معلش انا خبرتي لسه بسيطة بالسواقة وكنت عايز اعرف لو حصل ولقيت بطارية العربية نايمة ادورها ازاي ؟؟؟؟؟؟؟؟
عرض للطباعة
معلش انا خبرتي لسه بسيطة بالسواقة وكنت عايز اعرف لو حصل ولقيت بطارية العربية نايمة ادورها ازاي ؟؟؟؟؟؟؟؟
حتحسس على البطاريه
وتحاول تصحيها من نومها وقلها اصحي عشان عايز امشي
ههههههههههههههههههههههههه ههههههههههd:
عامة افضل طريقه تزق السياره تحط على التاني وتخلي حد يزقك لغاية
ما تمشي شويه وابتدي ارمي
سلام
هههههه لا انا مش عاوز اقلقها من نومها اصلها بتبقي سهرانة طول الليل انا بس عايز اعرف يعني ايه ارمي ؟؟؟؟(اعشق العربية علي التاني واجيب ناس تزقني وبعدين اشيل رجلي من الدبرياج فجأة وللا ايه ؟؟؟؟؟) معلش مش عاوز حد يضحك عليا لاني فعلا مش عارف الحوار ده
ايوة بالزبط ناس تزقك وتشيل رجلك من على الدبرياج وتديها سنة بنزين ايوة ياعم
ههههههههاههههههههههههههاه ههههههههههههه
(( بضحك عليييييك))
لا بهزر ماحدش ها يضحك عليك امال احنا عاملين المنتدى ده علشان ايه علشان نجااوب على بعض
ههههههههههههه مش عايز تقلقها من نومها يعنى اية امال هتخلص مشاويرك وهيه نايمة عامة من غير ما اضحك عليك انت تدوس دبرياج ( بس دة يتوقف على انك تكون منول علشان يكون عندك دبرياج اصلا ) وانت دايس على الدبرياج تجيب التانى ولما حد يزؤقك وتجيب سرعة معقولة لو مش هتعرف تقدرها ممكن تقول السرعة الى بيديهالك اول التانى تدوس البنزين للاخر وتسيب الدبرياج مرة واحدة هتلاقيها بتترجرج بيك وبعدين هتدور متوقفش علشان متبطلش انت تمشى كام متر وبعدين تدوس دبرياج مع سنة بنرين ومتسبش البنزين على طول علشان متبطلش تانى فيستحسن انك تكون فى شارع فاضى الكلام دة مبيكولش مع كتير من الجديد ذى الى الديريكسيون بيتقفل مع التبطيل ومتقلقش كولو بدور العربية ذات البطارية النايمة كدة وانا 4 سنين بدور مازدا 323 حوالى 3 مرات فى الاسبوع بالشكل دة لحد ما ربنا كرمنى وغيرت ونسيت الكشاف والع فى العرية الجديدة ومكنتش حاططها فى الجراج فنامت ومعرفتش ادورها علشان الديريكسيون اتقفل وساعتها قولت (اصيلة يا مازدا ) ما تقلقش طول ما بطاريتك حالتها حلوة وانت مبتنساش انوار او كاست او حاجة شغالة مش هتحتاج تزوق وادعيلى مع اول مرة العربية تعملها معاك وتزوقها ملحوظة الطريقة دى للبطارية النايمة والمارش لما يبوظ
متشكر اوي علي الردود انا عموما بتابع البطارية باستمرار (كشف علي الشحن والمياه) بس برده حبيت اعرف الطريقة علشان لو قلت باصلها معايا
انا هحاول اشرح الموضوع بطريقة تانية:
الطريقة الأولى : انك تجيب بطارية تانية و تعمل توصيلة من البطارية التانية لبطاريتك و تدور العربية هتدور على طول ان شاء الله و ده ممكن عن طري كهربائي أو عن طريق حد معرفة و تعمل التوصيلة دي بنفسك و ده معناه انك تشتري التوصيلة دي و هى متوافرة عند بتوع الإكسسوار .
الطريقة الثانية : انك تفتح الكونتكت (مفتاح تشغيل العربية) و تدوس دبرياج على الآخر و تجيب التاني و ناس تزق العربية و لما تمشي العربية بسرعة مناسبة تدوس بنزين و في نفس الوقت تشيل رجلك من على الدبرياج هتلاقي العربية اترجت شوية و دارت و ساعتها هتلاقي العربية هتاخد سرعة الغيار التاني و ممكن تمشي بسرعة فعلى طول دوس برياج مرة تانية مع استمرار الضغط على البنزين و ممكن يكون الضغط على البنزين بشكل زجزاج يعني تدوس و تسيب و طبعاً لو فيه عائق في الطريق هتوس فرامل و ممكن تمور العربية و تشيل رجلك من على الدبرياج علشان تدوس على الفرامل .
