استهلاك فيرنا 2006 - 1500 سى سى للبنزين
اول امس كنت رايح اجيب ناسيبى من المطار ف قلت فرصة اشوف استهلاك البنزين على الطريق السريع
سافرت زراعى - و كنت حاطط بنزين 90 لان الصراحة مالقتش 92 فى البنزينة اللى دخلتها و كنت مستعجل
الطريق طبعا اصبح فيه مطبات كتير + الشبورة ف من كفر الدوار الى طنطا السرعة لم تتجاوز ال 80 كم ساعة و دخلت طنطا عند جماعة قرايبى و كملت الطريق و لم اتجاوز سرعة 100 كم ساعة
المهم دخلت بنزينة على الدائرى حطيت 14 لتر 92 - المسافه اللى قطعتها كانت 188 كم
يعنى استهلاك البنزين كان تقريبا 13.5 كم لكل لتر بنزين
يعنى الصفيحة تقريبا تعمل 270 كم
على فكرة لو الطريق سالك و مافيش لا مطبات ولا شبورة و لا وقفة كتير اعتقد انه كان ممكن العربية تعمل 300 كم فى الصفيحة
لأن من تقريبا خمس سنوات كنت بقطع المسافة من كفر الدوار لغاية المطار من الدائرى فى حوالى ساعتين و نصف دلوقت لو الطريق فاضى بقطع المسافة فى ثلاث ساعات و نصف الى اربع ساعات و ممكن اكتر لو فيه مشكلة كبيرة على الطريق