موسوعة من هو؟

**Imhotep** · 28-01-2013 09:51 PM

من فترة طويلة كان الحاج احمد ابراهيم الله يمسيه بالخير عمل موضوع للمعلومات العامه اسمه من صاحب الصورة. . . وكان من انجح مواضيع القسم و عمل مشاركات و مشاهدات عالية جدا. . . و الموضوع ده شبيه بيه لكن من غير صور. . . يعنى اللى هيسألنا عن شخصية هيعطى وصف لها او كلمة مأثورة او موقف مهم فى حياتها الخ. . . انا عارف انه جايز يكون مش وقته بسبب الاحداث الجارية بس الصراحة الواحد دماغه هتتفرتك فممكن نشغلها فى حاجة مفيدة. . . و هبدأ انا بمعلومات انا قلتها فى موضوع تانى عن شخصية نسبوها لينا و هى مش من جنسنا و اسم الشهرة بتاعها لما كانت فى منطقتنا من 100 سنة هو. . . الاورنس . . . فمن هو؟

**AlGazar2** · 29-01-2013 09:24 AM

موضوع حلو و مفيد بس ايه الاسئله الصعبه دى

عملت سيرش عن الكلمه فى المنتدى مطلعش الا الموضوع ده و سيرش جوجل اكتر حاجة جايه فيه مسرحية لصلاح السعدنى
بس تقريبا الاورنس دى شخصيه يهوديه بتتعامل مع الاحتلال و بتستفيد منه باى طريقة و ممكن ما تكونش يهودية مش متاكد

**Imhotep** · 29-01-2013 10:02 AM

المشاركة الأصلية كتبت بواسطة AlGazar2

موضوع حلو و مفيد بس ايه الاسئله الصعبه دى

عملت سيرش عن الكلمه فى المنتدى مطلعش الا الموضوع ده و سيرش جوجل اكتر حاجة جايه فيه مسرحية لصلاح السعدنى
بس تقريبا الاورنس دى شخصيه يهوديه بتتعامل مع الاحتلال و بتستفيد منه باى طريقة و ممكن ما تكونش يهودية مش متاكد

اهلا يا باشا بيك و بمحاولتم للاجابة اللى بشكرك عليها و على المجهود اللى حاولته..... بس انا اديت تلميحات و قلت انى قلت معلومات عن الشخصية دى فى موضوع اخر و المعلومات دى فى الموضوع ده:
http://www.nilemotors.net/Nile/332611-a.html

اما بخصوص اسم (اورنس) او (الاورنس) فده تحريف لاسم لورنس او كما نطقته القبائل فى الجزيرة العربية و هتلاقيه على ويكبيديا كأسم شهرة ليه..... و المقصود طبعا هو لورنس العرب..... واحد من اشهر الجواسيس على مر التاريخ و واحد ممن كلفوا بمهمة من اصعب المهام التى يمكن ان يكلف بيها رجل عسكرى

بخصوص سهولة الاسئلة..... هتقول ايه بقى على السؤال التانى اللى كنت مجهزه عن الشخصية العسكرية اللى كان لورنس بيقدم تقاريره ليها..... و هى شخصية عسكرية استعمارية تاريخية شهيرة..... لكن اللى مش شهير اوى عنها و هتكون المفتاح اللى هسيب اللى يحب يدور بيه على الشخصية دى هو كلمة الشخصية دى قالتها..... الكلمة بسيطة لكن معناها كبير...... الكلمة هى...... لقد عدنا يا صلاح الدين

بس انا بقول اؤجل السؤال ده و ياريت انت تسأل السؤال اللى جاى..

**S O P H O S** · 29-01-2013 11:58 AM

كويس ولو بأجابة هيكون احسن كمان ..

**Imhotep** · 29-01-2013 12:28 PM

المشاركة الأصلية كتبت بواسطة s o p h o s

كويس ولو بأجابة هيكون احسن كمان ..

طب يا سيدى ما تسأل انت سؤال و احنا ندور له على اجابة

**w-m-a** · 24-02-2013 07:33 PM

هنري غورو

**Imhotep** · 24-02-2013 08:34 PM

المشاركة الأصلية كتبت بواسطة w-m-a

هنري غورو

100/100 :-)

ابقى بس كمل جميلك بلينك فيه معلومات عن اجابة السؤال عشان الصورة تكمل و المرة دى اللينك عليا انا:

http://en.m.wikipedia.org/wiki/Henri...h_Army_officer)

اضرب ده و ياريت ناس تانية تخش تدور معانا. . . مين اللى قال. . . الان اعلن انتهاء الحروب الصليبية