تأثير مباشر علي ارتفاع اي سلعه في مصر سواء كانت مستورده بالكامل او مصنعه بمصر و فيها اجزاء مستورده...كله سعره بيرتفع .

---

الفكره مش بس في رفع السعر... انما الاستفزاز في ضعف المواصفات قدام السعر المدفوع....

Sent from my SE Arc S using Forum Runner

الغريبه اننا هانفاجأ بانتشارها فى الشارع واحنا الوحيدين الى بنهتم بالشكل والرفاهيه والكماليات على حساب الاساسيات

186
اومال هوندا هتبقى بكام

والتويوتا هتبقى بكام

والالمانى هيبقى بكام

الله يمسيكى بالخير يا فيات هى 31 و32 و18 و27 مكنش حد فى مصر يعرف غيرهم ههههههههههههههه وابى اس وابى دى وفلاشات ولا الدموع ههه هشكلها هى ديه مشروع النهضه

ده شئ مستفذ جدا

مشكوررر علي الاسعار ..

ما اللى هيشتريهم يبقا هو السبب فى ان التجار يغلوا كدة
انا شايف ان حملة خليها تصدى وموديلها يعدى ترجع تانى
زى ما خلينا كروت الشحن ترخص نخلى العربيات ترخص بردو
يا سادة حتى لو الدولار غلى فالتجار بيكسبوا مكاسب خيالية من العربيات حتى بعد دفع الجمارك والرسوم
لنا الله بجد

اقتباس:

---

المشاركة الأصلية كتبت بواسطة mero100

ارتفاع سعر الدولار له تأثير مباشر علي ارتفاع اي سلعه في مصر سواء كانت مستورده بالكامل او مصنعه بمصر و فيها اجزاء مستورده...كله سعره بيرتفع .

---

لعلمك الاسعار مش هترجع تاني اللي بيروح مش بيرجع ومابالك بالفلوس اللي بيعلي لايمكن ينزل

اقتباس:

---

المشاركة الأصلية كتبت بواسطة youssef_u

انا اطالب الاداره بالسماح لكل عضو ب٣ الفاظ ابيحه في كل موضوع :d ( محمود سعد ستايل )

---

معلش اكتبهم في ورقة وابعتهم بريد :3_3_102[1]:ههههههههههههه

اقتباس:

---

المشاركة الأصلية كتبت بواسطة kareem fawzy

ما اللى هيشتريهم يبقا هو السبب فى ان التجار يغلوا كدة
انا شايف ان حملة خليها تصدى وموديلها يعدى ترجع تانى
زى ما خلينا كروت الشحن ترخص نخلى العربيات ترخص بردو
يا سادة حتى لو الدولار غلى فالتجار بيكسبوا مكاسب خيالية من العربيات حتى بعد دفع الجمارك والرسوم
لنا الله بجد

---

كلام صحيح والله لكن تعالا هات ننوس عين بابا يطلب حاجة هل بابا مش هيجيبهاله ؟ في فئة جاهله في مصر ومعاها فلوس الفئة دي عايزه ثورة بجد القضاء على الاقطاعيين مره تانية زي زمان

انا اهو واحد منكم ولو كنت هفكر اشتري السيراتو مكنتش هشتريها نهائي بالاسعار دي واكيد غيري كتير كده

اقتباس:

---

المشاركة الأصلية كتبت بواسطة dr.hazem

الفكره مش بس في رفع السعر... انما الاستفزاز في ضعف المواصفات قدام السعر المدفوع....

Sent from my se arc s using forum runner

---

كلام من الاخر :16:

اعلى فئه abs و من غير ebd زى الشكل القديم حتى !!!! و العربية اغلى من القديمة 60 الف جنية !!! ليه هو الناس كفره
حسبى الله و نعم الوكيل
والى عرفته كمان من مصدر موثوق ان العربيات الى كانت فى المعرض مش نفس المواصفات الى هتنزل عندنا فى مصر
هما كانوا جايبين عربيتين اعلى فئه زى الى بتنزل فى كوريا علشان تبهر الناس فى المعرض ...

اقتباس:

---

المشاركة الأصلية كتبت بواسطة kareem fawzy

ما اللى هيشتريهم يبقا هو السبب فى ان التجار يغلوا كدة
انا شايف ان حملة خليها تصدى وموديلها يعدى ترجع تانى
زى ما خلينا كروت الشحن ترخص نخلى العربيات ترخص بردو
يا سادة حتى لو الدولار غلى فالتجار بيكسبوا مكاسب خيالية من العربيات حتى بعد دفع الجمارك والرسوم
لنا الله بجد

---

موافق 100/100 وانا عملت كدة فعلا وقلت مش جايب عربية غير لما الاسعار تتعدل

حرام فيها المبلغ دا خالص بصراحه ايه الهبل دا

بصراحة أسعار غير مشجعة إطلاقاً...
بس على فكرة الموديل الجديد ده سعره نازل أعلى من اللي فات بره
يعني على سبيل المثال (في السعودية): الأسعار كالتالي:
55900 ريال (98943 جنيه مصري)
67300 ريال (119121 جنيه مصري)
76400 ريال (135228 جنيه مصري)

بس لسه مفيش أخبار عن المواصفات
بس بجد كده استهبال رسمي (كده سعرها أعلى من الكورولا أعلى فئة 67000 ريال)
وكمان زي سعر الأوكتافيا واغلى كتير من الفلوانس.

:bye:

وانا معاكم طبعا ومن بدري ... خليها تصدي وموديلها يعدي وويخبي ويعبي كمان :) هتقولي يعبي ايه اقولك الله اعلم :):)
والله الوضع قمة قمة في الاستفزاااااااااز فعلا هو احنا كفرررررررررة ... انا شايف ان الاعضاء يتواصلوا مع الادارة ونحضر لحملة بخصوص الموضوع ده واعتقد المنتدى مش بسيط والاعضاء فيه لو كل واحد عمل شير للحكاية دي هنبقى عملنا حاجة كويسة لحد مايتربووووا ويعقلوا كده

علي كدا الواحد يجيب حاجة مستعمله موديل سنة 80 واهي بالمرة تاحد بنزين 80 ما البنزين كمان هيغلي !!
حسبي الله ونعم الوكيل

ده أسمه أستهبال والله حرام أى حد يشترى بالأسعار دى أمتى نتعلم ندفع فلوسنا فى سلعة تساوى الفلوس المدفوعة فيها

أنا اول امبارح اتفرجت علي الهاي لاين في وكيل كيا في الخبر- السعودية عاملة 76000 ريال ومقارنة بالالنترا الجديدة الالنترا احلى وأشيك بصراحة
لأ وكمان الناس شايفينها غالية عشان المبلغ ده يجيب أوبتيما 2013 هاف اوبشن أوتو 2000 cc أو سبورتاج 2013 ستاندرد أوتو2000 cc
المشكلة انك لو استرخصت وجبت الفاضية منها ماتتركبش وهي عاملة 58000 ريال
واللي انا لسه واخدها من 7 شهور ex تحت التوب لاين علطول كاملة فيها كل حاجة عدا فتحة سقف وجير شفت وكاميرا خلفية و سي دي تشينجر عاملة 59000 وانا كنت واخدها 55900 وعليها عرض في البنك 5.25% أرباح للتقسيط بالتأمين شامل
180.000= جيتاااااااااااااااا جديدة أو باسات 2010 يوزد

لا تستحق هذا المبلغ خرجت بره تصنيفها للاسف امال لو كانت الماني ولا ايطالي ايه اللي احنا فيه ده

:Copy of majd(4)::Copy of majd(4)::Copy of majd(4):