أنا شايف إن كلنا لازم نشارك فى مساعدة الزميل Hema pop فى إصلاح عربيته أو بيعها...
وده الموضوع
http://www.nilemotors.net/Nile/332626-a.html
http://www3.0zz0.com/2013/01/27/17/593811728.jpg
عرض للطباعة
أنا شايف إن كلنا لازم نشارك فى مساعدة الزميل Hema pop فى إصلاح عربيته أو بيعها...
وده الموضوع
http://www.nilemotors.net/Nile/332626-a.html
http://www3.0zz0.com/2013/01/27/17/593811728.jpg
لا حول ولا قوة الا بالله
يبيع و يحط ال 30 الف (مثلا) اللي كان حيصلح بيهم و يركب حاجة سليمة حتى لو اقل لحاد ما ربنا يسهل او يدفعهم مقدم و يقسط هو و ظروفه المادية
بيع وتوكل على الله والحمد لله
انا رأي ان يشوف الاول لو هتتباع هتجيب كام
ونفس الوقت يكون عمل مقايسة ويعرف تكلفة التصليح كلها ايه
لو السعر الي جاله مناسب يبيع لو سعر غير مناسب
يتوكل علي الله ويصلحها
والله اعلم
وربنا يعوضه بالخير ..
انا شايف طالما هو كده كده خسران فيها و هي عزيزة عليه .. يتوكل على الله و يصلحها
في عربيات بتعمل حوادث اسوأ من كده و بتتصلح
انا واحد صاحبي العربية كورولا زي دي 2008 سعودي عمل حادثتين بيها .. مرة دخل في عمود نور و مرة تانية اتقلب ... والله ده حصل فعلا .. و العربية اتصلحت و بقت تمام ..
و بعدين المنصورة فيها صنايعية ملهمش حل .. ولا الجن الازرق بيعرف ان العربية حصلها حاجة ..
اصل هو بيحبها و بقالها معاه خمس سنين .. فطالما هي عربية غالية عليه يبقى يصلحها .. هو مش باصص للموضوع من ناحية ان العربية تجارة ولازم ميطلعش منها بخسارة ..
و القرار طبعا في الاول و الاخر يرجعله و احنا لازم نساعده في القرار اللي حياخده سواء مؤيدين ليه او لأ ..
يعمل معاينة لو الماتور سليم والخبطة ماوصلتش لفرده الشاسيه يتوكل على الله ويصلح
اما لو وصلت لفردة شاسيه يبقى يبيع لانها في الحالة دي مش هترجع زي الاول
بيع لان حتى لو صلحتها نفسيا مش هتعرف تركبها
يبيع
لا حول ولا قوة الا بالله ...
اللهم صبرك علي ما بلاك
بيع احسن .. انا حصل معايا حادث أقل من ده شوية بأوبترا و كانت زيرو والله في 2010 .. و بعت
ياجماعه راعو ان تصليحها مش هيقل عن 40000 مبلغ وقدره !
