لمبة الزيت منورة حتى بعد تغيير الزيت .. وصوت الموتور عالي
السلام عليكم
وانا ماشي بالعربية لقيت لمبة الزيت نورت وصوت الموتور عالي وفيه زي تكتكة كدا
قست الزيت لقيته عادي مش قليل
رحت غيرت الزيت فضلت اللمبة منورة وبرضه الصوت عالي
رحت للميكانيكي فك ساعة الزيت ولقى ان ضغط طلمبة الزيت كويس وغيرنا ساعة الزيت
لما دورت العربية اللمبة رعشت وبعدين فضلت اللمبة منورة والصوت برضه عالي بس صوت التكتكة هديت شوية
بس صوت الموتور كأنه مكنة جاز زي عربيات النص نقل
الميكانيكي بيقولي الزيت القديم انت مشيت عليه كتير... هو كان فالفولين الاحمر ومشيت عليه 10 آلاف
وقالي الصوت دا من الكستبانات وهاتتظبط لما تغير زيت كتير
قالي حلك انك تغير الزيت بسرعة وكتير علشان الموتور ينظف
وقالي اعتبر الزيت اللي انت حطيته دا كان تنضيفة للموتور وغيره تاني!
عايز اعرف .. هل اقوم بتنظيف الموتور بفلاش مثلا؟
وايه ممكن يكون سبب ان لمبة الزيت منورة؟؟
افيدوني مشكورين