سوق غريب فعلا
عرض للطباعة
أنا حجزت العربية و فعلا العربية رائعة بالنسبة للسعر ده و الإمكانيات ديه و كفاية انها أوروبي
و سائلت علي الصيانة و قطع الغير و كلها رخيصة جداً لدرجة مكنتش مصدق لكن دي الحقيقة
تيل الفرامل أمامي ٤٤٠ جنيه
تيل خلفي ٥٤٠
و دي كانت أغلي الحاجات
الاستلام اخر شهر ثلاثة و اول شهر اربعة
بس اتقالي أني سعر العربية شور هيزيد بس مش مرة واحدة يعني تقريبا هتزيد ٥٠٠٠
وبعد شوية يزيد تاني
بس أنا شايف ان العربية تستاهل حتي لو وصلت ١٣٥٠٠٠
عشان كان فيه كلام كتير عن العربية
خلاصة الموضوع ده :
1.الموتور فرنساوي 100 % ودة تطوير لموتور ال 307 وال c4
2. العربية تجميع أسباني
3.العربية نازلة بـ ABS و EBD و EBA و ASR
مفيش ESP
4.الفتيس ZF الماني و مفيش شركة اسمها BVA
5.العربية تعمل ببنزين 92
6. التسليم في شهر ابريل
8.العربية هي أكبر عربية في فئتها بقاعدة عجلات 2650 مم
و كمان أكبر شنطة في فئتها 506 لتر
9.العربية من أعلى التجهيزات في فئتها
2 airbag
تكييف digital
bluetooth
parking sensors
مسند يد
جنط 15
فوجات
طارة جلد
مرايات كهربة
حليات كروم داخلية و خارجية
10.العربية من أقوى العربيات كأداء في فئتها
هتزعل عربيات كتير تربو و عادي
بتسارع 9.4 للمانيوال و 10.8 للأوتو
11.العربية خاماتها ممتازة
الاحسن في فئتها وأحسن من حاجات كتير أغلى منها
المشكلة إن الناس بتقارن بينها و بين موديلات citroen التانية
و أكيد مش هتبقى زيهم
ان شاء الله انا كمان هحجزها .. بس منين ...
التوكيل ؟
العربية بصراحة جميلة اوى بسم الله ماشاء الله وعلى سعرها كويسة حلوة جدا
بس المشكلة فعلا فى قطع الغيار وانا اسمع ان الستروين قطع غيارها غاليه
ومش بتلاقيها فى اى حته فياريت لو حد يقولنا اسعار قطع الغيار عاملة ايه
والتوكيل بتاعها عامل ايه فى مشاكل ولا لا انا حاجز نيسان صنى الشكل الجديد سوبر صالون
بس بصراحة الستروين عجبانى اوى وبالاسعار ديه ممكن الاغى الحجز واحجز الستروين
إنت بتقول حاجز صني سوبر صالون
عجبك اسعار قطع الغيار بتاعتها ؟
احبك أقولك إن فيه حاجات كتير فيها أغلى من ال c4
مش ال elysee كمان :)
هتلاقي رد ليَّ في الموضوع اللي موجود في قسم nissan موضح الكلام ده
ده غير عدم توفر قطع غيار الصني ودي حصلت مع أكتر من عضو
ممكن اجيبلك اللينكات لو حابب
بالنسبة لقطع غيار citroen ,
كل الموديلات القديمة موجودة و أكتر من نوع كمان
صيني و تايواني و اسباني و الماني و فرنساوي (على حسب قطعة الغيار)
واختار اللي يناسبك
أما بنسبة للموديلات الجديدة , مفيش أي ماركة اوروبي هتلاقي حاجتها بره
هو انا اما كنت حاجز النيسان كانت ساعتها ب 112 دلوقتى بقت ب 117 اللى خلانى افكر فى الستروين قرب السعر ما بينهم وطبعا الستروين تكسب مفيش كلام بس انا معرفش اى حاجة عن الستروين اصلا فا اى حاجة ببقى سمعتها من اصدقائى كدا يعنى وعموما انا مش عجبنى اسعار قطع غيار النيسان بس اكيد هترخص مع انتشار العربية بس الستروين اصلا مش منتشرة مع انها عربيات جميلة بصراحة بس مش واخدا حقها واكيد دا تقصير من الوكيل بتاعها