حد عارف تفاصيل التمويل العقاري
الفايده كام
الشقه اللي عايزها مسجله عقاري
وانا جاهز ب 50% من تمنها
وعندي ضمانات كفايه
والقروض دلوقتي فايدتها كام وايه احسن بنك
عرض للطباعة
حد عارف تفاصيل التمويل العقاري
الفايده كام
الشقه اللي عايزها مسجله عقاري
وانا جاهز ب 50% من تمنها
وعندي ضمانات كفايه
والقروض دلوقتي فايدتها كام وايه احسن بنك
شوف البنك العقاري العربي المصري
https://www.eal-bank.com/default.asp
بس لو انت عايز تشتري شقة انت مختارها هم بيعيدوا تقييمها ويدولك سعرها العادل في السوق
وعامة الفائدة 10% + 2% تأمين
والمدة توصل لحد 15 سنة والمقدم بداية من 15%
مع احترامي ليك و كلامي مش ليك شخصيا بس هي الناس اليومين دول بقت بتستحل الربا بطريقة كبيرة ليه كده تحت بند "الحاجة" اللي هوا فعلا مفتي عنها لو انت في حاجة ماسة ليها يمكن ان تستربي
لكن الناس مبصوش لباقي الفتوي انها زيها زي اكل لحم الخنزير عند الحاجة او الخمر لو مفيش غيروا ... المقصود الحاجة الماسة .. هموت لو مش هعمل كده !
و اخيرا ليس نقدي ليك شخصيا وبفكر نفسي قبل ما افكر حد غيري
فى شركات كتير بتقسط دلوقتى و من غير فائده و من غير بنك تقسيط مباشر مع الشركه و تقريبا معظم العقارات كده
حتى لو مع مقاول بتدفع النص و بتقسط الباقى على سنه او اتنين و فى شركات التقسيط فيها بيوصل ل 10 سنوات زى بريدج فى الشروق مثلا و بممقدم 25 %
التمويل العقارى بيكون لحد ثلث الدخل فقط، يعنى اقسم مرتبك على 3 يديك قسطك، والبنك بيحسب يقدر يمولك لحد اد اية بناء على الرقم دة. عموماً لحل 1000 جنية مرتب ممكن يديك 25000 جنية قسط لمدة 15 سنة وهتدفع اصل المبلغ بالفوايد توصل إلى سداد 50000 مع نهاية الفترة.
من الاخر سرقة علنى وقانونية.
هو البنك العقارى العربى ارخص حاجة فعلا واطول فترة
بالنسبة انها ربا مدام مش حياخد فلوس فى ايديه يبقى مش ربا لان التمويل العقارى البنك بيشترى الشقة ويبعهاله بسعر ودى مرابحة عادية وده اسلامى والله اعلم
بالنسبة لموضوع سرقة ياجماعة لو انت حطيت فلوسك فى البنك طول الفترة دى حتاخد نفس الفوايد وبالتالى البنك علشان يدهالك فترة طويلة لازم ياخد منك فايدة
ده لو خد 7% منك (طبعا هو بياخد 12%) يعنى فىى 15% حياخد منك الضعف
واللى مندهش حقوله لو من 15 سنة كنت خدت منك 100 الف جنيه تجيب شقة 100 متر
وجاي دلوقتى ارجعهملك 100 الف شعورك حيبقى عامل ايه؟
فاشمعنى البنك حيديلك فترة طويلة ومياخدش منك فوايد تناسب المدة
المشكلة مش فى مبداء فرض فوايد المشكلة فى قيمة الفايدة، التمويل العقارى فى الخارج الفايدة بتكون 3-5% لان القرض مضمون بالعقار، انما هنا فى مصر الفايدة بتبدى من 7% لحد 10%، لية؟ علشان بيعتبر ان المقترض المصرى عالى المخاطر وبالتالى بعلى الفايدة، طب دة ممكن يكون مقبول فى القروض الشخصية الى بدون ضمانات انما فى القرض العقارى لية؟ انا مش عارف لحد دلوقتى.
السلام عليكم
باشا
انت رحت البنك العقاري العربي المصري
وجربت التعامل معاه وشفت العقود وكيفية البيع؟
البنك ده بيتعامل بطريقتين
هو ليه املاك باسمه في كل انحاء الجمهورية ودي بيبيعها تقسيط وكاش
او بيشتري اي وحدة انت بتختارها من غير املاك البنك ويعيد تقييمها ويبيعهالك
ايه الحرام في كده؟