عايز مدرسة اسلامية لغات لبنتي

**Mohyeldin1974** · 29-01-2013 08:11 PM

المشاركة الأصلية كتبت بواسطة timtim

صارمة وصعبة ازاي ؟ :)
فعلا مصاريفهم معقولة ومحترمة جدا
دي صفحتهم:
‫مدرسه طلائع الكمال الاسلاميه | facebook‬

يعنى مناظر المدرسات وطريقتهم صارمه اوى ومش قصدى استخدان عنف مع الاطفال
لا حسيت ان بنتى لما بترجع بتقول كلام فيه شوبه تعصب واكبر من سنها شويه (كانت اولى وتانيه البتدائى بس) وكنا بنذاكرلها ب6 ساعات يوميا عشان تخلص كم الواجبات اللى عليها وكمية كتب كتييييير اوى غير كتب الوزاره وكنا مهلوكين بصراحه بس للامانه البنت اتاسست بس كان على حساب طفولتها ونفسيتها

**MaZaGAngeE** · 30-01-2013 11:19 AM

الموضوع محير جدا و المفروض اني اقدم لبنتي خلال الاسبوعين دول و انا مش عارف اعمل ايه
طيب الامهات رايهم ايه ؟ اكيد همه عارفين اكتر مننا في المواضيع دي

**sherifahmed** · 30-01-2013 11:26 AM

هيا بنتك كام سنة؟

**Mo3taz Selim** · 30-01-2013 12:04 PM

المشاركة الأصلية كتبت بواسطة mohyeldin1974

انا اعرف مدرسه ممتازه بس صارمه شويه اسمها طلائع الكمال خلف سنترال الماظه من الكى جى لحد الثانوى وبنتى كانت فيها لحد قبل ماسافر بس كانت صعبه شويه ومصاريفها معقوله جدا وفعلا ناس بتربى وتعلم للامانه ومحستش بيها الا لما سافرت بره
وفى مدرسه تانيه فى التجمع اسلاميه لغات بردو بس مش متذكر اسمها دلوقتى بس هى جنب شركة الكهربا اللى فى التجمع الخامس واعتقد مصاريفها معقوله

أسمها الغد المشرق بصراحه مدرسه ممتازه تعليما و أخلاقا و مصاريفها معقوله فعلا بالنسبه للمدارس الأخرى ... أنا بناتى الأتنين هناك من الكى جى و إن شاء الله هأقدم لأبنى عندهم السنه دى و أى سؤال أنا تحت أمرك

**Mo3taz Selim** · 30-01-2013 12:16 PM

وده لينك المدرسه

معهد الغد المشرق الازهرى

**MaZaGAngeE** · 30-01-2013 01:17 PM

المشاركة الأصلية كتبت بواسطة sherifahmed

هيا بنتك كام سنة؟

4 سنين

المشاركة الأصلية كتبت بواسطة mo3taz selim

أسمها الغد المشرق بصراحه مدرسه ممتازه تعليما و أخلاقا و مصاريفها معقوله فعلا بالنسبه للمدارس الأخرى ... أنا بناتى الأتنين هناك من الكى جى و إن شاء الله هأقدم لأبنى عندهم السنه دى و أى سؤال أنا تحت أمرك

المصاريف كام ؟