ليا تعليق صغير
لما بتشيل رجلك من على الدبرياج فقط بتحط حمل الموتور على جسم العربية و ممكن لو سرعتك كانت بطيئة شوية العربية مش حتدور... مش دى المشكلة... المشكلة ان الناس اللى بتزقك حتزهق منك و حتسيبك و تمشى
الطريقة الانسب و اللى لقيت لنها ناجحة جدا هى انك تخلى الناس تزقك لحد اسرع سرعة فى استطاعتهم و انت تكون معشق تانى و فاتح كونتاكت و مرة واحدة تشيل رجلك من على ادبرياج و تدوس تانى على طول
لو مدارتش تكرر القصة تانى و ساعتها العربية مش حتكون هدت اوى و الناس لسة بصحتها و مفيصتش.... و لو دارت على طول مش حتجرى منك لان انت دايس دبرياج.. القصة دى بتنفع رضة لو انت بتدور العربية زق لورا و معشق مرشدير
MMamdouh
aiwa bas da law kanet elbatareya nayma mesh mayeta
tab3an elfar2 wade7
متشكر اوي يا جماعة علي الردود والاهتمام
في طريقه كمان احب اضيفها و اسمع كلام الناس عنها
زي ما الناس قالت باظبط تشغل الكونتاكت و الناس تزق و انت معشق اولاني و بعد ما العربيه تتحرك شيل رجلك من علي الدبرياج
و الغيار الاولاني يفرق عن التاي في الموضوع ده انه بيحتاج سرعه اقل بكتيييير من الغيار التاني بس اللي قاللي علي الموضوع ده قاللي معملوش كتير يا تري كلامه صح و ليه؟
لو عوزها تدور بسرعة من اول زقة يبقى اولانى فى معظم العربيات
الاول حيحمل جامد على قواعد الموتور و الفتس لانك بتبقى زى اللى بيفرمل بالموتور و فى لحظة بيبقى مطلوب من الموتور يلف لفات كتيييير اوى لكل لفة من العجل و دة بيحمل على القواعد و الفتيس
MMamdouh
اخواني الاعزاء
هذا موضوع مهم وضروري جدا
وساحاول الاجابة عليه
اذا في صحراء وحيدا
وفقدت البطارية طاقتها نتيجة لنسيان المصابيح
وكانت سيارتك ( فيول انجكشن ) وغيار مانيوال
فهذا النوع من السيارات لا تستطيع تشغيلة باستخدام الدفع او السحب
وذلك لسبب بسيط
وهو ان مضخة الوقود لا تعمل عند فراغ البطارية مما يسبب عدم وصول البنزين اللازم لتشغيل السيارة
فما العمل
قم بفك البطارية
واحفر حفرة في الارض بعمق 50 سم وقم بدفن البطارية لمدة نصف ساعة او اكثر
وعند اخراجها وربطها على السيارة ستعمل بعون الله
رش الرمل بقليل من الماءاقتباس:
قم بفك البطارية
واحفر حفرة في الارض بعمق 50 سم وقم بدفن البطارية لمدة نصف ساعة او اكثر
وعند اخراجها وربطها على السيارة ستعمل بعون الله
سوف تنبت لك بطاريات صغيرة
انتظرها حتى تكبر واستعمل احداها :winkiss::winkiss:
كلام لا اساس له من الصحة
ههههههههههههههههههههههههه ههههههههههههههههههههههههه ههههههههههههههههههههههههه ههههههههه
اى مانيوال ممكن انها تزق
ياريت يكون التفاعل بطريقه احسن من كده
الراجل وضح ان العربيه مانيوال بس فيول انجكشن
و اتكلم ان مضخه البنزين لن تعمل لاحتياجها للكهرباء اساسا
و انت واضح انك بتتكلم عن عربيه كاربيراتير عاديه مانيوال و العربيات دي مفيهاش مضخه بنزين
شفت بقي ان لا داعي للاسلوب الساخر منعا لأثاره المشاكل
و انا معاك مستني ردود باقي الاعضاء علشان استفيد برضو
يا دكتره مضخة البنزين بتشتغل على اقل كهرباء زيها زى الموبينه
والعربيات القديمه برده فيها مضخة بنزين بس حركتها ميكانيكيه مش كهرباء
طالما نور العربيه شغال, ممكن تشتغل زق
انا مستني وياكم رأي المتخصصين في الميكانيكا و السيارات
عربيتنا البيجو 305 ياما دارت زق
و عربيه اكسنت 99 انجكشن ياما دارت زق
بس اني اقدر اقول قول الفصل مينفعش
لازم حد يكون عنده علم بالامور دي
مينفعش افتي و انا جاهل بالموضوع
بس كده
لو لو كنت عرفت انا بضحك لية مفتكرش انك كنت رديت علية بس ابقى شوف المشاكرة الى قلبى مكتوب فيها ولية حق اضحك ولا لا ولو انت حقانى يبقى تمسك مشاركة مشاركة تعلق عليها خصوصا ان فى تريقة كيتر اوى فوق بس اقول اية حسبنا الله ونعم الوكيل
باشا
انا مش قصدي و الله العظيم اني استقصدك
انا اخدت اخر مشاركه بس فعلا قريتهم كلهم و لما لقيت الوضع بقي كده قلت لازم اتدخل و احاول اغير مجري الكلام من تريقه لتعمل مشكله
بس مش اكتر
و بعتذر ليك فعلا لو خليتك تحس اني بستقصدك
بس انا مش بحاول افتري علي حد نهائي ابدا
و يمكن انت متعرفنيش لسه بس اوعدك انك بنفسك هتلاحظ ده في المستقبل ان شاء الله
و بعتذر ليك مره تانيه لو حسستك اني مستقصدك او اني بستهزء بيك لأن مكنش قصدي اطلاقا انا بحترم جميع الاعضاء
وانا اسف يا عمر من كلامك انك فعلا انسان محترم وبجد اسف وانا واللهى مكان قصدى انا اخدت الموضوع بالشكل دة ويارب متنملك بطارية ابدا واشكرك