يا ترجع بضهرك يا ترجع علي ضهرك (حدث بالفعل)
من فتره حوالي شهر كده حصلت الحكايه دي
3 اصحابي وجيراني راكبين في عربيه وماشيين في مساكن مصطفي كامل
وعربيه بيكانتو داخله في وشهم
والاتنين وقفوا قدام بعض وشدوا فرامل اليد ومحدش راضي يرجع للتاني
لحد كده دا وضع عادي ممكن يكون بيحصل لاي حد فينا مرتين كل يوم
المهم
راجل كبير قال لصاحبي دول شويه عيال كبر دماغك وارجعلهم
راح صاحبي راجع
فبيقول للواد مبسوط كده
راح الواد قاله
اه يا ..... امك
فبدات الخناقه بالالفاظ اصحابي قالوا انها عاديه كام شتيمه علي كام تلطيشه وخلاص
في وسط الضرب حصل الاتي
صاحب العربيه اخد مطواه في دمارغ ب6 غرز
وواحد تاني 6 طعنات في بطنه و2 في صدره وتم استئصال 30 سنتي من الامعاء الدقيقه
ومحضر بقي وقضيه واتمسك منهم 2 ولسه فيه 2 هربانين
ادي اول قصه واجرائاتها ماشيه
وححطلكم صور العيلين المطلوبين وفيه مكافئه حوالي 10000 جنيه للي يدل عليهم
=================================
كل الي فوق ده يعتبر عادي نوعا ما
امبارح بقي بكلم واحد صاحبي وبساله انت فين
فقالي رايح للعقيد ابراهيم المستشفي
ليه يبني ماله الراجل
قالي واحد ضربه في ضهره بمطواه
طيب حصل ايه
قالي في الشارع عنده جوز بنته داخل بعربيته وواحد داخل بعربيه في وشه
وحصلت خناقه
وهو لما اتصدر الواد صاحب العربيه ضربه في ضهره بمطواه
وبرضه الواد المفروض انه ابن ناس محترمين
----------------------------------------
نفهم ايه بقي من كل ده ؟
-لما واحد يزنق عليك
ارجع بضهرك بدل ما ترجع علي ضهرك
-مفيش حكومه حتجيبلك حقك لو تعرف تاخد حقك بدراعك خده
-الشتيمه مش بتلزق