سلام عليكم . .
ي جماعة انا عندي ستيكر ع العربية عارفين طبعا كل عربيات سمير ريان بيبقو راشقين فيها الستيكر دا
وبصراحة شكله مش لطيف ومش عاجبني :d
أشيله بنفسي أحسن ولا أوديه كار كير يعلموه وهل هيبقى مكلف ؟!
ولو شلته بنفسي أشيله ب ايه ؟
طبعا هستخدم نفس المادة مع القزاز والبودي ؟
وشكرا
وانتا فى البنزينه بتغسلها
خلى عامل النظافة يوجه المسدس بتاع الغسيل بميل وقريب منها هتتشال كلها معاه دة بالنسبة للبودى
وبعدها بقماشة فيها جاز تشيل اللى فاضل منها
بالنسبة للى على الازاز من جوه دة بقطر وتشيله بس براحة علشان متجرحش الازاز وبردو بقماشة فيها جاز وتشيل اللى فاضل
ممكن بالدليو دي بره وجوه وناس جربت البيرسول برضو..
تحياتي
Sent from my SE Arc S using Forum Runner
لو الزجاج الخلفي من جوة شيلها بايدك وتنر
اوعي الكتر(لا مؤاخذة يا كريم)
عشان ماتقطعش سلك سخان الزجاج الخلفي
ومن برة شيلها بضافرك عادي والباقي بتنر بقطنة خفيفة وتمسح وراه بمية عشان مايعلمش في البوية
انا شيلته ب وايبس و كارنيه و بيتشال علي طول
شكرا ي جماعه
يعني التنر مفيش فيه مشاكل ع البويه ؟! طبعا هغسل بعد ما اخلص تمام
وبالنسبه لشيله بضوافري ف صعب لان انا جربتها قبل كده والستيكر لازق لزقه سوده
ف هل ممكن اجيب تنر وقطعه قماشه وافضل ادعك فيها لغايه ما تتطلع ؟! ولا ايه
انا كان معايا بيرسونا و كنت بغير لمبة فتيس محروقة فى توكيل امير و جوزيف بعد ما خلصوا و جيت استلم العربية لاقيتهم بدون استأذان رازعينلى ستيكر المركز (كبير قوى و شكله وحش) على الشنطة اتضايقت قوى و زعقت و حاولت اشيله بضوافرى بس بعد كده واحد جالى قاللى انت مزعل نفسك ليه و راح دلق ميه مغلية على الاستيكر و مسحها لاقيت الاستيكر مش موجود...
اقتباس:
المشاركة الأصلية كتبت بواسطة Karim_Monir
+111111
أنا عملت كدة حرفيـــــا ..
بتوع الريـــان دوول اغتت ناس يحسسك انك شارى العربية من العيـــــــن كلاس ! :I_angr1[1]:
مياه سخنه يا كبير في المحطه و العمال هناك عارفين يشيلوه ازاي و ابقي اديلوه 5 جنيه
و في عربيتي اللي كانت من سمير ريان بردو قفشت في دماغي أشيله و لقيتهم علي اليوتيوب بيسخنوه و يشيلوه فاستغليت اني كنت في عز الصيف بأسيبها في الشمس في الشغل و نزلت مره علي 3 العصر في عز الحر شلته بضوافري بمنتهي السهوله و اللي علي الازاز بردو زيه
لكن جاز اوعي هتبوز البوهيه و الكتر ده لو استخدمته هتخدش الازاز مهما كنت حذر و كذلك سلك المواعين !
اسأل مجرب بقي و ده كانت العربيه لسه زيرو و اتضايقت من نفسي انني عملت كده
ممكن wd-40 أو علبه كحول من الصيدليه و شيل اللي علي الازاز بقطنه و ادعك لما ايديك توجعك :]
و خد بالك عشان ما تقعش حاجه علي الفرش لو ملزوق من جوه
و الاستيكر كان ملزوق عندي علي الازاز من بره هم بقي يلزقوه من جوه !
و ممكن بردو hot air gun أو سيشوار لو شفت علي (انت انبوبه) يوتيوب هتلاقيهم بيشيلوه الvinyl كده
بالتوفيق
اقتباس:
المشاركة الأصلية كتبت بواسطة karim_monir
انا قولت براحة يا كيمو :))
واحشنى يا كبير