وعمرها ماهترجع زي الاول
ولكن الرأي للأستاذ الفاضل صاحب العربيه لأن طبعا واضح انو مش مقتنع خصوصا انه مصوت بالتصليح :)
ربنا يعوض عليك يا ريس وحاول تستخير ربنا وتوكل ع الله ورأي الزملاء الافضل من التصليح
وان شاء الله ربنا هيعوضك في غيرها وكفايه سلامتك دي بالدنيا وما فيها
انا صوت انه يبيع و ده الافضل فعلا لكن لو العربيه عزيزه اوى عليه و عايزها و مش عايز يبيعها يبقى يوديها عند حد من السمكرية الجامدين اوى بتوع الحرفيين او المنصوره عشان يظبطوهاله صح و لما يحب يبيع لازم يقول الى حصل فيها اكيد بس العربيه تبقى مريحاه طول مهوه راكبها
بس لو فيها حاجة فى الشاسيه يبقى بيع و ما تفكرش مش هيرجع زى ما كان حتى لو عملتها فى التوكيل
يستخير الاول وبعدين يصلح
الي ادعك ده كلو شوية صاج يتصلح او يتغير عندنا في الحرفين حبت عباقرة يرجعولك العربية زيرو زي ما كانت ... فانا من رايي يصلح ويبيع وهتلاقي واحد يشتريها منك ويدعيلك كمان
والي يسئلك اذا العربية رشة ولا لأ ابقى اقولو كلمة المصريين الشهيرة العربية رشة نظافة ... تقلش العربية رشة شامبو على شعرها ... فالشعب ياريس بيركب ومبسوط كمان
انا بقولها على سبيل الطرافة ... بس لاطبعاً حرام ... بس هو انتا فكرك الي هيشتريها هيعمل فيها ايه ... ماهو هيصلحها ويشدها ويبيعها ... بس انا كل الي بقولوا انوا يصلحها. لانها لو اتباعت عربية حوادث هتتباع في حدود خمسين ستين الف ( وده مبلغ مبالغ فيه ) بره خلاص بتترمي ويتجاب غيرها بس احنا في مصر مبنبيعشي صاج او بودي لان مرات بتبقى العربية مطحوووونة ومشخرمة من كل حته ويقلك لاعلى سعر ... احنا في مصر بنبيع شاسية ونمر يعني جمارك .... اما لو عاوز الحق تالت تربع عربيات المصرين المفروض تتلف كدة وتترمي في اقرب صفيحة زبالة .... عربيات متهالكة ومشن شنة . ومع ذلك بنبيعها باعلى سعر كمان
لذلك انا بنصح صاحب الحادثة انو يصلح عربيتوا ويبعها بسعر مناسب لواحد هيخودها ويستفيد منها ... في ناس مبتفرقش معاهم اذا العربية عاملة حادثة او مقلوبة لاقدر الله كل الي همهم انوا يكون سعرها على قد ايديه ... وتكون ماركة وبرستيج ... ومتستغربش لمن تلاقي عربيات فخمة تلاقي سايقها سباك ومحمل عليها مواسير او مقاول وشايل فيها شكاير اسمنت انا شفتها بعيني ... وفي شباب تاني بيحب ياخود عربيات الحوادث دي ويشدها ويعمل تعديل اسبور عليها ... لو عملوا على عربية سليمة هيقل من تمنها زي ماواحد عاوز يدهن عربيتوا اخضر فسفوري ويجنطها او اصفر كناري فمش هتفرق معاه قوي حتت ان العربية كانت عاملة حادثة قبل كدة بالعكس هيبقى مبسوط قوي انوا بدل ما ياخود العربية بمبلغ وقدروا ولسه هيصرف عليها ياخودها بتمن زهيد ويبتدي يصرف عليها عادي فاهمني .
ربنا يعوضه خير ....
اول ححاجة يعملها يشوف اساسات العربية سليمة ولا لأ , لو سليمة , يشوف هيصرف عليها كام و هتتباع بكام و يقرر ... لكن لو الاساسات مش سليمة يبقى تتباع طبعا .
بس فى الغالب مش هيبقى مستريح فيها حتى لو اتصلحت و بقت كويسة , هيجى بعدها و هيبيع ..
ربنا يقدملك الى فيه الخير و تستقر على الرأى الصح ..
قدر الله و ما شاء فعل ... يمكن اللى حصل ده يكون سبب فى التفكير فى عربية جديدة ! او موديل أحدث ..
الوقت و المجهود و الفلوس اللى حيتكلفهم التصليح حضرتك أولى بيه غير وجع الدماغ فى الورش و البحث عن قطع الغيار الأصلية. الموضوع برضه يرجع لحضرتك و قدرتك على الصبر حتى إتمام التصليح.
ربنا يوفقك للى فيه الخير و يعوضك عن أى خسائر و المهم إن حضرتك بخير...