جهاز التاب مات نهائيا

من فضلكم يا شباب اللى يقدر يساعدنى فى المشكله دى يقولى اعمل ايه انا كنت عايز اعمل روت للتاب 7 للنسخه الاحدث نزلت روم وعملتها ببرنامج اسمه اودن وجيت افتح الجهاز لقيت الشاشه بايظه خالص بس كان بيدخل عادى على الداونلود مود قلت انزل روم تانيه الاصليه وبعد ما عملتها الجهاز مات خالص مبينطقش رحت لواحد بتاع صيانه قعد يدور على النت على حاجه اسمها jtag وبعدين قالى حتسيبلى الجهاز 10 ايام واخد 300 ج!!! علما بانى لما روحت شوفت العمليه دى على اليوتيوب فى 10 دقايق والمشكله انه بيفتح الجهاز وانا مش عايز كده هل فى اى حل تانى؟؟؟ شكرا

مبدئيا كدة تروح تجيب جهازك وفلوسك من النصصاب دة عشان الحكاية دي بالظبط حصلت معايا في جلاكسي اس 1 وبردوة مكنش بيعمل اي حاجة غير انوا بيجيب شاشة الداونلود وديتوا لبتاع الصيانة عملوا في يوم واخدتوا تاني يوم ب 75 جنيه ويوم ما هيزيد اوي مش هيعدي 150 جنيه

بيدور على النت

شُغل كيف تهبط الطائره بتاع اسماعيل ياسين

وبعدين الجيتاج ده مش اي حد بيعمله ممكن يجي يلحم سلك يبوظ مكانه مايلحمه على البورده وبعدين يقفله ويقولك ماليش خلاص فيه


مادام حضرتك من طنطا انزل اسكندريه بيه هاتلاقي ناس هناك تحل مشكلتك

لو القاهره اسهلك في ناس كتير عندها حل مشكلتك

اقتباس:

---

المشاركة الأصلية كتبت بواسطة Qmax

بيدور على النت

شُغل كيف تهبط الطائره بتاع اسماعيل ياسين

وبعدين الجيتاج ده مش اي حد بيعمله ممكن يجي يلحم سلك يبوظ مكانه مايلحمه على البورده وبعدين يقفله ويقولك ماليش خلاص فيه


مادام حضرتك من طنطا انزل اسكندريه بيه هاتلاقي ناس هناك تحل مشكلتك

لو القاهره اسهلك في ناس كتير عندها حل مشكلتك

---

ههههههههههههههههههههههههه ههه :ilikeit:

اقتباس:

---

المشاركة الأصلية كتبت بواسطة Qmax

بيدور على النت

شُغل كيف تهبط الطائره بتاع اسماعيل ياسين

---

ههههههههههههههههههههههههه ههههههههههههههههههههههههه ههههههههههههههههههههههههه

يا باشا روح حالاً جيب التاب من عند الكفتجى ده
بيدور على النت !! و كمان على jtag من أولها كده

هى دى الشاشة اللى كانت بتطلعلك ؟
http://img.tapatalk.com/d4e24ac0-7d3b-dc0b.jpg
لو كده يبقى soft brick و ممكن تتحل بتنزيل الروم تانى بأودين
بس هو موديل التاب ايه ؟

خد التاب من عند الميكانيكي ده ياباشا

الموضوع مش هيزيد عن سوفتوير