الموضوع: حجزت النوبيرا 2008 وهستلم بعد اسابيع معدودة بس محتار جدا!!

الي كل الزملاء في المنتدي

انا سعيد جدا اني وجدت منتدي زي ده اقدر اشوف فيه تقييم للعربيات في مصر من خلال الواقع الحقيقي والمشاكل بتاعتنا الي احنا بنخاف منها والمواضيع الي بتهمنا، لاني بصراحة كنت كل ما احب اشوف تقييم عربية الجا للمنتديات الاجنبية ودول بصراحة متدلعين اوي وما بيعجبهمش العجب دا غير ان رؤيتهم للسيارة مختلفة قليلا عنا

يعني في النوبيرا ماعندهمش نفس مشاكلنا ولكن مشاكل اخري من امثلة الفرش نوعيته مش جيده، قطع الغيار مش متوفره ،العربية مش واسعة، (مع ان اختياري ليها علشان انها واسعة ومن العربيات القليلة الي باستريح فيها) بالاضافة الي المشاكل المتعددة وغير المتكررة والخاة بكل مستخدم علي حده

المهم: بعد لف كتير داخل قسم الدايو هنا في منتداكم الرائع قدرت احصر مشاكل العربية المتكررة وشكوي اصحابها في ثلاث امور:-

اولا : رشاشات الوقود وحلها سهل زي ما تفضل الاخوة اصحاب التجربة بالشرح والتوضيح والحل بيتكلف ما بين 250 الي 800 جم

ثانيا: الطانبير (مش عارف الامامية ام الخلفية ام الاثنين) واحد رواد المنتدي اشتكي انه غيرها والعربية لسه زيرو بعد 6000 كم ولكن لم اصل لحلها بصورة قاطعة كتكلفة وانواع متعددة وعمر افتراضي متوقع واداء متوقع للجديدة لان الاصلية مصري وبتعمل اصوات مزعجة زي ما فهمت من المنتدي

ثالثا : العفشة ، ولم اصل لماهية المشاكل المتعلقة بها وهل هي خاصة بالعفشة الامامية ام الخلفية ام الاثنين ودورية حدوثها بالزمن او باكيلو متر وايضا لم اصل لحل تلك المشاكل وتكلفتها (مع العلم انا من النوع ده الي بيحب قطع الغيار الاصلية والمعمرة مهما كان تمنها)

برجاء من الاخوي اعضاء المنتدي التكرم باعطاء مزيد من التوضيح عن العيوب الثلاثة الاولي وايضا اضافة اي عيوب اخري يجب اني اقلق منها او مشاكل متوقعة يجب اني استعد لها اثناء فترة الضمان

وشكرا لكم