التقديم على خط تليفون أرضي جديد + أحسن عروض dsl عند مين؟

**Khaled Online** · 28-01-2013 09:44 PM

بالنسبة للخط الأرضي الجديد، إيه الورق المطلوب والإجراءات وبياخد وقت أد إيه؟
وبالنسبة للدي اس ال، أنهي أحسن شركة في عروضها وثبات خدمتها؟ أنا مشترك مع TeData بقالي سنين وخدمتهم مستقرة جدا بس مفيش عروض والدعم الفني حافظين وبيسمعوا (كالعادة في بلدنا) فعايز شركة بتقدم خدمة ثابتة زي اللي معايا وعروض حلوة. إيه اقتراحاتكم وتجاربكم؟

**RAPID** · 28-01-2013 10:08 PM

الخط الارضى بصورة البطاقة وايصال غاز او كهرباء او مياه بتوديهم السنترال والتركيب فى 48 ساعة غالبا، وكان فى عرض الخط بخمسين جنيه فقط شامل كل شئ (بدون عدة تليفون) مش عارف اذا كان مستمر ولا اتوقف تقدر تتصل ب 111 وتستفسر عنه ولو اتلغى هتدفع الرسوم العادية 300 جنيه تقريبا

اما النت فمن خلال تجربتى مع شركة لينك لاكثر من 3 سنين اقدر اقولك انها شركة زبالة وكانت سنوات معاناة حقيقية معاهم، النت سرعته بتنزل للنص من 12 الضهر ل 3 الفجر ويمكن اقل، وسرعة مش ثابتة ومتذبذبة وخدمة عملاء مكالماتهم محفوظة ويطلعوك فى الاخر انك مش وش نت بس الصراحة البنج ممتاز والكلام ده فى معظم محافظات الجمهورية من اصدقاء ومن على صفحتهم على الفيس، ولما قررت اكنسل رفضوا يدونى رقم الكانسليشن (مماطلة واستعباط) فكنسلت التليفون اصلا وقدمت على خط جديد وحاليا مع تى اى داتا، الخدمة مستقرة بشكل اكثر من رائع طول اليوم بس السرعة مش بتزيد عن 80% والبنج سيئ، لكنى مبسوط بصراحة معاهم وفى نفس الوقت ندمان على كل شهر دفعته اشتراك فى لينك الله يحرقهم

**al_manara** · 28-01-2013 10:17 PM

هاتلاقي حد بيشكر في شركة وواحد تاني بيشتم فيها .

من الاخر لو التليفون في نفس المنطقة الي فيها الخط الي انت مشترك علية يبقي خليك مع TEDATA

تجربتي مع TE Data سيئة الخدمة وبالذات خدمة العملاء .
تجربتي مع Link خدمة وخدمة عملاء جيدة جدا .
تجربتي مع Internet Egypt متوسطة الي ضعيفة وخدمة عملاء متوسطة .
تجربتي مع Vodafone متوسطة وخدمة عملاء سيئة

**RAPID** · 28-01-2013 11:01 PM

نسيت اقولك تى اى داتا عاملة عرض نص علينا ونص عليك
للعملاء الجدد لمدة 6 اشهر

**kimokaim** · 28-01-2013 11:24 PM

كل واحد بيحكي عن تجربة ليه ممكن تكون سيئة مع شركة وجيدة مع اخرى والعكس

فإنت والنصيييييييييييييييييييي ييييييب

**Khaled Online** · 29-01-2013 02:25 PM

تمام جدا وشكر خاص لRapid :)
بالنسبة للعروض الحالية دورت ولقيت الآتي:
TeData بتدي 50% خصم على 6 شهور وعلى راوتر وايرلس أربع مخارج ADSL للبيت - تفاصيل العروض
Link.net معندهمش عروض اليومين دول http://www.linkdsl.com/LinkDSL_Code/Pages/DslAvailabilty/ServiceSub......ion.aspx
فودافون 50% خصم على أول 6 شهور http://www.vodafone.com.eg/vodafoneportalWeb/en/P7200155241301577519345?ecmp=vfe-DSL-goo-61&gclid=CLiyw53GjbUCFYVZ3god4x4ASQ#
اتصالات معندهمش عروض والنت عندهم أغلى من الطبيعي Etisalat
فيه شركات إيه غيرهم؟

**Khaled Online** · 30-01-2013 12:05 PM

فيه عروض من أي شركة نت؟
غير فودافون واتصالات ولينك؟

**MOHAMED OSAMA** · 30-01-2013 12:47 PM

انا كنت الاول link dsl وطبعا كنت موصل منها لمدة 3 سنين
الشركة دى ليها مميزات وعيوب اول مشكله كانت مدايقانى فيها انها اقعدت ترفع السرعه بالنهار وتنزلها بليل
العيب التانى الخدمه من حيث مفيش عملاء او فروع ليها فى السنترال زى تى داتا يعنى لو النت فصل من السنترال لازم حد يجيلك من مصر قدامه يومين على مايجى ويدخل ع البورت وجع دماغ
الميزه بقا انك تعرف تعمل داونلود وتتصفح عكس تى داتا
الميزه التانيه انها عملت حاجه اسمها نقل الخدمه يعنى لو عاوز تنقل خطك ده على تيلفون تانى
وده اللى انا عملته وقدمت تى داتا على نفس الخط بس كتر خيره اللى خدمنى فى الموضوع ده المحاسب بتاع لينك اللى بيجى ياخد منى الفلوس
بالنسبه لتى داتا اقوى لانها واخده فرع فى كل سنترال فى مصر
والحاجه اللى مدايقانى فى تى داتا عروضها زفت عكس لينك بتعمل عروض جامده
وتى داتا التصفح والدونلود حلو بس لو حد حمل اجارك الله لازم تفصل الدونلود عشان تعرف تتصفح
ونصيحه الافضل ان يكون عندك خطين احتياطى لينك وتى داتا وده لو عندك شبكه

**ahmedteam** · 30-01-2013 01:05 PM

انا بقالى 7 سنين مع TE Data و الخدمه زى الفل بمعنى الكلمه لا تقطيع و لا اى مشكله توكل على الله و اشترك فيها

**fepsceasar** · 30-01-2013 02:11 PM

انا كنت مشترك مع لينك لمدة خمس سنين تلاتة منهم زى الفل واخر سنتين بقوا زفت الزفت ..وحتى جربت ازود السرعة ولا الهوا
واخيرا اشتركت فى noor adsl وحاسس انهم محترمين ولو فى اى مشكلة مش بيسيبك غير لما يتاكد ان كل حاجة عندك تمام حتى لو بعتلك فنى.. لكن ما عندهمش عروض جامدة لكن كخدمة ممتازين
واسالهم برضو بيدعمو الخدمة فى السنترال بتاعك ولا ايه الكلام