عرض للطباعة
مساء الفل عليكم كلكم.......الفكره ومافيها اني ان شاء الله حصرت اختياراتي بين اكسيل 1500 او سويفت وان كنت ميال بشده للسويفت انا بس نفسي اعرف بالنسبه لقطع الغيار بغض النظر عن سعرها توافرها عامل ازاي و تحديدا هل للسويفت قطع غيار مافيش منها جديد يعني استيراد بس؟؟
كمان في حد ممكن يظبت السويفت كفرش و تكييف و عدادات و كده والله الشغل في الاكسيل اسهل..وطبعا ياريت لو تدوني فكره عن عمر المواتير و قطع الغيار في العربيتين :)....الف شكر مقدما
السلام عليكم
اخي العزيز
اسمحلي ارد عليك لغاية لما حازم باشا يرد علينا
والكلام ده بناءا برضك علي كلام استاذ حازم وخبراته لاني كنت بسأله نفس الاسئله اول ماجبت العربيه
بص ياعمنا
بالنسبه لقطع الغيار موجود منها جديد ومنتشره جدا وبالاخص في شارع احمد حلمي الي بيطلع من ميدان احمد حلمي تعرفه طبعا
وهناك في محلات مستعمل وجديد وكمان عندك في شارع المرور في بين السرايات كام محل جمب بعض
ده بالاضافه الي محلات بيع الياباني عموما هتلاقي عندهم حاجات مختلفه
ده طبعا بالاضافه الي المستعمل الي موجود في الوكاله وفي احمد حلمي وفي الحرفيين وفي بورسعيد طبعا وانا عن نفسي لسه كنت في بورسعيد وجبت حاجات من هناك وبرضك كنت في طنطا وجبت حاجات من هناك برضك
بالنسبه للميكانيكا برضك شغلها سهل جدا لانها تكنولوجيا قديمه متعارف عليها ومفهاش مشكله خالص
بالنسبه للتكيف برضك صينته سهله وفي ناس كتير بتشتغل فيه والفرش والحاجات دي زيها زي اي عربيه
بالنسبه لعمر المواتير مواتير السويفت جامده طبعا لكن اكيد 1500 اقوي بس موتور السويفت معمول ببلوك الالمونيوم والعمره مش بتنفع معاه
علشان كده لو الموتور تعبان تجيب واحد جديد بالفتيس بيعمل 2000 جنيه ومن غير بيعمل 1300 او 1200 في الرينج ده
يعني دي بعض معلوماتي من حازم خضر
واكيد برضك هو اكتر خبره بمراحل
دور في المواضيع اللي فاتت هتلاقي حزومة و furp كتبوا عنها وهتلاقي ثمن قطع الغيار.
الله يخلييك يا furp باشا والله كلامك يطمن و مش عارف اشكرك ازاي علي اهتمامك وردك ..ربنا يحفظلنا المنتدي الي بيخلينا نعرف ناس محترمين زي حضرتك.
ربنا يخليك يااخي الكريماقتباس:
المشاركة الأصلية كتبت بواسطة alnhas
انا تحت امرك في اي حاجه
وربنا يوفقك للاختيار الصحيح
ولو في اي حاجه انا تحت امرك
اسف يا جماعه
لسه شايف الموضوع حالا
يا ريت لو حاجه زي كده ابعت ليا رساله علي الخاص عرفني ان في موضوع لاني فعلا ما شفتش:)
اخويا furp قال كل الكلام اللي ممكن اقوله
بالنسبه لقطع الغيار فعلا فموجوده جديد و استعمال
فيه حاجات مش حتلاقيها غير استعمال زي الدينامو و الاسبراتير و الكاربيراتير
ودي حاجات بتعيش بعمر العربيه و فين و فين علي ما تتغير
بالنسبه لاسعار قطع الغيار اقرأ الموضوع دا
http://www.nilemotors.net/Nile/showthread.php?t=23569
دا خلاصه تجاربي مع السويفت و قطع غيارها:)
.............
بالنسبه للسؤال سويفت ولا اكسيل
لو اكسيل 1300 يبقي السويفت احسن بكتييير
انما لو اكسيل 1500 فانا نفسي ارشح الاكسيل.
................
شكرا علي ردك يا furp باشا
شكلك كده حتستلم الرايه قريب في منتدي سوزوكي لاني خلاص ببيع السويفت :)
ربنا يبارك فيك ياستاذ حازم باشااقتباس:
المشاركة الأصلية كتبت بواسطة hazem_khidr
ياريس كل الي الواحد يعرفه بجد مش كلام وخلاص اتعلمه منك
ويارب يجعله في ميزان حسناتك
وبالنسبه للرايه مش هينفع ياريس
لانك هتبيع السويفت وهتفضل معانا برضك بخلاصة خبرتك وعشرتك مع السويفت
وبرضك اي سؤال هنتسأل فيه
هنسألك علي طول
بس انته متزهقش مننا
وربنا يديم المعروف