اود ان انبة
انا رحت لفيت عشان اشترى القلم السحرى اللى بيقولو علية بيشيل الخدوش من على صاج السيارة ويتعامل مع اى لون كان
انا لقيت منه انواع كتير فى التوفيقية بيبدأ من خمسة جنية حتى عشرين جنية
ولكنى مرتحتش لدة
رحت لمحل فى رمسيس جنب مترو رمسيس معروف انه محل ثقه ولقيت القلم ب19 جنية قلتلة انت جربته قلى ايوةةةة انت عارف احنا نظامنا لا نعرض شئ إلا عن تجربة ( وبصراحة انا عارف ان المحل دة ثقه ) رحت اشتريته على الفور وقلى حاول ان تنظف مكان الخربيش جيدا منعنا لوجود اتربة اوشحوم او زيوت نتيجة مسح العربية بحته زفرة قلت ماشى
رحت على الفور منظف مكان الخطوط على الكبوت والابواب نتيجه لهو الصبية والتافهين
ورحت مركب سن القلم ومشيت على هذه الخطوط ولاحظت الاتى
فعلا ان القلم يزيل الخطوط السطحية اما الغائرة الواصلة للصاج فلا يعمل معاها شئ
يعتمد هذا القلم على ازابة البويه لتغطية الفراغات السطحية وليست الغائرة حتى الصاج
يترك لمدة 4 ساعات
ثم نقوم بتنظيف المكان
ولكن لكى تحصل على نتيجة مرضية مع هذا القلم ياريت ان يكون التنظيف مع استخدام البولش فسوف يختفى اثر الخدش جيدا