عرض للطباعة
السلام عليكم جميعا
الموضوع بخصوص شقة فى مدينتى تسهيلات حتى 13 سنة الشقة 81 متر سعر المتر حوالى 6500 جنية
مش عارف التسيهلات مغرية جدا والشقة صغيرة من حيث المساحة والسعر شامل اشتراك النادى
هل الشقة تعتبر كويسة من ناحية الاستسمار وسعرها هايزيد بعد الاستلام 6-2013؟
انتوا اية رأيكواااااااااااااااااااا اااااااا؟
شايف ان السعر عالى يعنى شقه 81 متر ب 526 الف و ممكن بالمبلغ ده تاخد شقة فى الشروق او هليوبلس الجديدة مش زى مدينتى طبعا بس قريبه منهم و تشترك فى النادى الى انت عايزه كمان بالباقى ده غير التشطيب طبعا يعنى هتدخل متشطبه فى 650 الف تقريبا
فى شركه اسمها بريدج للتنميه عامله تسهيلات فى السداد و كده برضه بس على 10 سنين شوف ايه نظامها لو ميهمكش السكن فى مدينتى
طبعا استثمار كويس على المدى البعيد بس انت مش ضامن ايه الظروف الى ممكن تحصل الفتره الجاية
انا متفق معاك جدا انها غالية بس مدينتى تختلف عن الشروق فى كل حاجة انا متردد لأن التسهيلات على 13 سنة كويسةاقتباس:
المشاركة الأصلية كتبت بواسطة algazar2
هوة حضرتك شارى من بريدج؟ وانهى مناطق الشروق الكويسة ؟ ومتوسط سعر المتر كام؟
لازم تبقى غالية لانك مبتشتريش حيطان وخلاص انت بتشترى خدمات ومستوى افضل بكتير
ثانيا الناس بتهمل حاجة مهمة ان حضرتك بتدفع 6500 جنيه على 17 سنة وده كانك بتشترى كاش ب حوالى 3 الاف جنيه المتر وده رقم معقول طبعا (يعنى بالحسابات لو معاك 3 الاف جنيه وحطيتهم 17 سنة فى البنك حيبقوا اكتر من 7 الاف جنيه )
بس ده ميمنعش ان 6500 غالى بالنسبة لشقة استلام دلوقتى (مقارنة بشقق زيها يعنى) لانها كده متبعة من 4 سنين وفى الاغلب كان السعر فى حدود 4.5 فهل دى شاملة اوفر من البياع؟ ولا انت بتشتريها منين؟
نصيحتى دور كويس على الاهرام والوسيط ومواقع رحابى والمتخصصة فى بيع مدينتى والرحاب وانزل حتى شوف السمسارة بس متقعش مع اول واحد لانه حيبقى عايز يخلص الحاجة اللى عنده ويلبسها لاى حد وحيقنعك ان هو ده السعر
بالنسبة للتسهيلات فمدينتى من اول مطلعت وهى كده على 17 سنة وعلى 15 سنة ومؤخرا هى اللى بقت على 10 سنين
فالتسهيلات نفسها حاجة متقلقش
متتوقعش انها حتغلى دلوقتى او عند الاستلام لان ظروف البلد منيلة بستين نيلة
لكن لو الظروف اتحسنت وصبرت عليها حتبقى كويسة
ثانيا اتاكد من موضوع اشتراك النادى لان اوقات كتير بيكون الاشترك باسم الشارى الاول وبيقولوا عليه هدية فمينفعش يتنقل ملكيته لحد تانى
ما انصخكش بمدينتي خالص .........
ممكن تشرحلى وجهة نظرك اكتر ؟اقتباس:
المشاركة الأصلية كتبت بواسطة أحمد كمال
هاقوللك عن تجربتى الشخصية
أنا ساكن فى الرحاب من 11 سنة ومن حوالى 8 سنين إشتريت إستوديو بالرحاب على 7 سنوات ب 143 الف و كان كل معارفى يقوللولى إنت مجنون
النهاردة سعر الأستوديو كاش 450 الف و مأجره بسعر ممكن تأجر بيه شقة 180 متر فى أغلب الأحياء الراقية
و ربنا كرمنى و كررت تجربتك فى مدينتى بشقة 66 متر على 17 سنة و ربنى وفقنى و أتمنالك كل التوفيق
انا من طليعة السكان هناك و باقول لك بلاشاقتباس:
المشاركة الأصلية كتبت بواسطة mahmoud nagieb
مجموعة طلعت مصطفى دول يتفات لهم بلاد
فالحين بس في صرف الشيكات كل شهر في الميعاد بالدقيقة
بس مفيش حاجة بتتنفذ من وعودهم
و خليني ساكت لاحسن ضغطي بيعلا كل ما افتكر القفا المتين اللي اخدته في مدينتي
و على فكرة اللي بيقول الرحاب احب اقول له متر الرحاب كان بكام اما اشتريت و دلوقتي بكام
اما متر مدينتي اصلا بدأ بكام ...... مستحيل مدينتي تحقق نفس مكاسب الرحاب
+111111111111111اقتباس:
المشاركة الأصلية كتبت بواسطة أحمد كمال
الف شكر للرجالة وانا صرفت نظر علشان الشقة ضيقة والسعر عالى جدا وظروف البلد السيئة
والف شكر على نصايحكم الغالية
لما اساسا الناس كانت بتشترى فى الرحاب كانوا بيقولوا عليه مجنون...ولو من 10 سنين كنت قلت لحد ان فى متر فى مصر حيبقى ب 3 الاف جنيه كنا حنقول عليه مجنون...فمحدش يقدر يقول بعد كام سنة مش حيزيد....الموضوع مرتبط بالاحوال الاقتصادية...لو تحسنت يبقى اسعار كل العقارات حتزيد اللى بالفين حيبقى ب3 واللى ب6 حيبقى بسبعة
لو متحسنتش يبقى مش حتتحسن على الكل
الفكرة بس انك لما تحتفظ بفلوسك كاش هى كده بتخسر فلازم تحط الفلوس فى حاجة تحافظ على قيمتها
الرحاب ماكانش فيها تاخيرات زي مدينتي
و لا كان فيها عدم التزام بالوعود و لا تليفونات مش عايزة تخش و لا حاجة من بلاوي مدينتي
مدينتي دلوقتي ايجاراتها ارخص من الرحاب لان الخدمات كلها متاخرة و كل حاجة حالتها بالبلا و الشركة مستهبلة اخر 3 حاجات