الموضوع: الطريق من القاهرة لرأس البر واحدة واحدة

الف شكر علي الوصف الدقيق ده

المشاركة الأصلية كتبت بواسطة m_waheed

الله ينور عليك

بس انا روحت جمصة والاتنين نفس الطريق لغاية قبل دمياط

بصراحة لغاية طوبري سندوب سليم وما فيش مشاكل لكن بعد كده بيكون في كذه طريق

والمشكلة ان اوقات بتكون في طرق اتجاه واحد وخطر جدا بالليل
انا عن نفسي شوفت خلال ساعة 3 حوادث قصادي منهم عربية اتقلبت قصادي وكان بيني وبينها 40 متر ولو ستر ربنا كونت خبطت فيها

لو في حد عارف يقدر يقولنا الطرق المختلفة وايه مشاكلها
لان تقريبا في طريق شربين وفي طريق الجامعة وفي حاجة ناحية الطريق الدولي

كل الطرق تؤدي الى شربين

الفرق ان حضرتك لو مشيت بعد كوبري سندوب و ماطلعتش عليه هاتدخل جوا المنصورة كالتالي :
1 - سندوب
2 - شارع الجيش
3 - المحافظة
4 - شارع الجمهورية
5 - كوبري طلخا
6 - طلخا و بعد المزلقان يمين الي شربين بس الطريق ده مش هاتعرف تمشي فيه بسرعة نهاااااااائي (كفاية طلخا)


اما لو طلعت كوبري سندوب ال كوبري الجامعة و من ثم الى شربين على طووووول ده أسهل كتير


اما الطريق الدولي فهو لو حضرتك نزلت من كوبري الجامعة (كوبري المنصورة) و بد ما تدخل يمين في الخطوة 12 كمل على طول هاتمشي نص ساعة و توصل الدولي

بس هيا مش نص ساعة الحقيقة دلوقتي لأن الطريق تلته الأخير مازال تحت الإنشاء و هاتكره نفسك .... و بعدين بقى تمشي على الدولي بتاع نص ساعة او 20 دقيقة انت و سرعتك

المشاركة الأصلية كتبت بواسطة Ahmed Samy

الى كل من يحتاج معرفة طريق رأس البر

1 - البداية هي الطريق الزراعي من على الكورنيش او نزلة الطريق الدائرى
2 - على طول لحد ما هاتعدي مصنع توشيبا العربي و تطلع كوبري و تنزل
3 - هاتطلع كوبري بنها ....لاحظ ان في لافته هاتيجي على يمينك (و انت فوق الكوبري) مكتوب عليها < المنصورة دمياط
4 - تنزل يمين و بعدين هاتدخل على تقاطع كبير تعديه و تدخل شمال
5 - الى الأمام ولا يمين ولا شمال لحد مزلقان ميت غمر ...تعديه و طوالي
6 - تطلع كوبري أجا و تنزل و طوالي
7 - هتلاقي كوبري بعده (و على شماله عربيات نقل كبيرة) تنزل و تاخد شمال في اتجاه المنصورة ..
8 - هاتوصل بعدها لنقطة مرور سندوب (مدخل المنصورة)
9 - بعد النقطة هاتعدي من تحت كوبري وفيه طلعة يمين (دائرة كاملة) اطلعها هاتبقى على الكوبري اللي انت عديت من تحته حالا..
10 - على طول و هتعدي عليك جامعة السلاب على يمينك ....على طول لحاد ما تلاقي تقاطع (ميدان عقل) .
11 - كمل على طول و لا يمين ولا شمال هاتلاقي قدامك بعد الدوران كوبري المنصورة ...اطلعه
12- انزل من الكوبري و خد يمين طواااااااااااااااااااااال ي
13 - هاتلاقي كمين السلام الشهير (بداية محافظة دمياط)
14 - كمل و عدي كفر سعد لحد ما تلاقي صينية و عندها يافطة (ميناء دمياط)
خش شمال مع الصينية (وهاتلاقي بنزينة على يمينك مون) و على طول
15 - الطريق ده عليه عربيات نقل كتير و مش مضمون قوي و شكله حلو (ماتجريش)
16 - هاتعدي على فندق كازابلانكا على شمالك و بعدين هاتوصل لتقاطع ..خد يمين
17- على طول هاتلاقي سكة حديد و بتوع بطيخ كتير ...عدي السكة الحديد و خد شمال في طريق شكله صغير ...
18 - على طول لحاد ما هتلاقي نفسك أمام بوابات الصادر لميناء دمياط
19 - هاتلاقي ساحة انتظار كبيرة على يمينك ادخلها و بعدها خد شمال (ده طريق دمياط - رأس البر) خلي بالك في ناس بتمشي فيه مخالف
20 - هايقابلك كوبري اطلع و انزل عادي و كمل على طول
21- جهز جوز جنيهات ... اللي قدامك دي بوابة رأس البر

مصيف سعيد :)

أحب اشكرك جدا جدا جدا جدا على الوصف دي، انا لسة راجع انهاردة الصبح و الموضوع بالمللي زي ما قولت
انا من اول رقم 14 لقيت لوحة مكتوب عليها راس البر على طول فمدخلش شمال، للاسف طريق سيء جدا لانهم كان بيحفرو حاجة مش عارفها و في الاخر رجعت لطريق مينا دمياط برضه


الدخول لسة بجوز جنيهات برضه

الله ينور عليكوا كلكم يا احلى اعضاء احلى منتدى

تمام التمام يا باشا.... اليومين دول موسم المصايف واكيد الواحد ممكن يحتاج يتأكد من الاتجاهات برضه...وخصوصا رأس البر عشان بيروحها ناس كتير ....انا مسافر بكرة ان شاء الله وهمشى على الوصفة دى.... بالتوفيق للجميع

احب اضيف ان في طريق تاني من عند الخطوة 12 وهو الطريق الدولي الي بيودي حاليا لجمصه ومنها ل دمياط الجديده بتعدي عليها ومنها ل راس البر
بس منصحش حد يسافر عليه ف الوقت الي احنا فيه ده الي بالنهار بلاش بالليل خالص وبلاش العربيات زات الاعطال
لانه يعتبر دولي