الموضوع: ما هورأيك في قانون المرور الجديد والضرائب المفروضه على السيارات؟

بالنسبة لقانون المرور الجديد ممكن يكون مش منطقي...وده زيه زي غيره ..لكن السؤال
احنا فين والعدل في التطبيق فين....بعييييييييد اوووي..انسى..

والله انا ناسي من زمان بسي عندي امل. وشكرا ليك.

المشاركة الأصلية كتبت بواسطة shnory

والله يا جماعه كان فيه برنامج مستضيفين قياده عاليه من قيادات المرور وقال ان مفيش ولا عسكري ولا امين شرطه ولا صول حياخد مخالفه
انما المخالفه حتتاخد عن طريق ظابط المرور وحيوقف سعادتك وياخد رخصتك ويعديها علي جهاز يقرا الباركود بتاعها متصل بلاب توب ححيكون معاه وحيكتب كود المخالفه عنده
لو الموضوع ده صحيح يبقي مفيش حاجه اسمها عسكري ولا زفت ولا انك تنزل تتخانق مع ظابط ويوزع نمره عربيتك علي اصحابه
يعني حتبقي 1+1=2
اتمني ان الموضوع يمشي فعلا بالطريقه دي
وحتي لو القانون زي نا ناس بتقول ظالم يبقي حاجه من اتنين
يا تمشي عدل وتلم نفسك ويحتار عدوك فيك
يا تشوفلك واسطه اعلي من الحكومه وتطيح في البلد براحتك وتغزر وتخمس وتتخانق في الموبايل وتاكل وتشرب وتعمل كل حاجه والعربيه ماشيه الا انك تبص علي الطريق
القانون طلع وحيمشي علينا واللي عاجبه عاجبه واللي مش عاجبه يا يبيع عربيته يا يعيش في بلد تانيه
لان مفيش حاجه في ايدنا نعملها
وعلي فكره يا جماعه احنا شعب ميجيش بالزوق وخصوصا سواقين الاجره والنقل
لازم الكرباج علشان يتعدلوا
اتمني محدش يكون زعل من هجومي بس انا بعاني من مجانين الطريق وانا سايق

السلام عليكم ورحمة الله وبركاته

شكرا يا باشا على الاخبار الحلوه ديه
ولكن - افلح ان صدق - يا اخوانا احنا فى مصر ومصر يعنى الفول والكوسه وحجات تانيه كتير وكلها من خير مصر
وطبعا الموضوع مش بالبساطه ديه علشان معنى كلام حضرتك ان كل واحد هيأخذ حقه بالتمام ومفيش حد هيقدر يلعب ولا يتنفس ........ ايه الحلاوه ديه ........ ايه الجمال ده ....... عارف حضرتك انا اكاد اجزم انهم لو عملوا كده فعلا هتلاقى تقريبا كده المخالفات اصبحت نادره وده مش علشان الناس خافت وانضبطت لا والف لا ده علشان الناس هتحس انه فيه عداله فى تطبيق القانون ومحدش بيأخذ حاجه منهم بالغصب ولوى الدراع ........ بالضبط كما حدث فى قانون الضرائب المصرى الجديد لما الناس حست انه فيه عداله ومحدش بيلوى دراعهم والكل متساوى امام القانون حدثت المعجزه وكل الناس التزمت والحصيله زادت ( وفاقت كل التوقعات ) وكل ده لانهم وثقوا ولاول مره فى المواطن المصرى وقالوا له انك مش حرامى ولا عاوز تسرق البلد كما كان يحدث قديما

هيه ديه مصر ياجماعه الحقيقيه وهمه دول المصريين الشرفاء المحترمين الملتزمين من اقل مصرى وحتى اعلى ساطه فى مصر

اما قانون المرور الجديد عكس تماما قانون الضرائب الجديد من وجهة نظرى ولن تتضح الرؤيا الا عند التطبيق الفعلى للقانون فى الشارع لان هذا القانون اعتمد على تشديد العقوبات على المواطن واعتباره غير موثوق فيه واعتبر ان كل مشاكل المرور فى مصر سببها المواطن مش سببها الشوارع المكسره وقطع الغيار المضروبه الى مليه الاسواق والكاوتش المضروب الى بيتباع فى محلات العاصمه ومصر كلها والامناء والعساكر الى سيبين مكان خدمتهم وعايشين فى دنيا ثانيه ( وفى منهم الكثير من الشرفاء والاوفياء فى عملهم لاقصى درجه ممكن تتخيلوها ) ولا اشغالات الطريق التى غرقانه فيها مصر كلها ولا الارصفه التى بتتأجر للمقاهى والاكشاك والناس بسببها بتمشى فى عرض الشارع ولا الجرانيت الى الحكومه عملتوا على الرصيف على كوبرى القصر العينى الى كل ما امشى عليه اتزحلق وتتكسر النظاره بتاعتي ( وادعولى ربنا يسترها معايا المره الى جايه ) ولا الطرق السريعه والتى لايوجد بها رقابه حقيقيه على النقل الثقيل ولا المزلقانات للقطارات وغيرها وممكن نعد نكتب الكثير من السلبيات لحد بكره الصبح ........

المهم بقى يا باشا انهم سابقوا كل الى قلناه ده والى كلنا شيفينوا بعنينا الى هيكلهم الدود وقالوا ان المشكله الرئيسيه والاساسيه والمتسببه فى مشاكل المرور هو المواطن ( الغلبان الى ماشى فى وسط كل ده وراضى ) وعلشان كده هنشدد العقوبه عليه يقوم ايه !! تتحل مشكلة المرور.. يقوم ايه!! يحصل انضباط.. يقوم ايه !! الشوارع تبقى فاضيه ومفيش حوادث.. يقوم ايه !! الحياه حلوه والدنيا جميله
وتوتا توتا خلصت الحدوته ..وهو قانون يفوت ولا حد هيموت

دمت بود تحياتى وتقديرى

طيب انا عايز اعرف حاجه
تخيل انك معاك شنطه الاسعافات
وتخيل انك احتجتها فى اى حادث او اصابه ... يعنى اخدت منها حاجات ..شاش قطن او اى حاجه
وفى كمين مثلا وشاف ان الشنطه ناقص منها حاجه
ياترى هيقولك مخالفه للمواصفات ولا هيراعى انك استعملت الحاجه ؟؟ او ايه اللى يثبت له انك فى الاساس اشتريت الحاجه دى

اعتقادى انه هيتعامل مع الشنطه على انها حاجه لازم تكون معاك وخلاص
مش المفروض تستعملها ولو عايز تستعملها تجيب حاجات زياده تستعمل منها وتسيب الشنطه دى موجوده كفاسوخه للى عايز يفتش