السلام عليكم جميعا انا لسه جديد ف المنتدى ومتابع اخبار المنتدى من مده
وكنت عايز أسأل هل ينفع افك وش السلندر لوحدى ,, ولو ينفع ممكن حد يشرحلى الموضوع ببساطة وهل لازم اجيب جوان جديد لو فكيتو !!
آسف للأطالة
ملحوظة العربية مو 79 فيات 128
عرض للطباعة
السلام عليكم جميعا انا لسه جديد ف المنتدى ومتابع اخبار المنتدى من مده
وكنت عايز أسأل هل ينفع افك وش السلندر لوحدى ,, ولو ينفع ممكن حد يشرحلى الموضوع ببساطة وهل لازم اجيب جوان جديد لو فكيتو !!
آسف للأطالة
ملحوظة العربية مو 79 فيات 128
الحاجات دى عايزة دراسة وعايزة فن
ممكن تعمل بنفسك أيوة بس لما يكون عندك علم
لو عملت بالبركة كدا هتتعلم أيوة بس وارد إنك تغلط
طبعا ممكن وأنت بتفك يقابلك حاجة متعرفش تفكها تكون عايزة مفتاح معين أنت متعرفهوش تدوخ عليه
لازم يكون عندك على الأقل خالص طقم مفتاح يد سستم يد لقم
ع فكرة ثلاثة ارباع الميكانيكية مش دارسين حاجة الموضوع خبرة بس .. وشكرا جدا لمشاركة جضرتك :)
وموضوع طقم المفاتيح سهل لأنى هفكها ف ورشة ميكانيكى
هاهاها الميكانيكى هيحرق دمك وهينكد عليك وهيتغاظ منك وهيكرهك إلا لو كان هو مبيعرفش يعمل الحاجة دى هههههه وبرضه هيحقد عليك خصوصا لو حد من زباينه دخل عنده .... يقول لهم إيه ؟؟
لازم الواحد يبقى عنده علم بالحاجة اللى بيتعامل معاها قبل ما يفكها الموضوع مش بالبساطة دى
تخيل لما يبقى معاك كتالوج إصلاحات ( فكرة برضه أبحث على النت وعلى يوتيوب جايز تلاقى فيديوهات تساعدك ) ... مش زى لما تفك كدا بالبركة
اللى أنت هتعمله دا اسمه استكشاف بتجرب وخلاص زى ما أنا بعمل كتير فى حاجات كتير ... بس ببوظ... بغلط برضه ... بس يمكن عشان انا متسرع ومتهور شوية وممكن حاجة تتكسر منى
شوف إنت عايز تفك الحاجة دى ليه الأول وشوف الميكانيكى بيفكها أزاى لو تقدر
بعدين شوف إنت عايز تعمل إيه فيها وشوف الحاجة دى بتتعمل أزاى كما يجب لأنك كمان هتفك جزء حيوى جدا فى الموتور والغلطة معاه هتبهدلك الدنيا ( وش السلندر يعنى )
بالنسبة للجوان دا مهم جداوهو اللى بيعمل sealing على حسب حالته طبعا ( أنا معرفش حتة هل بالضرورة تغييره ولا لأ بصراحة )
بس دا فى التوكيل لو ركبوا سير الكاتينة وحبيت تفكه لأى سبب من الأسباب لازم تركب سير جديد !!!!
طبعا تغييره ضمان لازم يكون معاك أنبوبة سيليكون حرارى برضه
الميكانيكى اللى مش دارس دا شوفه خد كام سنة عشان يعمل كدا وبرضه بيبوظ ويعك ويبهدل فى عربيات الناس
وميعرفش يشتغل غير فى الموتور اللى هو طول عمره بيتعلم يفكه أو الماركة اللى متعود عليها
تجيبله موتور عربية تانى يقولك العربية دى مقرفة يا بيه العربية دى كلها مشاكل حد يجيب دى !!!!!!!!
الفنى اللى بيتعلم صح فى التوكيلات والمراكز المعتمدة ولو إن فى مصر برضه كله بطيخ
هو دا اللى بيبقى فاهم بجد وعنده وعى ميكانيكى من الدرجة الأولى ومواكب للتطورات على طول
يعنى إنت ممكن لو لقيت الشخص الفاهم تعمل شغل أحسن من اللى بيعمله الميكانيكى وفى وقت أقصر بكتير
دا أنا لما بفك حاجة فى عربيتى ساعات بيطلع عينى لأنى مبكونش عارف أزاى تتفك بعدين بالصدفة ألاقى ملف ع النت فيه طريقة الفك ببقى هعيط وأقول بعد ما فكيتها وطلع عينى !!
يبقى مين الأحسن الدارس ولا العكاك ههههههههه
نصيحة برضه ياريت تنضف الموتور من برا من الأتربة قبل ما تفتح الموتور وتراعى النظافة كويس جدا فى شغلك
لأن قلب الموتور دا زى قلب الأنسان كدا مينفعش أى حاجة غريبة تدخل جوا والحتة دى عمر ما الميكانيكى هيراعيها زى صاحب العربية أبدااااااااااااااااا
هاهاها الميكانيكى هيحرق دمك وهينكد عليك وهيتغاظ منك وهيكرهك إلا لو كان هو مبيعرفش يعمل الحاجة دى هههههه وبرضه هيحقد عليك خصوصا لو حد من زباينه دخل عنده .... يقول لهم إيه ؟؟
يا نهاااااااااااااااار كل ده هوا انا داخل احاربه هههههههه
اولا متشكر لحضرتك ع الاهتمام :)
وانا عارف كويس انا هفك علشان اعمل ايه لو حضرتك تسمع عن موضوع فكرة المهندس الهندى سومندر بتاعت التعديل البسيط ف وش السلندر .
عموما هو اللى هيتولى الفك والتركيب هوا الميكانيكى انا بس هعمل التعديل
وبصراحة حضرتك لغبطنى مين اللى فاهم العاكك ولا الدارس :)
وبالنسبة للجوان انا سألت وعرفت انو لازم يتغير ..بواحد جديد
مفيش اسهل من الفك
لأ بس الفك ليه طريقة لو معرفتهاش هتغلط وهتبوظ :) والتركيب كذلك