انا ضد حظر التجول و حالة الطوارئ دى
عرض للطباعة
انا ضد حظر التجول و حالة الطوارئ دى
بصراحة انا حاسس ان احنا وصلنا لطريق مسدود انا اول مرة اشوف بورسعيد كده زى مدينة الاشباح ظلام شوارع خالية ضرب نار بقينا عاملين زى عصابات الشوارع ناس ركبة موتسيكلات معرفش جاية منين معاها سلاح آلى ومقاريط وهاتك ضرب فى الشوارع واقسام الشرطة والله حرام اللى بيحصل ده وسبعة ماتو النهارده كمان خربت
انا مع قرار حظر التجوال والطوارىء
مش هينفع الا كده علشان الناس دى تتلم
اللى بيحصل مش طبيعى خالص بكل المقاييس المنطقية
ولا حظر ولا طوارئ هتحل المشكله ... دا ممكن تشعللها
كنا ننتظر أكثر من ذلك كإعتقال رؤوس الفتنة
طناني باشا ممكن ارجوك لو سمحت تحذف مشاركاتي في هذا الموضوع
للاسف الشديد اللي سمع مش زي اللي عايش في الحدث لما تبقي من الظهر لحد الوقت سامع ضرب نار حي وراك بشارعين و حرايق و فوقك طيران رايح جاي و ضحايا في زياده مستمره من قتلي لجرحي و مش عارف تتحرك من البيت علشان متسيبش زوجتك و اطفالك و المفروض انزل شغلي و مش عارف اروحه و لا اسيب اهل بيتي !!!!
يبقي الحل فحظر التجول و حاله الطوارئ علي الاقل لما حد هيضرب نار و مفيش ناس في الشارع هتقدر توصل لاي حركه مش طبيعيه لكن في وسط الناس مش هتعرف تفرق بين البلطجي و غيره
و مش فاهم التاس زعلانه ليه البلد زي الجبانه من بعد المغرب مفيهاش حد في الشارع و سبحان الله بعد الخطاب كله نزل بالعند!!
و شكرا جزيلا لاخواتنا بدمياط اللي بداوا حملات تبرع الدم لاخواتهم البورسعيديه
اللهم اصلح حالنا جميعا
والله انا مقدر كلامك جدا
لكن انت قلت بنفسك الناس بتعند اكتر
وكدا الموضوع بقى حرب بين الناس والداخليه بزياده بقى (الحرب موجوده اصلا)
ومن وجهه نظري المتواضعه عشان تلم الشارع (الناس دي مش كلها بلطجيه ولو بلطجيه يبقى مصر 50% على الاقل بلطجيه)
من الاخر قدامك حلين
1-تضرب فالمليان و حمله اعتقالات و تكتيم افواه واللي يفتح بقه يضرب بالنار (تفتكر النتيجه هتكون اه ؟؟ فكر و رد عليا )
2-الاعتراف بالمصدر الاساسي للمشكله و العمل على ارضاء الناس و الوفاء بالوعود ووضع خطه بجدول زمني معروفه للجميع و ساعتها الناس هتفهم و تقدر و تقف جنب بلدها و هنحقق انجازات واحده واحده
و طبعا هتقولي محدش يعرف يرضي الناس كلها اكيد انا معاك لاكن ممكن بسوء تصرف و عناد من صاحب القرار يوصل عدد مش قليل من الناس انها تنزل الشارع عشان مش هيموتو بغيظم !!!
طول ما اصل المشاكل و جذورها بيتم التطنيش عليه و كل حاجه غامضه و مفيش شفافيه ولا خطه ولا في اي حاجه خالص ولا احترام لقضاء ولا قانون ولا احترام لبعضينا مفيش استقرار سعادتك
طول مطرفين الخلاف كل واحد منهم شايف نفسه ملاك ابيض والتاني شطان اسود مفيش استقرار
و يلا بقى الاخوان ربنا ينتقم منهم
و جبهه الانقاذ ربنا ينتقم منها
ولا دول هيصلحو حال البلد ولا دول
وانا نزل في انتخابات الرئاسه سقط شفيق و انتخبت مرسي للاسف
و في مليون حاجه قدامنا كل الناس مجمعه عليها بدل ما نبدا نحقق الاهداف المشتركه بين كل الناس
لا بندور عالاختلافات ونتخانق
و انا مش بتناقش مع حد شايف طرف من الطرفين ملاك والتاني شطان عشان الطرفين كلهم اخطاء
والناس دي هيا اللي موديه البلد في داهيه اللي بتؤيد و تبرر وخلاص وعمرها مبتعترف بغلطها وعينها على اخطاء الاخرين بس
وحسبنا الله و نعم الوكيل والله هو المنتقم الجبار والوحيد اللي يقدر يخرجنا من الازمه دي واللي هتزداد سواد لو السيستم متغيرش