الموضوع: فيرنا بتبطل لوحدها ارجو المساعدة !

المشاركة الأصلية كتبت بواسطة khaabas

طرمبة البنزين على ما اعتقد وشيك على البوجيهات

جزاك الله كل خير وشكرا علي اهتمامك
تفتكر ممكن يكون عيب من الرشاشات برضو ولا ايه راي حضرتك؟؟؟؟؟

المشاركة الأصلية كتبت بواسطة hamdy

1 – موديل السيارة : هيونداي فيرنا
2 – سنة الصنع : 2008
3 – ناقل الحركة : مانوال
4 – الكيلومترات المقطوعة : 86000
5 - تاريخ اخر صيانة : صيانة ال 80000 في ابور رواش
6 – وصف المشكلة : العربية من اسبوع بدورها لقتها مبتدورش صوت المارش بتاع العربية قوي دليل ان البطارية كويسة وحتي لونها اخضر المهم بعد محاولات و كبس بنزبن دارات معايا الحمد لله ومشيت حوالي اسبوع كويس قوي ومفيش اي مشكلة لا في السحب ولا في اي حاجة الحمد لله
بعد كدا امبارح رحت الشغل و خلصت الشغل رحت كذا مشوار وجيت في اخر اليوم عند البيت لقتها وانا بركن بطلت لوحدها كل ما ادورها ما بدورشي حاوت ادورها زق بردوا مش راضية تقول حاجة استنيت كدا خمس دقايق لقتها دارت و قامت مبطلة قلت اسبها لتاني يوم نزلت النهادرة الصبح ادورها دارت و مفيش 5 دقاق و تبطل و داورها تاني تدور و ادوس بنزين جامد واكبس تبطل مرة و مرة تدور مرة تستجيب واكبس للموتر ومرة وانا بدوس بنزين القيها بطلت

ارجو المساعدة من خبراء هيونداء في المنتدي وجزاكم الله خيرا

السلام عليكم ورحمه الله وبركاته
اسعد الله صباحك

اول هام .. ما تقلقش .. من الوصف .. الموضوع سهل يعني ...

1- لازم تبص علي ( حساس ال TPS ) اللي هوا حساس البوابة ... وغالبا فية مسمار جمب البوابة دي بيتحكم في كمية فتحها وقفلها وبالتالي البنزين اللي بيتحرق عشان يفضل الموتور داير .. ( هاتلاقي عدد لفات الموتور زادت شوية .... بس مش ها تقطع منك تاني

2-مش طقم البوجيهات نفسة .. لا (( جاكات البوجيهات وكمان جاكات الحواقن ... )) .. دول تمم عليهم انهم سلام وراكبين صح .. لان ممكن تكون العربية ( بتلت ) وانتا مش واخد بالك .. يعني مش ال 4 بوجيهات برشاشاتهم شغالين .. ثلاثة او حاجه بتلمس فيهم

3- كشف طرمبة بنزين .. دي اخر احاجة .. وافضل لو طلعت هيا ... (( تتغير بالكامل )) مش القلب بس ... وبالمرة غير فلتر بنزين .. واعمل دورة تنضيف رشاشات ب 50 جنية في الجهاز

(((( بس )))

المشاركة الأصلية كتبت بواسطة verna2008auto

السلام عليكم ورحمه الله وبركاته
اسعد الله صباحك

اول هام .. ما تقلقش .. من الوصف .. الموضوع سهل يعني ...

1- لازم تبص علي ( حساس ال TPS ) اللي هوا حساس البوابة ... وغالبا فية مسمار جمب البوابة دي بيتحكم في كمية فتحها وقفلها وبالتالي البنزين اللي بيتحرق عشان يفضل الموتور داير .. ( هاتلاقي عدد لفات الموتور زادت شوية .... بس مش ها تقطع منك تاني

2-مش طقم البوجيهات نفسة .. لا (( جاكات البوجيهات وكمان جاكات الحواقن ... )) .. دول تمم عليهم انهم سلام وراكبين صح .. لان ممكن تكون العربية ( بتلت ) وانتا مش واخد بالك .. يعني مش ال 4 بوجيهات برشاشاتهم شغالين .. ثلاثة او حاجه بتلمس فيهم

3- كشف طرمبة بنزين .. دي اخر احاجة .. وافضل لو طلعت هيا ... (( تتغير بالكامل )) مش القلب بس ... وبالمرة غير فلتر بنزين .. واعمل دورة تنضيف رشاشات ب 50 جنية في الجهاز

(((( بس )))

جزاك اللهي خيرا والهي مش عارف ققول لحضرتك ايه كتر خيرك هو انا مش هعرف اعمل الحجاتا دجي بنفسي بس هحاول ولو معرفتش اوديها مليكانيكي

المشاركة الأصلية كتبت بواسطة dr.hazem

طرمبة بنزين واول مبتسخن بتقطع...
او فلتر بنزين مسدود جامد
او حساس فيشاه مفكوكه او مخرف ممكن حساس الايدل وممكن حساس الشكمان...
الرشاشات متعملش كده في رأيي...
تحياتي

Sent from my SE Arc S using Forum Runner

واللهي شكرا لاهتمام حضرتك مش عارف اشكر حضرتك ازاي بس متهياليش ان السخونة لانها مشيت بيا امبارح عادي خالص ورحت بها كذا مشوار و معملتشي كدا غير تحت البيت يمكن فلتر البنزين..... بخصوص الشكمان انا بالمناسبة العربية صوتها علي و التوكيل كان قلي ان العلبة الوسطيو الاخيرة عايزة تتغير تقريبا لانها اتكلت وفعلا صوت العربية علي شوية تفتكر دا يكون السبب ؟؟؟؟؟

امبارح رحت لميكانيكي وطبعا حكتله الي حصل عشان اخده معايا عند العربية يشفلي فيها ايه
المهم قلي "العيب في ترمبة البنزين"بالتحديد في الموتور بتاعها من غير اما اشوفها
قلتله لأ معلشي تعالي شفها بدال مااشتري الترمبة ويطلع العيب حاجة تانية
المهم جيه شافها و رحت دورت العربية قامت دايرة الحمد لله وبعد شوية قامت مابطلة مهما ادوس بنزين احس انها تتخنق و تبطل كشف عليها قلي العيب من التربمة وطلع البنزبن و الفلتر مش نضاف لونهم اسود

قالي ممكن تجيب موتور

المهم ياشباب تفتكور اجيب موتور و لا التورمبة كلها واجيب من التوكيل و لا برة ارخص لو اصلي زي التوكيل
وشكرا انا تعبتكم معايا و جزاكم الله خيرا