ازاى اطلع من عربيتين زانقنى من الجناب وعربية ورايا

**AhmedElsayed** · 28-07-2008 09:22 AM

السلام عليكم
الشارع بتاعى المفروض العربيات تركن موازية للرصيف فى صف والصف التانى عمودى عليه
المهم نتيجة زيادة عدد العربيات بشكل كبير بقم الصفين يركنوا عمودى على الرصيف
ونتيجة الزحمة العربيات كمان بقت تزنق بعضها
فبقيت ممكن انزل الاقى العربية مزنوقة من الناحيتين اجى اطلع الاقى العربية اللى فى الصف التانى راكنة عمودى
فاقعد ساعة احاول اطلعها

لكن بلاحظ ان محدش بيعانى كده زى
مع ان المضحك ان عربيتى هاتشباك صغيرة جدا

فالمفروض اعمل ايه
هل الدخول بضهرى بيبقى افضل فى الطلوع؟
ولا ليها تكنيك معين

**MMamdouh** · 28-07-2008 03:16 PM

ادخل الركنة بضهرك بحث يبقى وش العربية للشارع

مشكلتك انك لما بترجع لورا بيفضل وش العربية بتاعتك بين العربيتين اللى جنبك و بالتالى مفيش مجال لتوجيه العربية يمين او شمال

لما تركن بضهرك حيبقى فيه حرية اكبر للعجل الاماى فى توجيه العربية بدرى اوى و بالتالى مجال المناورة حيبقى مفتوح للخروج من الركنة الضيقة

MMamdouh

**M.Mokhtar** · 28-07-2008 05:01 PM

المشاركة الأصلية كتبت بواسطة MMamdouh

ادخل الركنة بضهرك بحث يبقى وش العربية للشارع

مشكلتك انك لما بترجع لورا بيفضل وش العربية بتاعتك بين العربيتين اللى جنبك و بالتالى مفيش مجال لتوجيه العربية يمين او شمال

لما تركن بضهرك حيبقى فيه حرية اكبر للعجل الاماى فى توجيه العربية بدرى اوى و بالتالى مجال المناورة حيبقى مفتوح للخروج من الركنة الضيقة

MMamdouh

+10000
بس خلى بالك وانت طالع من العربيتين اللى على الجنب عشان ظهر العربيه هيلم اسرع من وشها

**casperinoo** · 29-07-2008 04:08 AM

mamdouh basha shokran 3la al twdee7 ...

**MoToRiZeR** · 29-07-2008 04:12 AM

انا اما شفت العنوان افتكرته حصل عالطريق لأنها حصلت معايا عالدائري قبل كدة .. بعدي ما بين تريليتين و واحد غبي بنوبيرا لاااازق فيا .. اول ما دخلت بين التريليتين و صاحبنا ده في ديلي .. لقيتهم بيديقوا .. انا قلت انا ضعت خلاص .. يا هتزل تحتيهم يا الأخ اللي ورايا هيقلبني .. الحمد لله شغلت الإنتظار بسرعة و ركبت فوق الكلاكس التلاتة فاقوا .. و اول ما طلعت من النص قمت راكن علي جنب اريح اعصابي شوية