فرامل النوبيرا

**shgashga** · 27-01-2013 11:00 PM

السلام عليكم
معايا نوبيرا 2 الطنابير فيه علي وواطي علي خفيف قوي وده مالوش تاثير واضح علي اداء الفرامل يعني مفيش رعشه في دواسه الفرامل خالص علي اي سرعه ومفيش غير ان فرامل اليد عليه قوي بتعمل حواي 12 تكه او اقل وعلي فكره انا كنت مسحت الطنابير مسحه خفيفه من سنه وغيرت تيل معاها ياتري اسيبها كده ولا ده غلط
وفي حاجه كمان انا كنت بغير مياه العربيه بميه خضره بنفسي في الول دورت العربيه وبعدين بطلتها وفكيت الخراطيم الي خارجه من الموتور والي داخله له الي هو الخرطوم الكبير الاسود الي متوصل بالمشترك عشان اصفي الميه ونسيت وحطيت ميه بارده في القربه بس لا حظت ان الميه بتنزل من القربه ثم الي المشترك وبعدين الخرطوم الاسود وبعدين تنزل للارض هل في جزء من الميه دي يكون وصل للموتور لان العربيه كانت سخنه ولسه مبطلها ولا الميه مالحقتش تخش علي الموتور
اسف علي الاطاله

**original** · 27-01-2013 11:09 PM

بالنسبة للفرامل حضرتك ظبط الرجلاش بتاع فرامل اليد وكمان رجلاش التيل الخلفى داخل الطنابير هتظبط معاك إنشاء الله..
بالنسبة للمياه طالما مفيش مشكلة خلاص بس خللى بالك بعد كده إن الموتور يكون بارد وخلاص..

**hmada9009_99** · 28-01-2013 01:14 AM

المشاركة الأصلية كتبت بواسطة shgashga

السلام عليكم
معايا نوبيرا 2 الطنابير فيه علي وواطي علي خفيف قوي وده مالوش تاثير واضح علي اداء الفرامل يعني مفيش رعشه في دواسه الفرامل خالص علي اي سرعه ومفيش غير ان فرامل اليد عليه قوي بتعمل حواي 12 تكه او اقل وعلي فكره انا كنت مسحت الطنابير مسحه خفيفه من سنه وغيرت تيل معاها ياتري اسيبها كده ولا ده غلط
وفي حاجه كمان انا كنت بغير مياه العربيه بميه خضره بنفسي في الول دورت العربيه وبعدين بطلتها وفكيت الخراطيم الي خارجه من الموتور والي داخله له الي هو الخرطوم الكبير الاسود الي متوصل بالمشترك عشان اصفي الميه ونسيت وحطيت ميه بارده في القربه بس لا حظت ان الميه بتنزل من القربه ثم الي المشترك وبعدين الخرطوم الاسود وبعدين تنزل للارض هل في جزء من الميه دي يكون وصل للموتور لان العربيه كانت سخنه ولسه مبطلها ولا الميه مالحقتش تخش علي الموتور
اسف علي الاطاله

اما تغير مياه ردياتير بعد كده لازم العربيه تكون بارده تمام وتغير المياه وتنزيل المياه مش بفك الخراطيم لأ في طبه تفكها وهتنزل كل المياه اللي في العربيه كلها وبتفكها بأيديك الصوره
شوف الصوره :
http://imageshack.us/photo/my-images...221115853.jpg/

**tuttoo** · 28-01-2013 02:10 AM

حضرتك محتاج لعمل رجلاش لفرامل اليد من تحت فرامل اليد داخل الصالون ..فقط تشيل الطفاية وتربط شوية علي صامولة الجلاش مش هتاخد اكتر من 10 دقايق شغل

**ahmed.zahra** · 28-01-2013 12:12 PM

اعتقد محتاج تعمل رجلاش للفرامل الخلفية حتظبط معاك فرامل اليد. و رادياتير النوبيرا فيه حنفية تفضي منها المياة من غير ما تفك خراطيم و لا اي حاجة و ان شاء الله ما يكونش حصل حاجة للموتور.

**shgashga** · 28-01-2013 08:10 PM

انا عارف ان فيه حنفيه بس انا كنت قفلتها بالديت لانها كانت بتسرب فاطريت افك الخرتطيم
وبالنسبه لرجلاش فرامل اليد صاموله الرجلاش دي مش هي الي تحت الكونسول الي هي لما تشيل الغطا الجلدد بتاع فرامل اليد لان انا ماعرفش الصاموله الي تحت الطفايه وخلي بالكم العربيه نوبيرا مش لانوس يا ريت توضيح لان انا فاكر ان صاموله الرجلاش الي هي بتشد واير الفرامل دي مربوطه في حديده يد الفرامل
والف شكر علي ردودكم

**ahmed.zahra** · 29-01-2013 01:08 PM

لا بيتعمل رجلاش ليها من العجل الخلفي و ده المفروض يتعمل كل 10.000 كم تقريبا و حيفرق معاك في الفرامل

**original** · 29-01-2013 01:50 PM

المشاركة الأصلية كتبت بواسطة shgashga

وبالنسبه لرجلاش فرامل اليد صاموله الرجلاش دي مش هي الي تحت الكونسول الي هي لما تشيل الغطا الجلدد بتاع فرامل اليد لان انا ماعرفش الصاموله الي تحت الطفايه وخلي بالكم العربيه نوبيرا مش لانوس يا ريت توضيح لان انا فاكر ان صاموله الرجلاش الي هي بتشد واير الفرامل دي مربوطه في حديده يد الفرامل
والف شكر علي ردودكم

فعلا خلليك فى رجلاش العجل