السلام عليكم ..

ازيكم يا احلى عصابه .. كيف احوالكم .. يارب تكونو بخير ..
بقالى فتره طويله مدخلتش لظروف عديده .. ربنا ما يكتبها على حد ابدا .. بجد واحشنى جدا ..

ندخل ف المهم .. عندى فحص ف المرور ان شاء الله ف شهر 3 الجاى .. وكانت العربيه فيها كام حكه كده والاكصدامين جابو اخرهم بسبب غباوه الناس والموتوسيكلات خصوصا .. لسه واحد رازع ف الاكصطدام اللى ورا امبارح !!

فانا ان شاء الله هشد العربيه .. هظبطها سمكره ومرمات بويه .. واظبط الفرش من جوه .. واشد العفشه ..
بس فيه حاجه بفكر فيها ومحتاج رأيكو فيها ..

انا كنت ناوى اسقط سى دى اكس للعربيه .. بس بعد حوار البنزين والكوبونات والهبل ده .. قلت خلينا 1600 احسن ..
الفكره بقا انى تعبت من المانيول .. الزحمه كتير ف كل الطرق ورجليا الشمال واجعانى اصلا .. فعايز اسقط موتور ال 1600 ايكوتيك اتوماتيك ...

ايه رأيكم ؟؟ و ايه المطلوب ف تسقيط الموتور ده ؟ ايه الحاجات اللى هتتغير يعنى .. واسقط عند مين ؟

واهم حاجه هيعمل ف حدود اد ايه كده ؟؟