سؤال محيرنى عن منتجات الفرز الثانى

**dedi** · 28-01-2013 12:26 PM

سؤال محيرنى يعنى اية لما بعض الناس تقول انة اغلب انواع الاب توب التى بتنزل مصر فرز تانى او مثلا يقول انة فية سيارات مثلا فرز تانى او منتجات اخرى ايضا فرز تانى او ثالث
هو يعنى المصانع الكبيرة و المشهورة بتقصد انة تعمل تانى و هو موش مفروض انة خط الانتاج شغال لانتاج منتج جيد و بعدين الفرز التانى مفروض انة منتج بة ديفوة او عيب تصنيع فى اعداد قليلة موش مغرقة السوق والمفروض انة يكون مكتوب علية بصورة واضحة او بدون الاسم التجارى المعروف و ذلك حفاظا على جودة المنتج و الاسم التجارى

**A_H_M_A_D** · 28-01-2013 01:38 PM

معلش بس انا رأيي الشخصي ان موضوع الفرز التاني ده عامل زي عقدة الخواجه اللي عند معظم الناس

يعني في ناس فاكره انها لما تشتري الحاجه من بره هاتلاقيها بجوده اعلى بكتير من اللي بيشتروه هنا , مع انه نفس المنتج ونفس المصنع و نفس البلد , بس فعلا هي عقده الخواجه مش أكتر

الحاجه الفرز بيبقى مكتوب عليها إنها refurbished وده معناه انها كان فيها عيب و تم اصلاحه , غير كده بيبقى المنتج سليم 100%

**S O P H O S** · 28-01-2013 04:22 PM

انا مع راي استاذ احمد
غير ان حتي سوني في منها كتير كده ..

**youssef_u** · 28-01-2013 05:08 PM

اللي يقول كده حلال اقتله ؟

مفيش شركة مثلا هتصنع موبايل بجودة عاليه لدولة و نفس الموبايل بجودة اقل لدولة تانيه ؟؟؟

اصلا كل الشركات بتصنع اجهزتها على خط انتاج واحد و نفس الخامات و نفس كل حاجة

**RAPID** · 28-01-2013 05:51 PM

اعتقد فى فرق

**m_elkhishin** · 28-01-2013 05:53 PM

المشاركة الأصلية كتبت بواسطة A_H_M_A_D

معلش بس انا رأيي الشخصي ان موضوع الفرز التاني ده عامل زي عقدة الخواجه اللي عند معظم الناس

يعني في ناس فاكره انها لما تشتري الحاجه من بره هاتلاقيها بجوده اعلى بكتير من اللي بيشتروه هنا , مع انه نفس المنتج ونفس المصنع و نفس البلد , بس فعلا هي عقده الخواجه مش أكتر

الحاجه الفرز بيبقى مكتوب عليها إنها refurbished وده معناه انها كان فيها عيب و تم اصلاحه , غير كده بيبقى المنتج سليم 100%

refurbished معناها انه used ولكن تم تجديده.

**dedi** · 28-01-2013 07:28 PM

من كلام واحد صديقى انة قريبة فى اوروبا بيشترى المنتج الذى بة عيب من المصنع يعنى مثلا ثلاجة اشتراها عميل و بعد يومين لقى بها عيب او فيشة مهزوزة او لون متقشر او عيب بسيط يتم استبدالها لة و يقوم المصنع ببيعها بسعر متدنى خالص بعد ان يقوم المصنع بوضع علامة فرز تانى و لكن هذة المنتجات باعداد قليلة جدا و الا المصنع يفلس و يقفل

**Ahmed_Adham** · 29-01-2013 01:29 AM

اكيد طبعا فيه فرز تاني في كل شيء والفكره ان حتى مع التصنيع الالي بس مش كل قطعه منتجه بتطابق مواصفات التصنيع 100% وعلى فكره العدد ده مش قليل مع انه نسبه قليله من الانتاج بس كميته كبيره لما يكون الانتاج كبير. الي أقدر أأكده ان لابتوبات اتش بي في مصر والكويت درجه تانيه ولما تشيل البطاريه وتقرا الكلام اللي في اللابتوب تحت البطاريه هتلاقي مكتوب This Class B product bla bla....

مش هينفع طبعا يطلعه بماركه تانيه لأنه بيبقى نفس موديل الاصلي شكلا وموضوعا بس بيبقى فيه جزئيه أو قطعه معينه متوقع انها متكملش عمرها الافتراضي أو مشتشغلش بكفاءه 100% زي الشاشه مثلا وفي الغالب الاجهزه دي بيبقى عمرها أقصر من الدرجه الاولى في ظروف التشغيل العاديه فالشركه بتبيعه للموزعين بسعر أقل وهوه وضميره بقى وطبعا دول العالم التالت زي حالتنا بتلقف الحاجات دي عشان المكسب السريع ومفيش قوانين تحمي المستهلك بجد والمفروض ان أي دعايه لأي منتج تكون موضحه انه درجه أولى ولا تانيه.

