كان عندي مشكله كبيرة في الشكمان وحلتها

طبعا كالعاده كلنا بنلبس مطبات لحد اما والدي رزع في مطب بسرعته فخبط العربيه جامد من تحت اول يوم مفيش حاجه تاني يوم في صوت فيييييييييييييس والصوت غلس وصحب العربيه مش بيستجيب حلو لحد يوم الجمعه اضتريت اسافر البلد لدكتور قريبنا علشان ابن اختي كان عيان وانا راجع بقي الصوت اتغير بقي عامل زي الديفل بس خفيف خالص ورايحه العربيه وحشه
السبت الصبح بقي
1- دورت بقي ديفل رسمي
2- ادوس بنزين فيسسسس
3-حصل بقي صوت تخبيط جامد وفيه زي رجه ووقفت بقي اشوف فيه ايه
قلت مبدهاش دي حاجه في الكبوت فتحت دوخت من الريحه
____________________________________________
التصليح بقي
حكيت لولدي وطلعنا علي بتاع الشكمانات وشرحناله الي حصل
دخات قالي دوس بنزين براحه /جامد
لقيته بيفك الوش الي علي الفرن!!
لقي سواد علي اول الوش راحح قال دي علبه البيئه
فك علبه البيئه وجاب زي مسطرة حديد وطلعت متنيه!!!!!!!!!!!
راح وداها ورشه خراطهه عدلها وجاب جوانان معاه
رجع قاسها بالمسطرة طلعت مظبوطه كله تمام
حط الجوانين علي المنطقه الي كانت متنيه وحط ةعليها سيلكون
ورجع ركب جيت اجرب العربيه فرقت فرق شااااااااااااااااسع الصوت راح والسحب ظبط
معادا مع الفرامل كده بحس اني بسمع تكتين ورا بعض
نيجي بقي للتكلفه
1- جوانين ب 40 جنيه
2-مخرطه 20 جنيه
3-مصنعيه 30 جنيه
يعني كله 90 جنيه
علي فكره تمن العلبه برة التوكيل 1000 وفي التوكيل 4000
واي استفسار انا تحت الامر:)

مبروك حل المشكلة ..

جت سليمه :)