لو سمحتوا انا عايز اعرف اقرب توكيل لرينو من طنطا علشان الازاز اللى ورا طق لوحده (سرطان فى الازاز زى ما الناس بتقول ) و العربية لسة فى الضمان و مش المفروض يغيروه على حسابهم , صح ؟ ؟
عرض للطباعة
لو سمحتوا انا عايز اعرف اقرب توكيل لرينو من طنطا علشان الازاز اللى ورا طق لوحده (سرطان فى الازاز زى ما الناس بتقول ) و العربية لسة فى الضمان و مش المفروض يغيروه على حسابهم , صح ؟ ؟
أقرب فرع ليك سموحه
و طبعا يتغير في الضمان
شكرا على رد حضرتك , انا كلمت خدمة رينو قالولى لازم اروح العبور , فلو سمحت حضرتك تقولى هو مركز خدمة العبور دا كويس ولا ايه نظامه ؟؟؟؟ ,, ولو تبع الضمان اكيد مش هياخد منى اى فلوس خالص , صح ؟؟ علشان ابقى عامل حسابى و شكرا
تبع الضمان و اعملهم فضيحه لو مارضيوش
هيتغير في الضمان و فرع العبور زي الفل بس اهم حاجة لو في زجاج واقع جوة العربية سيبه على حاله لحد ما يشوفوه بنفسهم
الف شكر يا جماعة ... انا كلمت توكيل خالد عمارة ( علشان روحتلوا قبل كدة ) و حجزت معاه يوم الاحد ان شاء الله و ان شاء الله مش هاسيب حقى و ربنا يسهل و اغيروا تبع الضمان ... الف شكر
ما تشوف العدوى اللى على الزراعى (عند كوبرى فاروق) عندكم فى طنطا ، ده مركز معتمد وممكن يغيره لك فى الضمان برضه.
روحت سالته أعد يستهبل و يقولى الازاز مش تبع الضمان و انه ماعندوش ازاز و كدا ... فقولت اروح لحد مضمون و كلمت خالد عمارة قالى هاسال و اكلمك تانى ... و هو كلمنى قالى انه تبع الضمان وكل حاجة بس لازم اجيب العربية زى ما هى يعاينوها .. فربنا يكرم ان شاء الله و مش هاسيبهم الا لما يغيروه على حسابهم ان شاء الله .. ادعولى بقى
اتأكد بس انة القزاز الاصلى هو موجود عندهم دلوقتى الاستثمارى جريش وانا سالت على الاصلى قالى لسة قدامة اسبوع كدة هو فى الجمارك عشان بغيير القزاز فى فرع العامرية بردة
اعرف ازاى ان هو الازاز الاصلى بعد اذنك ؟؟ .... انا لما كلمتهم ماقليش انه مش موجود ولا أى حاجة .. قالى تيجى نعاينه ولو سرطان نغيره فى الضمان .. انا كدة خايف يضحك علية .. ربنا يستر
مش عارف صراحة بس ممكن تصور العلامة الى موجود ة على القزاز بتاعك وتتأكد ان هيا الى موجودة فى القزاز الى ركب
وقزاز جريش بتبقى مكتوب علية اسمة جريش هو قالى هو بالظبط الاصلى
انا الى الان واقف عشان كنت مستنى اركب الاصلى فى التوكيل هما بصراحة محترمين قالى لو الاستثمارى موجود اركبة قولتلة لا فى الاول لكن بعد اسبوع ونظرا لاحوال البلد قالى الاصلى هيتأخر حبة قدامة كدة اكتر من اسبوع واللة اعلم قولتلة ركب اى حاجة المهم اخلص فقالى على جريش وانة موجود فى فرع العبور وهيبعت يجبهولى بس بقالة يومين يقولى العربية مش عارفة تيجى اسكندرية من الى بيحصل
هما محترمين يعنى مش هيغشك هيقولك موجود دلوقتى الاستثمارى لو وافقت هيركبهولك لكن الاصلى لو مش موجود هتسيب العربية عندهم لغاية ميجى القزاز
الف شكر ربنا يخليك ... انا هاشوف هيقولى ايه و ربنا يسهل و لو مش موجود غير الاستثمارى و هو هو فعلا زى الاصلىى هاركبه ان شاء الله و خلاص ... انا مش هينفع اسيب العربية عندهم خالص دا انا هسافرلهم من طنطا ... و ربنا يقدم اللى فيه الخير و ان شاء الله ابقى اقولك عملت ايه ... الف شكر يا باشا
