-
سؤال فى الزينون
بسم الله والصلاة والسلام على رسول
بصوا يا احلى اصحاب
دلوقتى انا مركب فى لانسرتى البومة زينون 35 وات 8000 كلفن
المهم الواد الكهربائى مش مقتنع خالص بالعواكس شايلهم وانا اول مركبته خليتة يوطية على الاخر كنت بسافر بليل ومبشوفش حاجة خالص
امبارح رحتلة علاه وطلعت على الطري كاشف الدنيا تمام قوى بس كل الحكاية انى عاوز اعرف لو حطيت العواكس النور هيقل عندى ولا ايه الحكاية
-
عشان تركب زينون لازم يكون الكشاف مجهز لكدا وفيه عدسات زينون
إنت كدا بتعمى اللى قدامك والعواكس هتقلل من حدة الأضاءة طبعا
لو دى عواكس زينون هتوجه الزينون بطريقة كويسة على قدا ما تشوف وفى نفس الوقت مش ه تعمى غيرك
-
حرررااااااااااااام عليك
يعني فانوس عادي ومركب عليه زينون وكمان شايل العواكس ده اسمه اذي وافتري بجد لو في اي بلد اوروبيه بيعتبرو ده جريمه ولا تجاره المخدرات لانك بكل بساطه بتعمي اللي قدامك وممكن تخليه يعمل حادثه بشعه ولا لو كان جاي في وشك يبقي العن واضل
الزينون برجاء ميركبش غير علي فانوس يكون فيه عدسه وبسسسسسسسسسسسسس والا ربنا حيحاسبك علي الاذي ده
-
أنا كنت ماشى ع الطريق فى مرة وواحد بلانسر بومة يا دوب رعشلى بس بالزينون بتاعه عمانى بجد دا أكيد راكب من غير عدسات
ومش أى عدسات هتديك أضاءة حلوة مع الزينون
لازم تكون عدسات زينون
-
و الله يا جماعة في ناس مش عايزين زينون من غير عدسات دول عايزين ليزر حارق بالذات اللي بيمشوا بطىء في الحارة الشمال دول حقك أعميهم كمان وكمان يا نجم :))) وأي حد ماشي عكسي أعمييييييييييييييييه
-
الله ينور يا ابو صلاح
انا حعمل زيك ان شاء الله اول الشهر حنزل اجيب زينون وحركبة من غير عواكس ولو قدرت اركبة من غير فوانيس اصلا حركبة
عشان اى حد بقى راكب ملاكى والسواقة بقت تقرف اليومين دول
-
والله انا مركبه عندي بس كان من غير عواكس ورجعت ركبت العواكس علشان الاذي بس مش بستعمله الا علي الطرق باليل وطول الوقت وجه البلد بستخدم الفوجات هي زينون برضه بس اي اخف من اللي فوق بس هو فعلا فارق كبير علي الطرق وبالذات الطريق الدولي
-
ارخم حاجه اما يبى الطريق رايح جاي ومثلا الاقي جيب او نص مقل ومركب زينون وانا مهما اعمل بيعمي الواحد
انا مركب بس على عدسه ومش بستخدم غير للضرووووووووره
-
خلاص يارجالة ان شاء الله الصبح هروحلة وغصب عنه هخلية يركب العواكس وكويس انكم افدتونى بالمعلومة دى
-
استغفر الله العظيم ربنا يسامحنى على الاذى اللى سببته للناس من الاختراع دا
ان شاء الله بكرة ياما اركب العواكس يا اما هشيل الزينون من اصلة واركب لمبات تونجسرام انا اقفلت من الزينون بسس اللى انتم قلتوه عن ان الفوانيس مش مجهزة اصلا لزينون
Content Relevant URLs by
vBSEO 3.6.0 PL2