أفضل زيت و فلتر و مكانه؟؟؟

**Mohamed Hafiz** · 30-01-2013 09:56 AM

المشاركة الأصلية كتبت بواسطة ehab_mansour

المتوفر لديك من النوعين حطه المهم يكون من مكان مضمون و مش مضروب لأن طالما حضرتك مش في القاهرة و من كفر الشيخ يبقي مش هتلاقي كل الانواع اللي هنا

سؤال هو فيه اساسا فيسكو عندك في كفر الشيخ ؟
سؤال أخر ايه متوفر عندك من انواع الزيوت عموما ؟
سؤال ثالث حضرتك كنت بتستخدم انهي نوع زيت قبل كده في العربية و ايه حالة العربية و ماشية كام الف ؟

أخيرا التخليقي ده النوع اللي بيطلقو عليه الزيت ال10 الاف و عموما هتلاقيه اغلي نوع لكل مصنع يعني ثمنه بيعدي ال 250 جنيه للجركن ال 4 لتر
ال xhp ده نوع من انوع زيوت موبيل و ده معدني و التخليقي من موبيل اسمه موبيل وان mobile 1 و التخليقي من شيل اسمه شيل هيلكس الترا و التخليقي من فيسكو اسمه فيسكو 5000 و التخليقي من توتال اسمه كوارتز 5000 و هكذا

و اي سؤال في الخدمه

السلام عليكم جميعا

ألف شكر على التوضيح و الاهتمام يا باشمهندس إيهاب

العربيه انا لسه جايبها مستعمله عامله 160 ألف حالتها جيده جدا و الحمد لله من شهر موديل 2002 و هي سيارتي الأولى
و انا كنت بحاول أعرف قبل م أنزل أتفرج على الفلاتر و الزيوت .... المشكله فعلان ان الزيوت المنتشره هنا Mobile XHP 3000 20w50و ده زيت معدني !!!!
و المخلق الموجود فقط هو 5w50 ,Mobile1 10000 فعلا انا مش لاقي
فيسكو أو حتي فلتر أصلي !!! في فلتر مصري ب 15ج و أخر مش عارف تركي باين ب 20 ج
الجميع قالوا لي أغير XHP 3000 من باب النصيحه طبعا !!!!!
المهم انا كنت ناوي انزل المدينه الصناعيه

- حي صناعي ب كفر الشيخ - بس لما حال البلد يهدى شويه !!! ممكن أجد فلتر و زيت مناسب

ألف شكر

**Mohamed Hafiz** · 31-01-2013 09:28 AM

مفيش أي أقتراحات ؟

**hossamalsadik** · 05-02-2013 08:46 PM

درجة الزيت ده من الكتلوج

للماتور motor ibiza 1.0 8v

للفيتيس GEAR

**hossamalsadik** · 05-02-2013 08:53 PM

فلتر الزيت

فلتر البنزين

**SYD** · 10-02-2013 09:55 AM

الف مبروك علي الزيت
فلتر الهوا الأصلي عندنا ب60 اما عن فلتر البنزين ممكن تركب فلتر بنزين الدايو لانوس ودة هتلاقيه في حدود ال25 جنيه

تحياتي

**ehab_mansour** · 10-02-2013 11:24 AM

المشاركة الأصلية كتبت بواسطة Mohamed Hafiz

السلام عليكم جميعا و ألف شكر لجميع الاعضاء

الأسبوع الماضي خلاص لقيت الفلتر الأسود الأصلي ب 60 بعد الفصال و هو كده ممكن يكون غالي شويه بس انتم عارفين ممكن يكون غالي عشان انا في كفر الشيخ و معظم المنتشر الفلاتر العاديه المصري و التركي من 15-25
المهم
بالنسبة للزيوت ومواصفاتها من المانوال و كلام الأعضاء المحترمين عن الزيت المعدني و التخليقي
انا حطيت 3000 Mobile 1 Xhp
, هو معدني على الرغم من ان الأفضل ان يكون زيت تخليقي و لكن لقيته 10000 كم و انا كنت فاكر في منه 3000 كم و انا مش عاوز أسيب الزيت كتيير

المهم انا حسيت ان صوت العربيه أفضل الحمد لله
فاضل فلتر الهواء و البنزين

مبروك علي التغيير و لكن للأمانه حابب أقلك ان عدد كيلومترات التغيير دي افتكاسه مصرية فقط و ملهاش اي اساس من الصحة و عموما و حتي لو عايز تنزل الزيت بدري فالمفروض متنزلش الموبيل xhp قبل 5 الاف كيلومتر و الزيوت التخليقية بتقعد اكتر من 10 الاف و صدقني في عربيتي لولا ان الزيت عدي فترته المسموحة بوجوده مستعمل داخل المحرك كنت سبته و لكن الزيت حتي ولو لم تمر عليه عدد الكيلومتر للتغيير لابد من تغييره اذا مر عليه سنة حتي لو مشيت بيه 1000 كيلومتر فقط

انا لسه امبارح مغير زيت فيسكو 5000 التخليقي بعد اكتر من 10 الاف كيلومتر و استخدام سنة و شهرين و كنت ناوي احط ليكوي مولي و لكن لقيت ماكينة الشفط عندهم بايظة و مش شغاله و انا معنديش طبة في العربية و لازم الزيت يتشفط