الحمدلله كوكا رجعت بالسلامة

**Ahmed_Ramadan** · 26-01-2013 07:42 PM

دراع الدركسيون و دراع تانى للفتيس و حطها فى جراج عليه حراسة لو ممكن

**hossam_elwani** · 26-01-2013 07:53 PM

الف مبروك رجوع العربيه

انا فرحت لك بجد

**Land_Cruiser** · 26-01-2013 08:00 PM

المشاركة الأصلية كتبت بواسطة ahmed1987

الله يبارك فيكو ياجماعة وان شاء الله ماحدش يشوف حاجة زى كده ابداً وفعلا مشكور على كلامك يا أحمد وبالنسبة لعوامل الأمان انا لو أطول أكهربها مش هتأخر ولو حد عنده خبرة فى المواضيع دي ياريت يفيدنى عشان فى التوكيل قالولى اى حاجة بتركب على ضفيرة الكهربا بتطلع العربية من الضمان وهما معندهمش غير زرار الفصل والانذار ومش عارف اخبارهم ايه
وان شاء الله انا ناوى فعلا اوزع حاجة وربنا يقدرنى
شاكر ليكو مرة تانية كلامكو الحلو

بص يا فندم من الوسائل اللى تقدر تأمن بيها العربيه :-
- ركب انذار و مفتاح الفصل فى التوكيل
- ركب قفل الدركسيون
- ممكن تركب افلام حمايه للزجاج و ده بتقوى الزجاج علشان لو اتكسر ما يقعش كله و يفضل برضه مانع الدخول للعربيه
- ممكن تركب كلابش للعجل بيركب على العجل و بيمنع حركه العربيه زى بتاع المرور كده و له مفتاح
- تجنب ركن العربيه فى مكان مهجور او مظلم
- ممكن كمان تغطى العربيه بغطاء قديم للتمويه بالنسبه لنوع و موديل العربيه

**horas3000** · 26-01-2013 08:02 PM

الف الف مبروك

بس انا لاحظت من الصور ان طبه الكلاكس و البلاستيك ورا الدريكسيون مخلوعين
يا ترا ده ليه علاقة بطريقة السرقة
و انت عربيتك فيها امبولايزر و لا لا

**M.Ayman** · 26-01-2013 08:41 PM

الحمد لله انها رجعت سليمه و كويس دي حاجه تخلي الواحد يزيد ثقته في الشرطه

**Ahmed_Adham** · 26-01-2013 08:53 PM

حمد الله على سلامه العروسه. متهيألي المفروض الشرطه تعرف طريقه السرقه سواء لعربيتك أو غيرها ويوعو الناس عشان الواحد يعرف يحمي عربيته. مش عارف فك غطا الكلاكس ده له علاقه ولا لاء ياريت تفيدنا لو عندك معلومه.

**ahmed_su** · 26-01-2013 09:05 PM

الف مبروك وحمدا لله على رجوع العربية

امن العربية بكل الطرق المتاحة واهمها انذار 2way

مع احترامى سيبك من التوكيل وضمان الضيفرة (فادك بأيه الضمان) فى حالة فقد العربية

اتكل على الله وركب الانذار والله ما فاهمين حاجة ولو قدر الله احتجت الضمان فك الانذار ولا هيكتشفوا حاجة

ان مركب الانذار وخليها على الله - كمان قفل دريكسيون محترم

وربنا يحفظك ويحفظنا جميعا من كل سوء والف مبروك مرة تانية