اللي عايز يجيب حاجه معمره يحاول يسأل حد في مركز صيانه التوكيل بتاع المنتج ويعرف منهم (بشكل غير رسمي عن طريق دردشه جانبيه مع حد من الموظفين) ان كان الموديل الفلاني بيرجع منه صيانات كتير ولا لاء ويشتري الحاجه اللي ميلاقيش فيه منها بايظ كتير بس طبعا مش سهل أي حد يوصل للمعلومات دي أو لشخص يديهاله بسهوله.

**memohamada** · 30-01-2013 06:00 PM

المشاركة الأصلية كتبت بواسطة Ahmed_Adham

اكيد طبعا فيه فرز تاني في كل شيء والفكره ان حتى مع التصنيع الالي بس مش كل قطعه منتجه بتطابق مواصفات التصنيع 100% وعلى فكره العدد ده مش قليل مع انه نسبه قليله من الانتاج بس كميته كبيره لما يكون الانتاج كبير. الي أقدر أأكده ان لابتوبات اتش بي في مصر والكويت درجه تانيه ولما تشيل البطاريه وتقرا الكلام اللي في اللابتوب تحت البطاريه هتلاقي مكتوب This Class B product bla bla....

مش هينفع طبعا يطلعه بماركه تانيه لأنه بيبقى نفس موديل الاصلي شكلا وموضوعا بس بيبقى فيه جزئيه أو قطعه معينه متوقع انها متكملش عمرها الافتراضي أو مشتشغلش بكفاءه 100% زي الشاشه مثلا وفي الغالب الاجهزه دي بيبقى عمرها أقصر من الدرجه الاولى في ظروف التشغيل العاديه فالشركه بتبيعه للموزعين بسعر أقل وهوه وضميره بقى وطبعا دول العالم التالت زي حالتنا بتلقف الحاجات دي عشان المكسب السريع ومفيش قوانين تحمي المستهلك بجد والمفروض ان أي دعايه لأي منتج تكون موضحه انه درجه أولى ولا تانيه.

اللي عايز يجيب حاجه معمره يحاول يسأل حد في مركز صيانه التوكيل بتاع المنتج ويعرف منهم (بشكل غير رسمي عن طريق دردشه جانبيه مع حد من الموظفين) ان كان الموديل الفلاني بيرجع منه صيانات كتير ولا لاء ويشتري الحاجه اللي ميلاقيش فيه منها بايظ كتير بس طبعا مش سهل أي حد يوصل للمعلومات دي أو لشخص يديهاله بسهوله.

لا الموضوع ملوش علاقة بالجودة بين فئة A و B ... التقسيم دة محدد من اللجنة الفيدرالية للاتصالات federal communications commission "FCC"
و التفسير هو ان فئة A مخصصة للاستخدام التجارى و الصناعى بمواصفات مخصوصة للغرض دة ... اما الفئة B فهى مخصصة لاجهزة الاستخدام المنزلى
والتفاصيل بالكامل فالموقع هنا
Google Answers: Class A, Class B Certification

**Ahmed_Adham** · 30-01-2013 06:26 PM

المشاركة الأصلية كتبت بواسطة memohamada

لا الموضوع ملوش علاقة بالجودة بين فئة A و B ... التقسيم دة محدد من اللجنة الفيدرالية للاتصالات federal communications commission "FCC"
و التفسير هو ان فئة A مخصصة للاستخدام التجارى و الصناعى بمواصفات مخصوصة للغرض دة ... اما الفئة B فهى مخصصة لاجهزة الاستخدام المنزلى
والتفاصيل بالكامل فالموقع هنا
Google Answers: Class A, Class B Certification

كلامك مظبوط. هوه مكتوب عليه Complies with Canadian ICES 003 ولما دورت على الوثيقه دي لقيتها

http://www.ic.gc.ca/eic/site/smt-gst.nsf/vwapj/ices003e.pdf/$FILE/ices003e.pdf

بتتكلم عن حدود معينه من الانبعاثات والاشعاعات متفق عليها.

طب دلوقتي نعرف درجه جوده التصنيع ازاي؟

الموضوع: سؤال محيرنى عن منتجات الفرز الثانى

LinkBack

أدوات الموضوع

عرض

-

-

-

-

المواضيع المتشابهه

سؤال محيرنى

سؤال محيرنى

سؤال محيرنى

سؤال محيرنى

سؤال محيرنى جدا

الكلمات الدلالية لهذا الموضوع

المفضلات

المفضلات

ضوابط المشاركة