الموضوع: سؤال عن اماكن تطعيم الاطفال

المصل و اللقاح ( فاكسييرا ) ليهم فرع في مصر الجديده في نادي الشمس .

انا مرحتش بس واحد صديقي قاللي عليه و لما اتصلت برقم ( فاكسييرا ) لقيت رساله بتوضح رقم الفرع .

و ربنا يسترها علي اولادنا جميعا .

و أنصح بالتطعيم في المصل و اللقاح ( فاكسييرا ) للأسباب التاليه :
1- كل الدكاتره بيجيبوا التطعيمات من هناك .
2- اعتقد عندهم الرقابه حتبقي افضل من عياده دكتور .
3- التطعيم مش حيكون قديم .
4- في عياده الدكتور ... الدكتور بيحط التطعيمات في التلاجه و بيدي المهمه دي للسكرتير او السكرتيره اللي غالبا مبيكونوش مهتمين و لا فاهمين .... طب لو النور قطع ؟؟؟؟.... التلاجه فصلت .... التطعيم باز ...... و احنا الحمد لله الصيف اللي فات الكهرباء قطعت كتيييييير و لسه الصيف ده اما نشوف ظروف الكهرباء ايه .
لكن في المصل و اللقاح ( فاكسييرا ) بيبقي عندهم تلاجات كبيره مخصصه و مجهزه و عندهم generators مولدات كهرباء زي المستشفيات . يبقي المشوار لفاكسييرا يستحق العناء عشان ولادنا .