الموضوع: الحج قنديل هيأجل الغاء الدعم

برغم اني اكتر واحد فيكم بصوووووط اذا حد خد مني جنية
ومحصل الكهربا بقالوا فترة مبيجيش خايف لا احدفو من بير السلم اذا جابلي فاتورة مرتفعة ... لكن انا ضدد تاجيل القرار. ، كل القرارت بنقول وراها مصالح سياسية سواء اكانت للمعارضين او المؤيدين ماعدى قرار رفع الدعم عن. السلع. ... ده القرار الوحيد الي في صالح مصرررررررررر. .... مصر يا جماعة بلدي وبلدك. بتفلس وبتستغيث.

فياريت نحكم عقلنا قبل قلوووبنا .... ممكن تقولي قزازة اللتر المية بتتباع ب ٢.٥ وب ٣ جنية وب خمسة جنية كمان في الاماكن السياحية وسته جنية. مين يقول ياربي البانزين في بلد زراعية. ارخص من المياه المعدنية .
مين يقول السولار. ارخص من الميه في بلد مش بترولية زي السعودية ودول الخليج. .... يا جماعة احنا مش عايشين في دول الخليج ... فلازم نساعد الوطن من جيوبنا ومن دمنا لو قدرنا ونساهم في تكلفة سعر البانزين ... فيها ايه يعني ده مهما كان وطنا. وبلدنا مش قادر يستحمل كم السيارات والموصلات الي بتستهلك فيه بانزين عاطل بباطل كل يوم. والشباب الامامير الي بياخدوا عربيتهم يلفوا. ويعاكسوا ويتفسحوا ويفحتوا بعربياتهم كل يوم بفلوس مدعمة من مصر .

ومين يقول ياربي رغيف العيش. بيتباع. بخمسة ساغ مكملش حتى تمن اجرة الصنايعي الي واقف بيعملوا .
وعندنا شعب. ماشي على حكمة ابو بلاش كتر منو معاك ان في غلابة كتير بس انهيار الوطن لا في صالحي ولا في صالحك. .... وتحياتي

ماشي يا أخت عنايات انا معاكي في كل الي انتي قلتيه
واضافة لكلام حضرتك اي دولة في الدنيا بتجيب منين فلوس اما عن طريق وجود موارد ... او عن طريق مواطينينها يعني سكان واصحاب البلد ... او عن طريق انها تستلف .

طيب في الوضع الراهن الي احنا فيه. دولة محدودة الموارد ومصاريفها كتير
وشعب مفلس مش عاوز يدفع وعاوز ياخود كل حاجة بلووشي. .
وبنك دولي مش عاوز يسلف '
يبقى تعمل ايه الدولة !!!

هنيجي نقول نفس كلام الاعلاميين. .... ان المفروض يكون في رؤية للحكومة. لمستقبل مصر وتخطيط ومشروعات ... طيب هقول لحضرتك حاجة بسيطة هل عمر حضرتك شفتي واحد ( مديوووووووون. وفقير وعدمان ) بيفكر ازاي يوسع نشاطاتوا ويعمل مشاريع ولا بيفكر هيجيب الفلوس منين !

نقطة تانية ... لو جيت قلتلك تعالي اشتغلي في الشركة الي انا شغال فيها بس على شرط ان ممكن في اي لحظة المدير او الموظفيين هيهيجووو عليكي ويعملوا انقلاب ويرفدوكي من الشغل او يطلعوكي معاش. .... فهل انتي هتقدري تبدعي وتفكري وتخططي في مستقبل الشركة !!!!

هتقولولي طيب ايه الحل برأيك. هقولكم وحياة عيالي ما اعرف. هيا كيش ملك على كدة. ... او يمكن ربنا يبعت الفرج من عندوا ... بس باعتقادي الشخصي ان بعصر مبارك. الي البلد كانت بتتسرق وتتنهب ورغم ذلك كان في فلوس والناس تقلك اصل ده دخل السياحة ههههه سلامات يا سياحة انا اعتقد كان في فلوس في عصر مبارك نتيجة بيع اثار البلد ... وانا مبقولش نبيع اثار البلد. لا سمح الله لكن بقول السبب في ازدهار ايام مبارك اقتصادياً .... لكن لو اطرينا في عندي البواب بتاع العمارة عندنا قاريفني وهو شبه الموميات كده انا بفكر اجيب شاش بني والفوا بيه من اولوا لاخروا واحط فيه شوية زئبق ههههههههه ونبيعوا ونخلص منوا بقة وكلو علشان خاطر مصر هههههه وتحياتي :)