حسبى الله ........
عرض للطباعة
حسبى الله ........
مش عارف انا حاسس ان نيسان كانت حاطه السعر بتاع ال ex صالون 100000 جنية كأختبار علشان العربية تتباع و تشوف السوق بس لما العربية نجحت غلت السعر و سواء الدولار زاد ام لم يزيد كانت ح تزود برضه
تحياتى
اعتقد ان كان فية احد الاعضاء عندة نفس المشكلة كان حاجز سوبر صالون وبعدين الاسعار غليت من 112000 الى 114000 بس كان عدى المدة المتفق عليها وهى 3 شهور وعمل شكوى فى نيسان وكلموه فى اوتو ايجيبت واستلم بالسعر القديم وهو 112000 ج وحضرتك بتقول انك حاجز من 3 شهور واسبوع وكلموك وقالولك بنجهز الورق يعنى المفروض تستلم بالسعر القديم
نصحتى لحضرتك روح على الفرع وقلهم انك لازم تستلم خلال اليومين دول وحاول تقابل مدير الفرع بلاش مسئول المبيعات علشان يهتم بالموضوع
وانشاء الله تستلم على خير
انا حصل معايا نفس الموضوع فى الزيادة الاولى.كنت حاجز ex العادية من 3 شهور ونصف تقريبا واتصلوا بيا وقالولى السعر زاد طبعا انا رديت بكل هدوء وانا مالى.انتو مفروض تيجبولى العربية بالسعر القديم وتعتزروا عن التاخير مش تقولولى ان الاسبوعين الى انتم اتاخرتوا عليا فيهم كانو السبب فى زيادة السعر.فى الاول جابولى عربية لون غير الى انا مختاره رفضت استلم قالولى هتستلم كده بالسعر الجديد رفضت .لقيتهم بيتصلوا بيا لوحدهم وبيقولى العربية جت وبالسعر القديم واللون الى انت عايزه ورحت استلمت الحمد لله.انت كده ليك حق خليك ثابت على موقفك وبصراحة كمان اوتوايجبت محترمين جدا والموضوع مش بايدهم بس كمان المصنع ليه دخل بالموضوع ده.بس لو عربيتك فعلا جت روح شوفها وكمان الفاتورة اكيد طلعت يعنى خلاص اتكتب فيها سعر وتستلم على خير ان شاء الله :16:
ألف شكر عالردود يا رجاله انا فعلا كلمتهم تاني و قلت انا محتاج العربيه ضروري و كده و فعلا قالي تعال بكره الساعه ٢ عشان تستلم ان شاء الله :)
على بركه الله و تستلم على خير ان شاء الله بس خد بالك كده مش هتلحق المرور الثلاثاء و هتحتاج تروح الاربعاء . بكره ان شاء. الله و انت بتستلمها المفروض بيغسلوها و بعد كده تطمن ان كل حاجه تمام و تاخد الورق و تظبط مع المندوب اللى هيروح معاك انه يقابلك تانى يوم الصبح بدرى فى المرور علشان يساعدك فى تخليص الإجراءات . انا حاجز اول لفه :lurk5:
بالتوفيق ان شاء الله. ايوه بيبعت مع حضرتك مندوب لو مشترى كاش عادى بس زى ما قلت لحضرتك تاخد رقم موبايله و تظبط معاه على الاربعاء الصبح بدرى ما تخليهوش يروح معاك الثلاثاء علشان هتروح المشوار على الفاضى للمرور و هياخد منك الحلاوه و مش هتشوفه فى الاغلب تانى يوم لانهم لو بيقوللك على الساعه ٢ يبقى مش هتاخدها قبل ٣:٣٠ او ٤:٠٠ م و طبعا اول ما تستلم تروح تمون من اقرب بنزينه لانك هتلاقى لمبه البنزين منوره و ده فولكلور مصرى اصيل ملوش حل :)