لآ أدي الضابط 10 جنيه وهتكون مطابقه للمواصفات.
لآ أدي الضابط 10 جنيه وهتكون مطابقه للمواصفات.
باشا المخالفات اللي من 300 ل1500 دي علي العربيات الاجره
ومرفق لسعادتك هنا جدول بالمخالفات وانواعها وسعرها
وانا قولت في بوست تاني ان قياده من قيادات المرور في التليفزيون قال ان مفيش ولا عسكري ولا امين ولا صول حياخد مخالفه المخالفه حتتاخد عن طريق ظابط الشرطه فقط لا غير وحيكون معاه لاب توب وجهاز يقرا البار كود بتاع الرخصه والمخالفه حتنزل في الحال علي الشبكه بتاعتهم يعني كمان مفيش حاجه اسمها رخصتك تتسحب في بلد وتاخدها من بلد تانيه
ولو دفعت المخالفه في نفس الوقت بتدفع 50% من الحد الادني ولو استنيت لساعه التجديد مش حيكون القرار لمحكمه المرور يعني برضه فيه كلام مش شرط انك تدفع الحد الاقصي
ودا موقع الاداره العامه للمرور ومكتوب ومشروح فيه كل حاجه
http://www.moiegypt.gov.eg/arabic/de...sites/traffic/
السلام عليكم ورحمة الله وبركاته
شكرا يا باشا على هذه الايضاحات الرائعه فهى تعتبر حقا اخبار ساره جدا لان لو تم التطبيق بالطريقه الى حضرتك ذكرتها فعلا هيحصل انضباط حقيقى فى الشارع وهتتحقق العداله فعلا وتنتهى بنسبة 99% الكوسه فى المخالفات
وطبعا كل ده هيكون فى صالح المواطن الملتزم وستكون ضد المفسدين الذين يعتقدوا ان الشارع هو ملكيتهم الخاصه ولا يفهموا معنى اداب الطريق واحترام الاخر
ولدى سؤال لحضرتك هل سيطبق ذلك على كل المحافظات ؟ وهل بالفعل تتوفر هذه الاجهزه فى كل المحافظات ؟
تقبل مرورى وتحياتى
والله اللي فهمته من الموضوع ان الحاجات دي حتكون في القاهره والجيزه والاسكندريه لاننا مشاء الله عندنا الشوارع واسعه وبرحه ترجي براحتك وممكن تنام كمان وانت سايق بس الله اعلم هل دا بقي كلام فعلي ولا كلام تليفزيون لانهم كمان قالوا عن الاشارات الوتوماتيك زي اللي في دول الخليج والاشاره فيها كاميرا تصور المخالف
تقبل تحياتي وشكري ليك لمتابعه الموضوع ويا ريت لو الناس تقول برضه اي حاجه سمعت انها حتحصل بس تكون اتسمعت من مصدر موثوق فيه وبلاش اشاعات الشارع الغريبه
وانا من رايي ان الحل الوحيد لازمه المرور ان ييجي واحد سواق نقل يخالف يروح مضروب بالنار ويعلقوا جثته فوق اقرب عامود نور وكل اللي حيشوف الجثه حيتعظ وحيخاف من العقاب
لاننا بنقرا وبندور علي الصح علشان نشوف ثغراته ونعمل عكسه
وبكررلك شكري واحترامي لمعاليك علي المتابعه الجميله في الموضوع
السلام عليكم ورحمة الله وبركاته
ربنا يستر ويتنفز ده فى كل المحافظات لان كل المحافظات ممكن يحصل فيها نفس المشاكل الى ذكرتها لو حصل اتصال مباشر بين المخالف و محرر المخالفه وطبعا فى الاقاليم بيحبوا القصص العنتريه وخلافه وهتلاقى حكايات كتير تشجع الكثير خاصة من محدودى التعليم على التطاول والقيام باعمال غير لائقه
والله انا حاسس انه احسن حاجه يبعدوا الامن عن القصه ديه ويخلوها كاميرات فى كل الاماكن فى مصر كلها يعنى هتصرف كام مليون ؟ مش مهم المهم هو تامين افراد الامن وضبط المخالف ( والفلوس ديه هترجع فى شهر لان المخالفات الى مبيلحقش الفرد العادى يسجلها هتسجلها الكاميرا .... يعنى هتعملها كام مليون كده كل شهر )
واعتقد ان كل واحد مش محتاج ساعتها ميلاقيش الامين واقف علشان يكسر الاشاره ولكنه علطول هيبقى فاكر انه مراقب ومستحيل الموضوع هيعدى كده
وبالطريقه ديه يكون القانون المرورى الجديد الحديث والمتطور تم تطبيقه بطريقه حديثه ومتطوره وبكده فعلا يحقق اكبر النتائج المتوقعه عند تطبيقه
لكن بقى لو تم التطبيق بالطرق التقليديه هنلاقى مشاكل لا حصر لها ومصائب وكوارث وكل ده على دماغ المخالف ومحرر المخالفه والكل واقف يتفرج
تقبل مرورى وتحياتى
انا شايف ان مميزاته اكتر من عيوبه
مثلا في ناس بتخاف ينفع معاهم قانون زي دة
بس عيوبه في بعض المتطلبات بتاعته زي شنطه الاسعافات
انما المثل لا اعتراض عليه
الغرامات عليت اوي ودة حرام هو الواحد عندة كام 150 في مرتبه علي اشياء تافه
ممكن تكون عقوبات مششدة في حالات معينه زي السير في عكس الاتجاة دة كويس
انما التلاكيك بتاعه واحد حاطط شمسيه او حاجه تحوش الشمس عن عربيته(مش فاميه ) يقول مخلفه دة عبط لان الواحد بتحرق في الشمس والدنيا مش مستحمله
كتير في اماكن الركن بلاقي ناس بتاخد مني ومن غيري فلوس علشان راكن من غير ما يكون مكتوب قيمه الانتظار كذا غير ان اماكن الانتظار مش متوفرة اساسا
اخر حاجه المفروض يزودوا السرعات تكون100 علي السريع بدل 90
دة يبقي كويس بدل ما نلاقي واحد طاير معدي 120 ولا جايب 150 الله اعلم بحاله