شراء طابلوه سيفيك 91 وفرش باب

**shedid20** · 29-01-2013 09:44 AM

السلام عليكم يا احبابى
صباح الفل عليكوا يا هونداوية
كنت عايز مساعدتكوا عايز اشترى طابلوه لعربية هوندا سيفيك 91 الشكل القديم مش ال هى زى 92 وعايز فرش باب بردوا بس يكون رمادى اشوفهم فين ويعمل كام الطابلوه فاضى او كامل وكمان عايز الطاسات الاصلية الاقيها فين . يا جماعة انا لسا جايب العربية امبارح وعايز اظبط بقا ساعدونى الله يخليكوا انتوا عمركوا ماتأخرتوا .. ايه رأيكوا فى جو الشحاتة ده
وصباح الفل ونهاركم خير ان شاء الله

**honda forever** · 29-01-2013 10:25 AM

أولا مبروك على العربيه وربنا يجعلها خير عليك إن شاء الله
بالنسبه للتابلوه بتاع الموديل ده متهيألى قليل شويه
ممكن تكلم أبو قصه فى الحرفيين إحتمال تلاقيه عنده وفرش الباب كذلك
قولنا إيه المشكله اللى فى التابلوه بتاعك وممكن نقولك تجيب الحاجه اللى بايظه أو مكسوره بس منين
أو ممكن تنزل بورسعيد بس أكيد مش اليومين دول خاااااااااااااااااااالص

**shedid20** · 29-01-2013 10:43 AM

المشاركة الأصلية كتبت بواسطة Ibrahim Hassan

أولا مبروك على العربيه وربنا يجعلها خير عليك إن شاء الله
بالنسبه للتابلوه بتاع الموديل ده متهيألى قليل شويه
ممكن تكلم أبو قصه فى الحرفيين إحتمال تلاقيه عنده وفرش الباب كذلك
قولنا إيه المشكله اللى فى التابلوه بتاعك وممكن نقولك تجيب الحاجه اللى بايظه أو مكسوره بس منين
أو ممكن تنزل بورسعيد بس أكيد مش اليومين دول خاااااااااااااااااااالص

هو الطابلوه كله ضايع والراجل ال شاريها منه الله يسامحع غير فرش الباب وجابوه بنى راح دهن الطابلوه بنى حاجة كدة مستفزة اخر حاجة تحس انك راكب موكرباص

**SAMEH_FOUAD** · 29-01-2013 11:01 AM

اولا الف مبروك

اللى مع حضرتك دية سيفيك الجيل الرابع , وطبعا مختلف كليا عن الجيل الخامس

وبالنسبة للتابلوة لو هية دية مشكلتلك بس , اعمل الاول محاولة ونظف التابلوة كلة ودية عند ورشة بويا سيارات , وهو هيطلعلك البوية اللى علية , لو قالك الجلد هيبوظ , يبقى هتنزل الاول

1- وكالة البلح شوفلك واحد كويس ويفضل تجيبة اسود وماتنساش يكون كامل بالكنسولة وهيكون فى حدود 650 جنية الى 750 جنية

2- لو مالقيتش اطلع على عزبة شلبى وشوف هناك

3- اخر مكان هتروحة الحرفيين عشان الجيل الرابع قليل هناك شوية

- هقولك حاجة الطاسات ركب بتاعة اى عربية مقاس 13 مممكن تختار اشكال تانية لو مالقيتهاش او تجيب بتاعة السيفيك الجيل الخامس بس ال13 وهتلاقيهم فى حدود 100 جنية الاربعة

**Mhmdz** · 29-01-2013 03:55 PM

المشاركة الأصلية كتبت بواسطة shedid20

السلام عليكم يا احبابى
صباح الفل عليكما يا هونداوية
كنت عايز مساعدتكوا عايز اشترى طابلوه لعربية هوندا سيفيك 91 الشكل القديم مش ال هى زى 92 وعايز فرش باب بردوا بس يكون رمادى اشوفهم فين ويعمل كام الطابلوه فاضى او كامل وكمان عايز الطاسات الاصلية الاقيها فين . يا جماعة انا لسا جايب العربية امبارح وعايز اظبط بقا ساعدونى الله يخليكوا انتوا عمركوا ماتأخرتوا

.. ايه رأيكوا فى جو الشحاتة ده

وصباح الفل ونهاركم خير ان شاء الله

الف مبروك على العربيه وربنا يكفيك شرها .انا بحب العربيه دي قوى

.وجبتها بكام؟ وهل هيا متسقطلها مكنه ولا بتعتها؟