لف شكر على اهتمامك يا نوبل وربنا يكرمك
لف شكر على اهتمامك يا نوبل وربنا يكرمك
انا سالت الميكانيكى على موضوع تسقيط الموتور ولا عمل عمرة او نصف عمرة وقالى التالى
انه هوا شخصيا لا يحبذ موضوع تسقيط الموتور دا لانك لا تعرف كم عدد الكيلو مترات اللى مشيها ولا يمكن الحكم عليها الا بفك الموتور ودا طبعا مستحيل
انك تعمل عمرة او نصف عمرة دا الاضمن لانك هتشترى الحاجة بايدك وتتعمل على ايدك فتضمن انك بتعمل الموتور جديد وتستقبل منه 200 الف كليومتر كمتوسط إن شاء الله
لو الموتور ياخد نصف عمرة يبقى ارخص بكتيير من موتور استيراد وجرى ووجع دماغ ورا المرور واثبات الموتور الجديد على الرخصة
الموتور الجديد ينقص من قيمة السيارة لانها هتكون مغيرة موتور بينما العمرة تجدد الموتور لحالته السابقة او اقرب بكثيير منها
موضوع الوقت النصف عمرة تاخد 3 ايام والعمرة تاخد اسبوع
انا سالت الميكانيكى على موضوع الشتا قالى دا بيتعمل فى العمرة الكاملة فقط عشان الموتور بيشغلوه برة العربية لمدة اسبوع يلين على الارض ففى الصيف بيضر الى اغلاقة من 12 ظهرا الى 6 عصرا نظرا لسخونة الجو فبياخد وقت اطول عشان الحرارة متاثرش عليه بينما فى الشتا ياخد اسبوع فقط
مصنعية النصف عمرة 300 جنية والعمرة الكاملة 500 جنية
الله ينور عليك
معلومات في الجوون
جزاك الله خير
ماتزعلش مني
بس الميكانيكي بتاعك دة بتاع اشتغالات
منافيش حد بيعمر موتور عربية في الدنيا و يلينة عالارض
دة بس بيبقى برة في شركات تجميع السيارات
العمرة في الشتاء احسن منعا لسخونة السيارة اثناء التليين
حيث ان اخطر شيء عالموتور اثناء التليين هوة السخونة الزائدة و بصفة عامة هي من اخطر مسببات تلف المواتير
اما عن موضوع المواتير الاستيراد وحالتها و الكشف عليها
بص اي ميكيانيكي شاطر ممكن من النظر عالموتور بيبقى فية دلائل عن حالة الموتور
و يقيس كبسة بمقياس الكبس اللي بيركب مكان بوجية بوجية و يدي سنة مارش بدون دوارة و يشوف كبس كل بستم كام
و اخيرا يدورة نص دقيقة يسمع صوتة ان كان فية اي ترزيع, او اي دخان يبان بالنظر
و عامة اسمعها مني عن خبرة في موتورين جولف استيراد و موتورين سيفيك وموتور اكورد استيراد و موتور مازدا ..... و بعضهم انا اشتريتة بنفسي بدون ميكانيكي و الحمد للة ربنا وفقني لمواتير كويسة جدا و عاشت معايا سنين لغاية ما كل عربية اتباعت فيهم بالموتور بدون اي عمرات او اصلاحات
الموتور الاستيراد انضف ماتعمر موتورك مليون مرة (شرا العبد و لا تربيتة)
و ابسط سبب ان الخامات بتاعه الخراطة في مصر مش تمام يعني الصلب اللي بيتخرط منة الشمايز مش حايعيش اكتر من 50-70 الف كيلو و بس و حايحتاج يتعمر تاني (عن تجربة)و المواتير الاستيراد بتبقى كل اجزائها حالتها كويسة لأنهم بيهتموا باصلاحها برة بقطع غيار اصلية و ناس فاهمة مش زي هنا(قطع غيار مضروبة بيركبها كفتجية) بس تشتري موتور من بورسعيد او اسكندرية و مش من القاهرة
اقرأ ردي الأول اللي انا كتبتة
و بناء على الكشف عن الموتور بعد حل وش السلندر حدد ان كنت تعمل طقم شنبر و صباب و سبيكة لو الشمايز و البساتم حالتها كويسة
وللا تشتري موتور استيراد
بالضبط هو دا الكلام اللي كنت عاوز اقوله بس المنتدي هنج مني امبارح:(
مافيش حاجه اسمها تليين علي الارض
و بخصوص عمره الصيف لو خلاص ناوي تعمر اعمل زيي
مره كنت معمر ال 125 في شهر 7 بس جبتها مجروره عند البيت و بقيت بلينها بمزاجي
قعدت الين فيها اسبوع حرقت 100 لتر و هيا واقفه!!!
كنت بدورها من الساعه 6 العصر لحد الساعه 8 الصبح تاني يوم
و كل ساعتين اطفيها ربع او نص ساعه(الواحد كان عنده صبر برضه:) !!)
و جنبي جركن ميه علشان لو المينه نقصت و مفك للهوا علشان لو برجلت اظبطها و خلاص
بس الاحسن فعلا زي ما ادهم باشا قالك هات موتور استيراد انا مجربه كتير و عمره الحمد لله ما طلع وحش
بس كان الميكانيكي بيجي معايا و لازم يدور الموتور علي الارض
لو ميكانيكي فاهم بيقولك الموتور دا فيه ايه و هو علي الارض.
يعني مره جبت موتور الميكانيكي كان معايا و قالي كويس لو احتاج حاجه حيحتاج طقم شنبر و كمان سنه ولا اتنين مش دلوقتي خالص
و فعلا بعد سنه عملت طقم شنبر و الموتور لحد ما العربيه اتبعات ما عملتش فيه اي حاجه و اللي اشتراها كان بيحلف بالموتوةر اللي فيها(كانت 132 و مركب عليها موتور ارجينتا 2000 موديل 84)
الف شكر على نصائحكم الغالية يا شباب نيل موتورز
انا معايا فليشيا موتور 1300 سىسى كربيراتيير
لقيت موتور 1600 سى سى انجيكشن بالقواعد بتاعتة
هل لو ركبتة يؤثر على السيارة او له تاثيرات اخرى ؟؟؟؟
ارجوا الرد للاهمية