الي وحوش التابلت: سؤال فني في التابلت مهم جدا

عندي سؤال مهم اوي للناس الي متابعة وفاهمة في التابلت بصفة عامة وفي المكونات الداخلية بصفة خاصة وبالذات كارت الشاشة والسؤال هنا بقي
انهي تاب في دول يقوم الالعاب اسرع ومن غير اي تهنيج او تعليق
1-samsung galaxy tab 7.7
2-samsung galaxy tab 2 10.1
مع العلم بوجود اختلاف بين الشيبست بتاعتهم بس العبد لله جاهل في الانواع والحاجات دي وطبعا معرفش مين احسن واقوي فانتوا تنصحوني بانهي تاب في الاتنين دول يستحمل الالعاب التقيلة من غير اي تهنيج او سخونية او اي تعليق لان الحوار دة مهم ةجدا جدا بالنسبالي وعلي اساسه هحدد هشتري انهي تابلت فيهم وياتري المعالج هيفرق في الجزء دة ولا لا علما بان ال 7.7 اقو في المعالج فايتري هيفرق اوي ولا لا

التاب ال 7 ده البروسيسور 1.4 جيجا فهو اعلى من ال 10 لانه 1 جيجا فقط
والبورده ال Exynos ممتازة جدا اللى فى التاب ال 7.7 افضل بكتير من ال TI OMAP 4430 فى التاب ال 10
الاتنين 1 جيجا رام
كارت الشاشه افضل فى ال 7 لانه mali400 وده افضل من ال PowerVR SGX540 اللى فى ال 10

ملاحظه
البورده ال Exynos والكارت ال mali400 اللى فى التاب ال 7.7 هما الموجودين فى جالكسى s2 اللى كان واخد افضل موبايل فى العالم فى 2011 فى الاداء
وكمان موجودين فى الجالكسى نوت 1 وفى الجالكسى s3 وكمان فى الجالكسى نوت 2 وكمان التاب الجالكسى نوت 10.1

هاه ايه رايك كده؟؟؟ :)
اظن وصلك الموضوع

انا كان معايا جالكسى s2 كنت بشغل العاب تقيله جدا ومبتقطعش مطلقا بس كان بيحصل سخونيه بسبب ان الموبايل رفيع جدا والموضوع ده معروف فى ال s2
بس مكانش فيه اى تأثير ابدا

مشكلة التاب 7.7 إنه مش منتشر و فيه كلام إن سامسونج مش هترقيه لجيلى بين
لكنه متفوق بشكل كبير على جلاكسى تاب 2 10.1

اقتباس:

---

المشاركة الأصلية كتبت بواسطة h_shahin

مشكلة التاب 7.7 إنه مش منتشر و فيه كلام إن سامسونج مش هترقيه لجيلى بين
لكنه متفوق بشكل كبير على جلاكسى تاب 2 10.1

---

هو مش الايس كريم ساندوتش اعلى من الجيلى بين اصلا؟؟؟

1-samsung galaxy tab 7.7

اقتباس:

---

هو مش الايس كريم ساندوتش اعلى من الجيلى بين اصلا؟؟؟

---

لا ، الجيلي بين اعلي

طب ايه رايكوا في حجم الشاشة هيبقي صغير اوي ولا ايه

لا مش صغير لكنه معقول و الحجم عملى
بالإضافة إلى إن دقة الشاشة و حيوية ألوانها رائعة

لكن أنا ليا سؤال هو التاب ده لسة موجود فى السوق انا معنتش بشوفه خالص فى أى مكان أو حتى على مواقع التسوق على النت

عفوا لقيته على موقع بـ 4250 جنيه

لو كده يبقى جلاكسى نوت 10.1 الإختيار الأفضل

When you get Mac ,you will not come back
Apple is apple
خش على iPad
مش حتندم

للاسف دخل عالم الابل وكرهتوا بسبب الاحنكار والتحكم بتاعهم دة وحكاية البلوتوث وان كل حاجة لازم اي تيونز غير السعر المبالغ فيه وبعدين التاب 7.7 يتفوق بكتيير عن الايباد في المواصفات في حجات كتيير زي الكاميرا والرام والمعالج

انا مش هجيبوا جديدانا بدور عليه يكون مستعمل كسر زيرو

اقتباس:

---

المشاركة الأصلية كتبت بواسطة h_shahin

لا مش صغير لكنه معقول و الحجم عملى
بالإضافة إلى إن دقة الشاشة و حيوية ألوانها رائعة

لكن أنا ليا سؤال هو التاب ده لسة موجود فى السوق انا معنتش بشوفه خالص فى أى مكان أو حتى على مواقع التسوق على النت

---

موجود جديد و مستعمل اهو
سامسونج Galaxy TAB 7.7 P6800 WI-FI + 3G ( 16 جيجابايت) مصر | سوق

سيبك من المواصفات اللى على الورق .... عن تجربة متﻻك ايباد و جﻻكسى تاب اﻻيباد 2 سلس فى اﻻستخدام عن السامسونج و سعره ارخص

كمان برامج اﻻندرويد بقت بفلوس

انا اهم حاجة عندي يكون بشغل الاللعاب ال hd بكفاءة من غير تقل او تهنيج وبصراحة انا ميال للتاب 2 10.1 بسبب الشاشة الاكبر بس مخوفني ان امكنياتوا اقل من ال7.7 مش عارف دة بقي هيأثر علي الالعاب ولا ايه ولا انا دماغي لفت من كتر المقارنات

