تغيير المحرك لزيادة الأحصنه !!!!!!!!!!!

**MMamdouh** · 28-06-2007 12:26 AM

انا اول مرة اشوف الموضوع دة... اعتقد ان مكانة الصح كان يبقى ف التعديلات او الدايو بس مش مشكلة

اولا ينفع تغير موتور عربيتك و تركب موتور دايو 1600 بيعمل 106 حصان بدوت اى تعديلات فى الحوض... الموتور بالكنترول بالفتيس و الضفيرة ب 3500 جنية

ممكن تركب موتور الليجانزا ال2000 بيعمل 132 حصان بس حتعدل فى مكان تركيب قاعدة الموتور الامامية.. مش عارف الموتور يعمل كام دلوقتى بس احنا بنتكلم فى 5000 جنية او اقل لو دخلت موتورك فى الموتور اللى حتشترية

ممكن تركب جنوط 15 و كاوتش 15/50/195 لعربيتك... و عندى طقم للبيع حالتة ممتازة لو عايز

اوعى تجيب هوندا و تفكر تركبلها موتور... حاجات الهوندا ناااااااااااااار... الموتور الVTEC ال1800 ب 15000 ولا حاجة كدة... بالتمن دة تسقط 5 مواتير فى الجوليت بتاعتك

فى كمان طقم سوست سبور ماركة Merwed ب950 جنية و فى كمان تعديل للفرامل لزيادة اداء الفرامل

على فكرة مش كل مواتير الاوبل تركب... انا بصيت على موتور الفيكترا و الكورسا لقيت اختلاف فى القواعد

MMamdouh

**Abdallah** · 28-06-2007 09:22 PM

سؤال يا ممدوح لو سمحت, السوست دى من النوع الى بتهبط العربية ولا ايه فايدتها بالظبط
انا بفكر اغير البوبينة بواحدة اكبر عشان اركب السبيت فاير, هل ممكن اركب بتاعة النوبيرا عادى ؟؟
ايه التعديلات المفيدة الى ممكن تتعمل فى الدايو غير الفرامل وما هى تكلفتها النسبية ؟؟؟
شكرا لك.

**MMamdouh** · 29-06-2007 02:37 PM

المشاركة الأصلية كتبت بواسطة Abdallah

سؤال يا ممدوح لو سمحت, السوست دى من النوع الى بتهبط العربية ولا ايه فايدتها بالظبط
انا بفكر اغير البوبينة بواحدة اكبر عشان اركب السبيت فاير, هل ممكن اركب بتاعة النوبيرا عادى ؟؟
ايه التعديلات المفيدة الى ممكن تتعمل فى الدايو غير الفرامل وما هى تكلفتها النسبية ؟؟؟
شكرا لك.

السوست دى بتقلل ارتفاع العربية من 1.5 الى 2 بوصة بالاضافة الى انها انشف من العادية و بالتالى بتحسن اداء العفشة و الثبت على الطريق

بوبينة اللانوس هى هى بتاعت النوبيرا و الليجانزا فا متغيرش... لو حتجيب بوبينة MSD يبقى خلى بالك لازم تعملها ادابتور عشلن البوبينة بتاعتنا جواها الDriver اللى بياخد الاشارة من الكمبيوتر و الMSD بيحتاج الدرايفر دة فلازم تعمل واحد خارجى عشان تشغلها

انهى دايو؟؟

اللانوس و النوبيرا ممكن تركبلهم مواتير 1600 او 2000 على الترتيب

اللانوس ممكن تركبلها جنبين 1600 بسوست انشف و الفرامل الاكبر

اللانوس ممكن تركبلها ماستر نوبيرا

اللانوس و النوبيرا ممكن تركبلهم بوابة الموتور ال2000

الموتور ال2000 ممكن تركبلة كرنك و بيلات و تخلية 2200

ممكن تركب فرامل سكاكين على اللانوس من اوبل استرا و النوبيرا ليها استيراد

زى ما انت شايف قائمة التعديلات صغيرة جدا مقارنة بال BMW مثلا

MMamdouh

**ابوحميد** · 01-07-2007 03:06 AM

انا شايف انك مصر على موضوع تسقيط الموتور دا
عشان كدا مش حطول فى الكلام بتاع بلاش وحرام عليك مع انى شاف كدا
المهم اذا كنت ناوى خلاص بلاش تسقط موتور بنوع تانى صدقنى ححتعب ومش عاوز اقول كلمة تتذل فى المرور فى الترخيص بتاع العربية
الا فى حالة واحدة انك تكون مسنود زى ما انت عارف بلدنا

