الموضوع: الحج قنديل هيأجل الغاء الدعم

المشاركة الأصلية كتبت بواسطة Y a r i s

برغم اني اكتر واحد فيكم بصوووووط اذا حد خد مني جنية
ومحصل الكهربا بقالوا فترة مبيجيش خايف لا احدفو من بير السلم اذا جابلي فاتورة مرتفعة ... لكن انا ضدد تاجيل القرار. ، كل القرارت بنقول وراها مصالح سياسية سواء اكانت للمعارضين او المؤيدين ماعدى قرار رفع الدعم عن. السلع. ... ده القرار الوحيد الي في صالح مصرررررررررر. .... مصر يا جماعة بلدي وبلدك. بتفلس وبتستغيث.

فياريت نحكم عقلنا قبل قلوووبنا .... ممكن تقولي قزازة اللتر المية بتتباع ب ٢.٥ وب ٣ جنية وب خمسة جنية كمان في الاماكن السياحية وسته جنية. مين يقول ياربي البانزين في بلد زراعية. ارخص من المياه المعدنية .
مين يقول السولار. ارخص من الميه في بلد مش بترولية زي السعودية ودول الخليج. .... يا جماعة احنا مش عايشين في دول الخليج ... فلازم نساعد الوطن من جيوبنا ومن دمنا لو قدرنا ونساهم في تكلفة سعر البانزين ... فيها ايه يعني ده مهما كان وطنا. وبلدنا مش قادر يستحمل كم السيارات والموصلات الي بتستهلك فيه بانزين عاطل بباطل كل يوم. والشباب الامامير الي بياخدوا عربيتهم يلفوا. ويعاكسوا ويتفسحوا ويفحتوا بعربياتهم كل يوم بفلوس مدعمة من مصر .

ومين يقول ياربي رغيف العيش. بيتباع. بخمسة ساغ مكملش حتى تمن اجرة الصنايعي الي واقف بيعملوا .
وعندنا شعب. ماشي على حكمة ابو بلاش كتر منو معاك ان في غلابة كتير بس انهيار الوطن لا في صالحي ولا في صالحك. .... وتحياتي

والله يا حج يارس أنا قولت اسمع كلامك وأساعد البلد واحط بنزين ٩٥ ( انت عارف ان أنا وطنى جداً )
المهم دخلت ألبنزينة ونزلت قولت للراجل بنزين ٩٥
الراجل بصلى كدة بصة مش هية وقالى مفيش ٩٥ !!
سالتة لية مفيش ٩٥ ؟؟
قالى هو فية حد لسة بيحط ٩٥ من ساعة لما سعرة زاد !! كل فين وفين لما ييجى واحد يقول ٩٥