كلنا بتحصل معانا الحيرة دى قبل الشراء
المشكلة إنها ممكن تحصل كمان بعد الشراء لإن كل شهر أو شهرين بتلاقى
أجهزة جديدة بإمكانيات أحسن أو مميزات جديدة

ربنا يستر علينا من الضغط الرهيب ده

انا بعد الشراء مش هتفرق معايا انا زي مقولت الي محيرني موضوع الالعاب دة لو جد مجرب لو التاب 10.1 يقولي ايه اخباروا مع الاعاب التقيلة

عيب تم اكتشافه فى التاب 7.7
http://www.ce4arab.com/vb7/showthread.php?t=445839

انا عملت موضوع بالعيب الي ظهر دة وشيلت الجهاز من حسباتي وهجيب 10.1 ان شاء الله

هات النوت 10 فرق السعر مش كبير لكن فرق الامكانيات كبير جدا جدا

ممكن يا جماعة اسال سؤال ؟! هو التاب او الايباد التخزين فيهم بيبقى بكارت ميمورى ؟؟؟

اقتباس:

---

المشاركة الأصلية كتبت بواسطة mamoud salah h

انا بعد الشراء مش هتفرق معايا انا زي مقولت الي محيرني موضوع الالعاب دة لو جد مجرب لو التاب 10.1 يقولي ايه اخباروا مع الاعاب التقيلة

---

اية هيا الألعاب التقيلة ؟

الألعاب الثقيلة هى الألعاب إللى الجرافيك فيها عالى و البرمجة بتعالج أكتر من متغير فى نفس الوقت زى أسفلت 7 مثلا

اقتباس:

---

المشاركة الأصلية كتبت بواسطة sherif222

ممكن يا جماعة اسال سؤال ؟! هو التاب او الايباد التخزين فيهم بيبقى بكارت ميمورى ؟؟؟

---

التاب و الأى باد لكل منهم ذاكرة تخزين داخلية (تعمل عمل الهارد ديسك كده) ممكن تخزن عليها بيانات و صور و فيديو و أغانى و غيره و كمان بتستخدم لحفظ البرامج المثبته على التابلت و الذاكرة الداخلية بتتراوح ما بين 16 إى 64 جيجا بايت

جلاكسى تاب ممكن يتزود كمان بكارت ذاكرة خارجية لزيادة المساحة لتخزين بيانات أو مالتى ميديا لكن لا يمكن خفظ البرامج المثبه عليها إلا فى حالات خاصة
أما الأيباد tلا يقبل كروت الذاكرة الخارجية

اقتباس:

---

المشاركة الأصلية كتبت بواسطة h_shahin

التاب و الأى باد لكل منهم ذاكرة تخزين داخلية (تعمل عمل الهارد ديسك كده) ممكن تخزن عليها بيانات و صور و فيديو و أغانى و غيره و كمان بتستخدم لحفظ البرامج المثبته على التابلت و الذاكرة الداخلية بتتراوح ما بين 16 إى 64 جيجا بايت

جلاكسى تاب ممكن يتزود كمان بكارت ذاكرة خارجية لزيادة المساحة لتخزين بيانات أو مالتى ميديا لكن لا يمكن خفظ البرامج المثبه عليها إلا فى حالات خاصة
أما الأيباد tلا يقبل كروت الذاكرة الخارجية

---

دى معلومه تخلينى اشترى السامسونج

انا الحمد لله اشتريت التاب 2 10.1 وبشكر كل الناس الي ساعدتني في الموضوع دة

اقتباس:

---

المشاركة الأصلية كتبت بواسطة mamoud salah h

انا الحمد لله اشتريت التاب 2 10.1 وبشكر كل الناس الي ساعدتني في الموضوع دة

---

الف مبروك ياباشا بس ياريت سعره و منين

اقتباس:

---

المشاركة الأصلية كتبت بواسطة Mamoud salah H

انا الحمد لله اشتريت التاب 2 10.1 وبشكر كل الناس الي ساعدتني في الموضوع دة

---

الف مبروك.....

Sent from my MZ601 using Forum Runner

الله يبارك فيكم
انا اشتريتوا من التميمي الي في باب اللوق ب3560 بالضمان
بس الي لاحظتوا ان الجهاز ناقص ومسحوب من السوق لاني لقيته بالعافية وكمان كانت اخر واحد عنده وجبهالي من الفاترينة مخصوص عشان هو معرفة قديمة وعملي خاطر ونزلهولي مخصوص

I know a friend of mine who have a one and he want to sell it :

For sale Samsung Galaxy Tab 2 10.1':
1- Used for Two Months
2- Required price: 3000 LE .
There is White Genuine leather Case “Nosson” Brand
With Warranty
التواصل على الخاص

اقتباس:

---

المشاركة الأصلية كتبت بواسطة askoda

I know a friend of mine who have a one and he want to sell it :

For sale Samsung Galaxy Tab 2 10.1':
1- Used for Two Months
2- Required price: 3000 LE .
There is White Genuine leather Case “Nosson” Brand
With Warranty
التواصل على الخاص

---

سبب البيع؟؟؟

اقتباس:

---

المشاركة الأصلية كتبت بواسطة midooo_119

سبب البيع؟؟؟

---

الحاجة الى الشىء الملعون اللي اسمة فلوس

I downloaded Asphalt 7 and it works very good on the tablet + Soccer 2013 also