هاشترى شقه فى العبور ان شاء الله و رايح اتعاقد و عايز نصايحكو

**Moustafa.yonis** · 31-01-2013 04:15 PM

باشا ممكن تقولنا تفاصيل اكتر
عن المكان
وعن الشقة ومساحتها وايه المساحات المتاحة

وهل حضرتك مهندس ومشترك في الصندوق ولا لئه

ايه الشروط واي تفاصيل تانية

اللينك مكتش موضح للاسف

**walidzakzok** · 31-01-2013 06:34 PM

النقابة دي مفيهاش حاجة عدلة ومانصحش حد يشتري منها اي حاجة

انا مهندس وعارف انها نقابة زبالة واسعارها اغلى من برة

دي نقابة لتقليب الاعضاء

**Islam_Shady** · 31-01-2013 06:53 PM

تقريبا مافيش شروط

انا موش مشترك فى الصندوق ولا النقابه و الموضوع مفتوح للجميع

المساحات المتاحة تقريبا لحد 196 متر

و هاتدفع 20 الف اجبارى فى الجراج

هابعتلك تليفونى على الخاص و استفسر براحتك

**Islam_Shady** · 31-01-2013 07:01 PM

المشاركة الأصلية كتبت بواسطة walidzakzok

النقابة دي مفيهاش حاجة عدلة ومانصحش حد يشتري منها اي حاجة

انا مهندس وعارف انها نقابة زبالة واسعارها اغلى من برة

دي نقابة لتقليب الاعضاء

خير بس ياباشا

طمنى و انا لسه على البر

هى موش تبع النقابه هى تبع الصندوق التامينى الخاص بنقابة المهندسين

مستقله عن النقابه

قوللى اللى تعرفه الله يكرمك

**walidzakzok** · 31-01-2013 11:06 PM

المشاركة الأصلية كتبت بواسطة islam_shady

خير بس ياباشا

طمنى و انا لسه على البر

هى موش تبع النقابه هى تبع الصندوق التامينى الخاص بنقابة المهندسين

مستقله عن النقابه

قوللى اللى تعرفه الله يكرمك

اولا كل مشاريع الاسكان اللي بتنزلها النقابة باسعار مبالغة فيها اعلى من اسعار المناطق اللي بتنزل فيها بدون اي خدمات اضافية.

انا اعرف حوالى 50 مهندس مفيش والا واحد منهم فكر يشتري اي حاجة من النقابة وانا اقصد الشقق طبعا

نقابة غير خدمية كل مشاريع الاسكان بتاعتها بقصد الربح

كمان 20 الف جنيه جراج ليه يعني انت فى العبور يعني اخر الدنيا هو انت فى وسط البلد ومش هتلاقي باركينج.

انا لو منك هاعمل لفة على شركة مدينة نصر وشركة مصر الجديدة واشوف مشاريعها اللي فى العبور وغيرها مضمونة وممكن تشتري من واحد شاري منهم

لكن والله النقابة دي زبالة وبقالى فوق ال 10 سنين عضو فيها مشوفتش من وراها اي خدمة

علشان كدة انا باشك بصراحة في ي حاجة تيجي من وراها

وعايز اقولك حاجة لو كان الشقق دي فيها الخير كانوا المهندسين خلصوها او كان الحجز مقتصر عليهم لكن دي اكيد مشاريع بايرة مش لاقي اللي يعبرها

انا ما بقولكش اعمل اللي بقولك عليه لا طبعا .....بس فكر ولف كتير وقارن لقيتهم احسن حاجة اتكل على الله

بس انت بصراحة اول واحد اشوفه من ساعة ماتخرجت اسمع انه ناوي يشتري شقة من النقابة الزفت دي او حتى تبعها

طب انا هاقولك على حاجة كمان كانت نزلت النقابة نفسها شقق فى اكتوبر وعشان تخش القرعة بتاعتها لازم تدفع مبلغ كبير وبعد القرعة ابقى لف عليهم عشان يدوك الفلوس تاني بقى!!!!