الموضوع: ممكن تسعير سكودا اوكتافيا موديل ٢٠٠٠ مستعمله

صعب كدة من العنوان
فبريقة برة وجوة ولا راشة بالكامل ولا حزام و ولا كله ماعدا السقف ، نضافة ولا نتيجة حوادث ، عدادها كام ، الحالة العامة ، حالة الكاوتش والبطارية ، حالة العفشة ، مانيوال ولا اوتوماتيك !
حالة الدهان بها تجاريح وخبطات ولا لا
حالة الصالون ...
حااجات كتير اوى تحدد حالة العربية عشان يتم تسعيرها بدقة بس عموما اعتقد النضيفة اوى المفروض ما تزيدش عن 63 الف مثلا ده لو العربية حالة شاذة والله اعلم
وممكن تسأل استاذ شريف في موضوعه الجزء الخامس في قسم البيع بس طبعا برضه لازم تحدد بياانات السيارة بدقة

حالتها تحفه فبريكا بره وجوه ولسه عامله صيانه وكله تمام وفوانيسها ليدات بس عدادها عالى شويه لانها كانت بتاعت صاحبى وبنسافر بيها كتير من اسماعليه لشرم الشيخ مش فاكر بس اظن انه يعنى ٢٠٠ الف يزيدو او ينقصوا

صاحبها عاوز يبيعها ب ٦٧ ويشيل منها الجى ام كمان

بقول كده والله بس مضطر اشتريها لانى بقالى شهر بدور على ميجان ٢٠٠٧ او سكودا اوكتافيا او هوندا سيفيك وكل ما الاقى عربيه تطلع رشه او مرشحه زيت او فيها عيب والعربيه دى الوحيده اللى ضامنها بره وجوه لانها مع صاحبى اصلا والصراحه مش عاليها مشاكل زى الميجان

عارف بس لو 2001 وكيلو متر معقول كنت اقولك حلو 67 خصوصا انك ضامنها وانها برة وجوة وكانت هتبقى الشكل الجديد في الفوانيس والاكصدامات

بس على فكرة ما تقارنش بعربيات القاهرة واسعار القاهرة عشان العربيات في الاقاليم بتبقى حالتها في الغالب احسن وسهل تلاقى عربيات فابريقة ومش متهانة ( عكس القاهرة) والسوق بيبقى مختلف عشان كدة

انا اعرف واحد معاه 98 وبيقول 65 ، وكل ما تيجى تكلمه يقوللك العربية حالة !

بس عامة مش عايزك تخلص فيها قبل ما تكشف عليها على الاقل في بنزينة وعلى الاقل خالص تعرف الموتور كام %