:twisted: :twisted: :twisted:
المهم حتى لو كنت مسنود برده انصحك تركب موتور نوعه دايو ايا كان بشرط تراعى الحجم والوزن
عشان العفشة والحوض بتاع الموتور
حاجة تانية تراعى انه كل ما يزيد قدرة الموتور ووزنه تحتاج تركب فرامل وتعدل فيها عشان تناسب الوضع الجديد
وربنا معاك

**ابوحميد** · 01-07-2007 03:06 AM

انا شايف انك مصر على موضوع تسقيط الموتور دا
عشان كدا مش حطول فى الكلام بتاع بلاش وحرام عليك مع انى شاف كدا
المهم اذا كنت ناوى خلاص بلاش تسقط موتور بنوع تانى صدقنى ححتعب ومش عاوز اقول كلمة تتذل فى المرور فى الترخيص بتاع العربية
الا فى حالة واحدة انك تكون مسنود زى ما انت عارف بلدنا

:twisted: :twisted: :twisted:
المهم حتى لو كنت مسنود برده انصحك تركب موتور نوعه دايو ايا كان بشرط تراعى الحجم والوزن
عشان العفشة والحوض بتاع الموتور
حاجة تانية تراعى انه كل ما يزيد قدرة الموتور ووزنه تحتاج تركب فرامل وتعدل فيها عشان تناسب الوضع الجديد
وربنا معاك

**MMamdouh** · 01-07-2007 12:05 PM

المشاركة الأصلية كتبت بواسطة Abdallah

نتعرف جنبين اللانوس ال 1600 يعملوا كام فى الحرفيين بمصر ؟؟
ويا ريت ماستر النوبيرا برضة.
انا بفكر اركب تربز على موتو اللانوس ال 1500 ايه رأيك فى الموضوع دة ؟؟

حسب ما انا فاكر 800 جنية قبل اى فصال

ماستر النوبيرا جديد بدون خزنة و بلوف ب 175 جنية

فكرة ممتازة طبعا و دى بعض المواضيع عشان يبقى عندك خلفية:

النوبيرا 2000 تيربو: مصطفى و محمد ممدوح
http://www.daewootech.com/forum/viewtopic.php?t=6536

الجوليت التيربو: ادم و مصطفى
http://www.daewootech.com/forum/viewtopic.php?t=2488
http://www.youtube.com/watch?v=3lE1REJjehE

افضل تيربو على لانوس 1500:
http://www.daewootech.com/forum/viewtopic.php?t=2755

MMamdouh

**Karim_Monir** · 01-07-2007 12:35 PM

استاذ محمد ممدوح
مين قال ان موتور الهوندا ب 15 الف
انا قابلت واحد في الحرفيين اسمه محمد معاه هوندا CRX وديل 90
مسقطلها موتور في تك 1600 بيخرج 159 بتاع SIR
حاجة مفترية بجد
وتمنة معداش ال 7 بشوية حوارات جايبها معاه
وانا قولتلوة يوميها علي النتدي وقاللي اول ما يرجع اسكندرية لانه منها
هايدخل علي النت ويحكيلنا تجربتة هنا
بس ماعتقدش الرقم اللي انت بتقول علية ابدا
ده ولا ال 2000 سي سي
ده موتور الدبانة بالرقم ده :mrgreen: :mrgreen:

**MMamdouh** · 01-07-2007 12:49 PM

الارقام دى من اتنين اصحابى معاهم هوندات و مسقطين مواتير B18... يمكن صاحبك عرف يجيب حاجة لقطة او اصحابى زباين و اتعمل عليهم شغل او يمكن فى فرق كبير بين المواتير دى بس فى النهاية المواتير غالية... بسبع تلاف جنية اجيبلك موتور BMW 35 بفتيسة و كورونة و عفشة 6... البى ام ارخص كتيييييير من الهوندا

MMamdouh

-

-

الموضوع: تغيير المحرك لزيادة الأحصنه !!!!!!!!!!!

LinkBack

أدوات الموضوع

عرض

-

-

-

-

-

-

المواضيع المتشابهه

للمناااااااقشة : طريقة لزيادة أداء المحرك وخفض درجة الحرارة واقتصادية في البنزين

للمناااااااقشة : طريقة لزيادة أداء المحرك وخفض درجة الحرارة واقتصادية في البنزين

طريقة سحرية لزيادة اداء المحرك واقتصادية في الوقود

تغيير زيت المحرك

الكلمات الدلالية لهذا الموضوع

المفضلات

المفضلات

ضوابط المشاركة