الموضوع: كاميرا جالاكسى sii الأسوأ على الأطلاق

المشاركة الأصلية كتبت بواسطة hazoom2006

اتاكدالاول من الستنج بتاع الكاميرا لان المفروض تكون 3264x2448 الرزليوشن

على كل الأحجام ضايعة ... الكاميرا المحترمة على أى رزليوشن صورتها عالية

المشاركة الأصلية كتبت بواسطة Mohab.Nabil

انا بصراحة مش فاهم ليه بتكره الموبايل كده اوى

طيب هقولك على حاجة انا موبايلى sony ericsson و الكاميرا بتاعته full hd 8 megapixel يعنى زى الـ s2

و بصراحة مش شايف فرق يذكر بين الاثنين .. يمكن سونى احسن شوية بس فرق مش خرافى يعنى و انا بقارن هنا بين اتنين نفس امكانيات الكاميرا 8 ميجا بكسل

و ديه صورة مصورها بـ s2 و مضغوطة كمان و مصغرها عشان اعرف اعملها ابلود قولى ايه الوحش فيها

تذكر إنى بقارن موبايل قديم بواحد بيقولوا إنه بينافس أبل وسونى جودة الصورة صح تبان فى الليل .... مش فى الروقان زى الصورة اللى حضرتك جايبها وأنا جبت صورة برضه سيئة جدا بالنسبة لى .... بالليل بقى الصورة فى الضياع ... فلاش محترم جدا بس مع كاميرا تعبانة جدا !!!!!!

المشاركة الأصلية كتبت بواسطة eng f3lix

انا مش شايفها وحشة اوي بصراحة يا جماعة :(

بض حضرتك لسعر الموبايل جديد والشعر اللى بعض الناس بتقوله عليه وشوف اللى أقل منه فى سونى فى الأمكانيات والسعر وقارن
وشوف اللى زيه فى السعر فى سونى وقارن

المشاركة الأصلية كتبت بواسطة Deshahcoka

!!!!!!!!!! باشا انا بصور بال اس 2 كل حاجة و ما شاء الله مفيش كدة

حتلاقي المستعمل ده متغيره كاميرا الفابريكه :(

ههههههه لا كاميرا الفابريكا لا تقلق هههههه

المشاركة الأصلية كتبت بواسطة r_gamal1

انا مش شايف ان صورته وحشه .... انت عايز كاميرا تجيبلك الالوان الفعليه ولا كاميرا تجبلك الوان مبهرة ( نفس اللى وقعت فيه لما كنت بقارن بين كاميرا ال اس ادفانس وكاميرا نوكيا ان 73 )بص كدة على الاسفلت فى الصورتين وانت تعرف قصدى وكمان بص على نمرة العربيه

يا باشا بذمتك دى ألوان حقيقية
دا زى ما يكون عاصفة تراب فى الصورة ولا أنا اللى مش شايف

المشاركة الأصلية كتبت بواسطة h_shahin

الفرق فى الريزولوشن واضح جدا لصالح الجلاكسى طبعا
المشكلة فى معالجة الألوان لصالح سونى

و لكن ممكن يكون السامسونج أكثر طبيعية من السونى

أنا ممكن اجيب لحضرتك كاميرا بتصور 16 ميجا بكسل ب 300 جنيه وممكن برضه كاميرا 10 ميجا بكسل ب 600 جنيه ... الفكرة مش فكرة ريسوليوشن وبس ما فيه موبايلات صينى تحت السلم بتصور ال 5 ميجا بكسل بجودة سيئة

المشاركة الأصلية كتبت بواسطة mohammedaladel

مهاب باشا أنا أقول الحقيقة لا أزايد ولا أبالغ ..... أنا اتصدمت من صورة الكاميرا بتاعته الزبالة على كل الريسيليوشن

وبعدين الكاميرا النضيفة سواء ريزيليوشن قليل ريزيليوشن كبير مش هتفرق لأنها جودتها محترمة

لكن كاميرا الجالاكسى 2 لا تليق بسعره نهائى

فى الاخر اراء يا باشا و كله محصل بعضه و الله

و معلش لو ردودى كانت شديدة شوية متزعلش منى .. مش هتبقى موبايلات اللى تخلينا نتكلم مع بعض كده

المشاركة الأصلية كتبت بواسطة youssef_u

ممكن انزل صور بالxperia s ١٢ ميجا بكسل بس الصوره ٢ و ٣ ميجا هتتقل الصفحة

بص يا باشا نزل صور بس خلى الريزليوشن بتاعها أقل حاجة عشان

وأنا واثق إن على أقل حاجة عندك هتبقى الصورة أحسن بكتير من الجالاكسى برضه

المشاركة الأصلية كتبت بواسطة mohab.nabil

فى الاخر اراء يا باشا و كله محصل بعضه و الله

و معلش لو ردودى كانت شديدة شوية متزعلش منى .. مش هتبقى موبايلات اللى تخلينا نتكلم مع بعض كده

يا باشا عادى أدينا بنتناقش حتى نفهم ونتعلم من بعض أنا على فكرة مش متحيز لماركة ضد التانية

بس أنا بعد ما اتعاملت مع أكثر من هاتف لسامسونج أصبح عندى خلفية عامة عن طابع أجهزتها

بل بالعكس أنا حسيت إن سامسونج قبل ما تنتشر بالشكل دا بإن صناعتها كانت أفضل وأسعارها كانت مناسبة لأمكانياتها أيام ما كان النوكيا واكل الجو

وبرضه جربت السونى والموتو والنوكيا وارتحت قوى مع السونى إريكسون بصراحة ..... وعمن قريب بإذن الله هشترى سونى وهعمل تقرير بكل حيادية عن الجهاز وخاصة الكاميرا

المشاركة الأصلية كتبت بواسطة y a r i s

معليش بعيد عن الموضوع ....
هو فين الجنينة الحلوة دي يا باشا علشان عاوز. اخود العيال افسحهم شوية هههههه وبالمره اجرب كميرة. الاس ٣

للاسف يا باشا الكلام ده مش فى مصر ..

عايز اقولك فعلا من اجمل الاشياء فى الحياة الزرع و الجناين الخضرة .. انا فضلت فى الجنينة ديه ساعتين و كنت بصور كل حتة فيها لدرجة ان الناس استغربت .. و الله احنا محرومين من حاجات كتير اوى فى مصر الحمد لله

المشاركة الأصلية كتبت بواسطة Y a r i s

معليش بعيد عن الموضوع ....
هو فين الجنينة الحلوة دي يا باشا علشان عاوز. اخود العيال افسحهم شوية هههههه وبالمره اجرب كميرة. الاس ٣

هههههههههههه عليه النعمة إنت برنس

أمال لو شفت نفس الصورة من عيون السونى هاهاهاهاها

لقيت دا فى قائمة الابتسامات مش عارف فشار دا ولا رملة عشان نتسلى هناك ههههههه