حادث سطو مسلح + التفاصيل والصور-واقعه حقيقية

**Mohab.Nabil** · 29-01-2013 08:57 PM

حمد لله على السلامة يا باشا

و معلش اكيد عارف الموضوع يزعل جدا بس معلش الحمد لله شىء اخف من شىء كان ممكن العربية تتسرق كلها .. و ربنا يشفيك و يشفى صاحبك ان شاء الله

**ashourashour** · 29-01-2013 09:07 PM

الف سلامه عليك و قلبي عندك والله :(

و ربنا هيعوضك اكيد و حسبنا الله و نعم الوكيل

مش لاقي كلام اقوله والله و دا مكتوب طبعا

**kar!m** · 29-01-2013 09:30 PM

الف سلامه عليك و الحمد لله انها جت على قد كده.

انت كده هتخليني أحاول مستفرش بالليل .. أنا كتير بروح كارفور العبور أنا و الأسره عشان قريب من الزقازيق .. بس أنا باخد الطريق الصحراوي.

**Sa3D ALEX** · 29-01-2013 09:35 PM

مش عارف اقول ايه ............. غير ربنا بيحبك والحمد لله على كل شيئ

**loloking** · 29-01-2013 09:48 PM

يا اخواتنا موضوع سرقة العربيات بالاكراه ده قولنا كتير على حله البسيط جدا و محدش عاوز يتعلم لو العربية اتوقفت و مفيش امل خلاص انها تهرب بيكون معانا زرادية قوية تحت الكرسى بنطلع المفتاح من الكونتاكت و نقفل الدركسيون و بنكسره حتت على قد مانقدر على مايكسروا الزجاج و محدش يكسر المفتاح جوه الكونتاكت لانه و السنان جوه هيفضل ممكن تدوير الكونتاكت بمفك او المطوة و بعد الموضوع يفوت على خير بنروح البيت نجيب المفتاح التانى و نرجع ناخد عربيتنا
و فيه حل تانى كمان لو المفتاح مفرد مش فى ميدالية او يتفك منها بسرعة بندخله فى فتحة ازالة الصقيع الى تحت البربريز الامامى بيقع ساعتها فى عمق جهاز التكيف جوه التابلوه و مستحيل يتجاب

**hamada20008** · 29-01-2013 09:59 PM

حمدالله علي سلامتك

**aldesha989** · 29-01-2013 10:31 PM

شافاكم الله وعفاكم والف حمدلله على سلامتك وحسبى الله ونعم الوكيل والله يخلصنا من الاشكال الضاله دى على خير اللى بقت اكتر من الهم على القلب والله العظيم

إنا لله وإنا اليه راجعون

انا مش عارف ازاى فى ناس كده عايشه وسطنا
الواحد قلبه ما يجيبهوش يشيل سكينه يمشى بيها
ولا يقتل قطه

قسمآ بالله لما بلاقى قطه فى الشارع بوقف الطريق كله لحد ما تعدى او انزل امشيها علشان اعرف امشى
ما اقدرش ازهق روح ايآ كانت حيوان او انسان

ربنا يخرجنا من الدنيا دى على خير

حمدلله على سلامتك تانى وربنا يجيرك فى مصيبتك ويخلفك خير منها