وجه سؤالك لشركة eit وكيل سيارات كيا فى مصر

**ابو ليلى** · 27-01-2013 03:45 PM

السلام عليكم ورحمة الله وبركاته

السادة اعضاء قسم كيا الكرام من فترة بعيدة ونحن نحاول ان يكون هناك تواصل بين منتدى نايل موتورز وبالاخص اعضاء قسم كيا وبين وكيل سيارات كيا فى مصر ونظر لان سيارات كيا لها طبيعة خاصة من حيث الانتشار ما بين الوكيل والخليجى فمن هنا كانت تكمن الصعوبة ...
جارى الان محاولات لتفعيل هذا التواصل بما يصب فى مصلحة الجميع فنحن نمثل شريحة كبيرة من مالكين السيارات والمقبلين على شرائها ومن الطبيعى ان وكيل السيارة يسمع لاارئنا واستفسراتنا حتى يحافظ على المكانة التى وصل اليها الان فى سوق السيارات المصرية .
فى هذا الموضوع سيتم فيه طرح الاسئلة والاستفسارات منكم وتوصيلها الى ممثل الشركة حتى يتنسى له الاجابة عليها فى ضوء حوار هادى ومفيد لنا جميعا ..
ولذا اطلب منكم توجيه سؤال مباشر او استفسار او عرض افكار فمن هنا سيكون بداية التفاعل وفى نهاية الموضوع سيتم تجميع جميع اسئلتكم واستفسارتكم وتنسيق المشابه منها وارسالها ، هذا الموضوع ليس لحل المشكلات التى توجه سيارتنا فهذا سيكون له شان اخر،هذا الموضوع موجه لاعضاء قسم كيا ومالكى سياراتها وليس للمناقشة..
فقط طرح اسئلة فأذا كان هناك نقد فيرجى ان يكون موضوعى بعيد عن اى عصبية
فى النهاية هذه محاولة من القسم تاخرت كثيرا فأما ان نستفيد جميعا او نظل كما نحن .

**islamghr** · 27-01-2013 04:11 PM

شكرا علي الموضوع الاكثرمن رائع :)

انا معايا كيا سول 2012 وكيل كنت سالت اكتر من مرة بالنسبه للتعديل علي العربيه هل يخرجها من الضمان وسمعت اكتر من اجابه من المهندسين اللي شغالين في فرع القطاميه مع العلم ان كل تعديلي خارجي( جنوط , هود , كساحات, تعديل فوانيس ) وفيه تعديل حيكون في الديفل ومستعد اعمله في التوكيل بس حد يرد عليا , و شكرا جدا

وعندي استعداد انزل عربيتي معارض معاهم لو حبين لان السول الشباب مش متخيلها ازاي بعد التظبيط .

اخوك : اسلام جوهر

**Deshahcoka** · 27-01-2013 04:12 PM

يا باشا مفيش الكلام ده :( هما ما صدقوا اننا اشترينا العربية و لبسنا :(

انا كل تجاربي في التوكيل ممكن اكتب كتاب عنها فاشلة :)

بس فعلا محاولة حلوة من حضرتك بس ربنا يسهل

**ابو ليلى** · 27-01-2013 04:19 PM

المشاركة الأصلية كتبت بواسطة deshahcoka

يا باشا مفيش الكلام ده :( هما ما صدقوا اننا اشترينا العربية و لبسنا :(

انا كل تجاربي في التوكيل ممكن اكتب كتاب عنها فاشلة :)

بس فعلا محاولة حلوة من حضرتك بس ربنا يسهل

ده احنا لسه بنقول نقد موضوعى .... بلاش تضيع المجهود ربنا يخليك

**ابو ليلى** · 27-01-2013 04:38 PM

طيب انا هقلك على اللى مكتبتوش فى البداية ....
وانا بتكلم مع حد من كيا بقوله انا من نايل موتورز عارف كان رده ايه
انتو على طول بتشتمو فينا ...
الملاحظة مش فى الاجابة على السؤال الملاحظة انه متابع المنتدى وده الاهم عندى

**muhamedaly** · 27-01-2013 05:16 PM

بمناسبة شركة eit فانا ليه معاهم تجربه سيئه.وخاصة فرع ابو رواش.علشان اروح بعربيتي كيا برايد 2002 اوتوماتيك علشان اعمل صيانة ال120 الف كيلو .واكتشف بعد كده انهم ركبولي فلتر هواء مستعمل ومزييت ومكتوم ومكتوب عليه التاريخ 2008.وتيل فرامل مش بتاع العربيه كان بيخبط عند تحميل فرامل.ورجعت حاجاتي القديمه تاني عند ميكانيكي .ومكنش مصدق اني كنت في التوكيل.بالزمه ده اسمه كلام فين الضمير والمصداقيه .انا بشارك بموضوعي ده املا في تحسن الخدمه وان يكون هناك متابعه من الشركه الام لهذه الفروع المهمله والتي تخاطر بارواح الناس.وشكرا

**Hosam_Optrawy** · 27-01-2013 06:47 PM

مبادرة جميلة منك يابوليلى وان شاء الله تعود بالنفع على الاعضاء وكل المهتمين بسيارات كيا

انا عندى استفسار مهم وفى نفس الوقت اقتراح او طلب

ليه عوامل الأمان ماتكونش اساسيه فى جميع موديلات كيا سواء مانيوال او اوتوماتيك او اقل فئه او اعلى فئة ؟

يعنى فرامل ABS EBD و 2 AirBags و إيموبليزر ؟ هو حاليا الايموبليزر بقى اساسى لكن الباقى حسب الفئة

المستهلك دلوقتى مش زى زمان كان ممكن مايعرفش يعنى ايه ABS او AirBag اساسا لكن دلوقتى بقت من الاساسيات اللى بيبصلها وهو بيشترى

اعتقد مش هاتاخد كتير من مكسب الوكيل اللى ماشاء الله بيكسب , يعنى اتمنى ان تلبية الطلب ماتكونش على حساب رفع السعر اللى اصلا بقى غالى

شكرا على الموضوع ولو فى حاجه تانى جت فى دماغى هاقولها

الموضوع: وجه سؤالك لشركة eit وكيل سيارات كيا فى مصر

LinkBack

أدوات الموضوع

عرض

وجه سؤالك لشركة eit وكيل سيارات كيا فى مصر - انشر الموضوع فى :

-

-

-

المواضيع المتشابهه

حد يعرف مسئول فى الادارة لشركة سيارات ابو غالى

20 ألف جنيه غرامة لشركة سيارات لعدم تغيير وجه السلندر المعيب

20 ألف جنيه غرامة لشركة سيارات لعدم تغيير وجه السلندر المعيب

مطلوب لشركة ليموزين سيارات موديل 2009-2010

من هو افضل وكيل سيارات في مصر

الكلمات الدلالية لهذا الموضوع

المفضلات

المفضلات

ضوابط المشاركة