الموضوع: مين في دول صفقة رابحة ؟

ولا واحده من دول
اعمل مقارنه بين كاميرتك و ال 600d ولو عليها عرض هاتها
النيكون في الفئه دي تنرفز لو افترضنا ان خلاص موضوع العدسات داخله العرض
هتصطدم بان مافيهاش ٢ اوبشن هينرفزوك
ا- اقصى سرعة شتر مع الفلاش ١/٢٠٠ يعني بالبلدي لو حبيت تستخدم الفلاش في ضوء الشمس هتطلع لون السما بيضاااااااااا
ولو بتصور بورتريه باحتراف هتفهم انا قصدي ايه و خصوصا لو الشخص واقف في ضله و وراه نور لازم ترفع فلاش تلقى الشتر بقى اخره ١/٢٠٠
٢-الكانون فيها اوبشن انك بتشوف اللقطه قبل ماتاخدها يعني بمجرد ما تغير في اي سيتنج المنظر بيتغير قدامك على الشاشه في ساعتها فبتظبط الاضاءه على الشعره او لو بتصور الغروب و كل ماتغير السيتنج الوان السما عماله تتغير قدامك و بعدين تاخد اللقطه زي مانت شفتها
النيكون بقى بخ لازم تصور الاول و بعديها تشوف النتيجه يعني ممكن تعملك كذا لقطه على الفاضي فلو بتصور شخص اكيد هيمل من الوقفه و الصوره تبوظ

هاتلك فلاش محترم و خلاص و الكاميرا بتاعتك زي الفل و قدام هات الفل فرام بالمره

المشاركة الأصلية كتبت بواسطة ahmed a.maksoud

أنا معايا فلاش كويس مش وحش الحمد لله

أنا بس اللى مدايقني هو العدسة ال 18-55 علشان الفوكس اللى بمزاجها ده.

و للأسف العدسة دي مش بتتباع لوحدها........و علشان تجيب حاجة تغطي الرنج ده.......تقريباً اقل حاجة بعدها كانت ال 18-105 و دي معدية ال 1000 و شوية.....درهم طبعاً.

غالباً كده هكبر من موضوع التغيير ده :)

العدسه ال ١٨-١٣٥ عدسه ممتازه عشان تنفع بورتريه و لاند سكيب و زووم معقول و تمنها في مصر نفس الرانج
وبعدين حضرتك ال ١٨-٥٥ اللي معاك صور بيها لاند سكيب بس و اظبطها على مانيوال فوكس انفينيتي
و ال ٥٠ الثابته هتقوم بالواجب و زياده في البورتريه

المشاركة الأصلية كتبت بواسطة Ahmed A.Maksoud

زي ما وضحت قبل كده

أنا مش عاوز أغير لسبب معين.......بس لو فيه صفقة رابحة من دول ميمنعش أني أغير.







أيه من دول كقيمة مقابل سعر يعتبر جيد جداً ؟

و مش فارق معايا الحاجات الزيادة زي ال digital frame......أنا بتكلم على كاميرا + عدسات مقابل فلوس ؟

و أخر سؤال........لو هبيع ال EOS 450D بودي بس تعمل كام ؟

و لو بدي مع 18-55 مع 50 مللي تعمل كام ؟

أنا ميال أكتر للكانون لو هي صفقة رابحة...علشان كده هيبقى معايا عدستين 50 مللي و 2 من ال 18-55 و ممكن أبيع واحدة من دي و واحدة من دي مع ال eos 450d

ده غير أن معايا 70-300 تامرون و هتغطي جزء كبير منها ال 55-250 اللى مع الكاميرا.........يعني ممكن أستخدم واحدة و أبيع التانية.

سعر الدرهم حاليا ً حوالي 1.8 جم

الحقيقة كل واحد من العروض فيه عيب فى حاجة
مبدأياً كدة ابعد عن العرض التانى لأنه هيخليك تندم بعد كدة
اما العرض التالت بتاع كانون فيبدو حلو عشان العدسات بس للأسف البودى مش تمام
انا رأيى بدل ما حضرتك تجيب العرض التالت وترجع تبيع ال ٥٥-٢٥٠ او التامرون ال ٧٠-٣٠٠ ومعاهم البودى ال ٤٥٠ ، رأيى انك تخلى البودى اللى معاك (برغم انه قديم بس مش وحش اوى) وتبيع ال ١٨-٥٥ ، والفلوس اللى هتيجى منها زائد الفلوس اللى كنت هتدفعها فى الصفقة دى توجهها لشراء عدسات
invest in glasses not bodies

العدسات اللى ميزانيتها معقولة وفى نفس الوقت هتعمل معاك نقلة بالترتيب كدة :
١٨-١٣٥ بس تتأكد انها الجديدة ال STM لأن القديمة اى كلام
لو تقدر تزود شوية هات ١٥-٨٥ وهتبقا مبسوط بيها جداً ك شاربنس والوان واوتوفوكاس وعمرك ما هتغيرها طالما معاك كروب سينسور
لو عايز رينج كويس وعدسة واحدة هات ال ١٨-٢٠٠ وهى ارخص من ال ١٥-٨٥ على فكرة
لو مش مقتنع اوى انصك تستنى شوية وتغير لبودى احسن شوية زى ال ٦٠٠ دى او ٥٥٠ لو لاقيته بيتباع لسة واستفيد بفرق سعره