استاذ طارق
انا لسه مغير القزاز يوم الاثنين 28 /1 فى فرع العامريه ومقليش اصلى ولا استثمارى بس انا ملاحظ ان القزاز متغير عن اللى كان راكب فيها وكمان الحرارى مش شغال تقريباً وديتها تانى فرع العامريه وقلتلهم على القزاز قالى لا طبعأ كله اصلى وبالنسبه للحرارى هنفحصه ولسه العربيه عندهم
ممكن لو عندك اى صوره للقزاز الاصلى او نوعه او اللى مكتوب عليه تقلنا
شكراً
للاسف بعد ما روحت توكيل خالد عمارة و فضلت قاعد 3 ساعات و فى الاخر يقولى الازاز ضمانه سنة واحدة ,, مسكتش و قعدت اتخانق معاهم و هم برضه على نفس الكلمة و كلمت الفرع الاصلى تانى و قعدت ازعق معاهم و اقولهم ازاى ضمانه سنة واحدة اومال جيبنى ليه و يقولك انا اسف و مش بايدينا حاجة و ماسكين فى نفس الكلمة و معرفتش اطلع منهم باى حاجة :( ... هاغيره على حسابى للاسف و امرى لله الا اذا حد يعرف يقولى حاجة اعملها علشان انا شايل منهم اوى بصراحة ... حساسهم حراميه جدا :(
قدر اللة وماشاء فعل استاذ على الازاز برة ثمنة من 400 الى 430 بالتركيب ودة جريش وسيبك من الحرامية دول مش عارف نعمل معاهم اية انا كمان مخنوق منهم جدا الى الان بقالى اكتر من 20 يوم العربية عندهم بغيير الازاز الى قدام وكل يومين اكلمهم يقولولى لسة مجاش فرع العامرية فى فى فرع العبور ومعنديش حد يروح يجيبوة دة التوكيل المحترم بتاعنا وساعات يردو على التيلفون وساعات محدش يعبرك انا اخرى معاهم انهاردة لو مركبوهوش هروح اخد العربية واعملة برة اعتقد صاحبى بيقولى ممكن نشتكيهم فى جهاز حماية المستهلك او نبعت ايميل للشركة فى فرنسا او نجيب تيلفونات رينو ايجيبت ونشتكيهم هناك مش عارف بس الغربية ان كل الناس كانت بتشكر فى التوكيل وهما محترمين يمكن حصل معانا احنا سوء حظ
انا كنت فى التوكيل امبارح وشغلوا الحرارى تمام وكمان لقيت القزاز نوعه duracam وراكب فى عربيات ميجان وفلوانس هناك بس اعتقد ان القزاز الاصلى بينز induver
المهم الحمد لله القزاز تمام والحرارى فل
بالمناسبه سألتلك استاذ طارق على القزاز القدام قالى 1500 جنيه وموجود بس ميعرفش induver ولا duracam وقالى عموماً احنا مبنركبش غير الاصلى سواء ده او ده اصلى
[QUOTE=mikyman;3874793774]انا كنت فى التوكيل امبارح وشغلوا الحرارى تمام وكمان لقيت القزاز نوعه duracam وراكب فى عربيات ميجان وفلوانس هناك بس اعتقد ان القزاز الاصلى بينز induver
المهم الحمد لله القزاز تمام والحرارى فل
بالمناسبه سألتلك استاذ طارق على القزاز القدام قالى 1500 جنيه وموجود بس ميعرفش induver ولا duracam وقالى عموماً احنا مبنركبش غير الاصلى سواء ده او ده اصلى[/Q
الف شكر باباشا انا استلمت العربية امبارح الحمد للة وركبت الازاز الاصلى هو قالى اركبلك الاستثمارى وقالى عربيات كتير شغالة بية عشان الاصلى كان متعطل الشحنة الى جاية من برة فى المنطقة الحرة قعدت اسبوعين ودى كانت المشكلة لكن دلوقتى موجود فى التوكيل خلاص الازاز الاصلى ودفعت 2215 الازاز والمصنعية والضريبة